ເຈົ້າແຂວງສະຫວັນນະເຂດລົງຕິດຕາມກວດກາໂຄງການກໍ່ສ້າງລະບົບຊົນລະປະທານຫ້ວຍທ່າຮາວເມືອງອຸທຸມພອນ


ໃນວັນທີ 19 ມິຖຸນາ 2020 ນີ້ ທ່ານສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍທ່ານ ປະສົງສິນ ຈະເລີນສຸກ ເຈົ້າເມືອງອຸທຸມພອນ ໄດ້ລົງຕິດຕາມກວດກາໂຄງການກໍ່ສ້າງລະບົບຊົນລະປະທານຫ້ວຍທ່າຮາວ ບ້ານນາຄຳ ເມືອງອຸທຸມພອນ. ໂອກາດນີ້ທ່ານ ນາງ ເພັດສະໝອນ ເພັງສະຫວັດ ປະທານບໍລິສັດເພັດຖາວອນ ກໍ່ສ້າງເຄຫາຂົວ - ທາງ ແລະ ຊົນລະປະທານ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງລະບົບຊົນລະປະທານຫ້ວຍທ່າຮາວແມ່ນໄດ້ເລີ່ມລົງມືຈັດຕັ້ງປະຕິບັດໂຄງການໄລຍະທີໜຶ່ງແມ່ນເລີ່ມແຕ່ປີ 2014 – 2016 ກໍ່ໄດ້ມີການກວດກາ ແລະ ໄດ້ຢຸດໂຄງການເປັນເວລາ 4 ປີ 

Image may contain: 8 people, people standing, sky and outdoor

ຫຼັງຈາກນັ້ນກໍ່ໄດ້ສືບຈັດຕັ້ງປະຕິບັດໂຄງການໃໝ່ເປັນໄລຍະທີສອງ ເຊິ່ງໜ້າວຽກຕົ້ນຕໍແມ່ນການກໍ່ສ້າງລະບົບຫົວງານເຂື່ອນດິນທີ່ມີລວງຍາວ 1.250 ແມັດ,ກວ້າງ 8 ແມັດເຄິ່ງ ແລະ ກໍ່ສ້າງລະບົບຄອງເໝືອງໃນນັ້ນມີຄອງເໝືອງແມ່ສອງຄອງເບື້ອງຊ້າຍມີຄວາມຍາວ 9 ກິໂລແມັດ,ເບື້ອງຂວາມີຄວາມຍາວ 11 ກິໂລແມັດ ແລະ ຄອງຊອຍ 45 ຄອງໃນມູນຄ່າການກໍ່ສ້າງທັງໝົດ 191 ຕື້ກີບໂດຍແມ່ນບໍລິສັດເພັດຖາວອນ ກໍ່ສ້າງເຄຫາຂົວ - ທາງ ແລະ ຊົນລະປະທານເປັນຜູ້ຮັບເໝົາກໍ່ສ້າງ 

Image may contain: sky, cloud, outdoor and nature

ມາຮອດປັດຈຸບັນໂຄງການດັ່ງກ່າວສາມາດຈັດຕັ້ງປະຕິບັດສຳເລັດໄປແລ້ວ 31% ຄາດວ່າຈະໃຫ້ສໍາເລັດໂຄງການໃນປີ 2023 ແລະ ຈະໄດ້ສືບຕໍ່ໃສ່ໂຄງການຊົນລະກະເສດເຊິ່ງເປັນໄລຍະທີ 3 ຂອງໂຄງການ ແລະ ຈະໃຫ້ສຳເລັດໃນປີ 2025 ພາຍຫຼັງທີ່ສຳເລັດໂຄງການນີ້ແລ້ວພາຍໃນອ່າງເກັບນ້ຳຫ້ວຍທ່າຮາວຈະສາມາດກັກເກັບນ້ຳໄດ້ຫຼາຍເຖິງ 24 ລ້ານແມັດກ້ອນ,ສາມາດຫົດເນື້ອທີ່ນາປ່ີໄດ້ 1.700 ເຮັກຕາ,ນາແຊງ 1. 100 ເຮັກຕາ ແລະ ຈະມີປະຊາຊົນຈຳນວນ 9 ບ້ານທີ່ໄດ້ຊົມໃຊ້ ແລະ ໄດ້ຮັບຜົນປະໂຫຍດ.

Image may contain: 10 people, people standing, sky, cloud, outdoor and nature



ພາບ - ຂ່າວ: ອັກສອນສິນ ພົມມະຈັນ

















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments