ມອບ-ຮັບໂຄງການກໍ່ສ້າງ ແລະ ສ້ອມແປງເສັ້ນທາງ ແຕ່ບ້ານວັງຊຽງ-ບ້ານດອນເງິນເມືອງໂພນທອງ ແຂວງຫຼວງພະບາງ


ວັນທີ 19 ມີຖຸນາ ປີ 2020 ນີ້ ເມືອງໂພນທອງ ໄດ້ຈັດພິທີມອບ-ຮັບໂຄງການກໍ່ສ້າງ ແລະສ້ອມແປງເສັ້ນທາງເລກທີ 2986 ແຕ່ບ້ານ ວັງຊຽງ-ບ້ານດອນເງິນ ທີ່ຖືກຜົນກະທົບຈາກໄພພິບັດປີ 2019 ໂດຍປັນປະທານຂອງ ທ່ານ ບຸນຈັນ ປານຟອງເຟັດ ເຈົ້າເມືອງໂພນທອງ, ທ່ານ ໄຊສະຫວາດ ມະນີວົງ ປະທານບໍລິສັດຮັບເໝົາກໍ່ສ້າງ, ມີຄະນະກຳມະການຄຸ້ມຄອງການລົງທຶນຂອງລັດ, ສະມາຊິກສະພາປະຊາຊົນແຂວງປະຈຳເຂດເລືອກຕັ້ງຂອງເມືອງ, ຕະຫຼອດຮອດອົງການປົກຄອງທັງ 3 ບ້ານທີ່ໄດ້ຊົມໃຊ້ເສັ້ນທາງເຂົ້າຮ່ວມ.
Image may contain: 12 people, people sitting, people standing and indoor

 ທ່ານ ໄຊສະຫວາດ ມະນີວົງ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດ ຕາມແບບແຜນໂຄງການກໍ່ສ້າງທີ່ໄດ້ກຳນົດໄວ້ ໃນໂຄງການສ້ອມແປງ ແລະຂົວທາງເສັ້ນທາງຊົນນະບົດ ຂອງບ້ານວັງຊຽງ-ບ້ານດອນເງິນ ໂດຍໄດ້ຮັບທືນສະໜັບສະໜູນ ຈາກໂຄງການລັດຖະບານລາວ 100% ໃນມູນຄ່າການກໍ່ສ້າງ 481.680.000 ກ່ວາກີບ, ເສັ້ນທາງ ມີຄວາມຍາວ 6 ກິໂລແມັດ ກວ້າງ 5 ແມັດເຄີ່ງ ເລີ່ມລົງມື້ກໍ່ສ້າງ-ສ້ອມແປງ ແຕ່ວັນທີ 22 ພຶດສະພາ 2020 ມາຮອດ ວັນທີ 15 ມີຖຸນາ ປີ 2020 ແມ່ນສຳເລັດ 100% ໃຊ້ເວລາ 30 ວັນ 
Image may contain: 5 people, people sitting, table and indoor
Image may contain: 6 people, people sitting, table and indoor
ຈາກນັ້ນ ທ່ານ ໄຊສະຫວາດ ມະນີວົງ ປະທານບໍລິສັດ ໄຊຍະຫວາດ ກໍ່ສ້າງຂົວທາງ ຜູູ້ຮັບເໝົາ ໄດ້ມອບເສັ້ນທາງ ໃຫ້ອົງການປົກຄອງເມືອງ ແລະໄດ້ມອບຕໍ່ໃຫ້ກັບປະຊາຊົນຈຳນວນ 3 ບ້ານພາຍໃນກຸ່ມໂພນທອງ ເປັນຜູ້ປົກປັກຮັກສາ ແລະຊົມໃຊ້. ໂອກາດນີ້ ທ່ານເຈົ້າເມືອງໂພນທອງໄດ້ຍ້ອງຍໍຊົມທຸກພາກສ່ວນ ທີມີສ່ວນຮ່ວມພັດທະນາ ຟື້ນຖານໂຄງລ່າງຂອງເມືອງໂພນທອງ ແລະຮຽກຮ້ອງໃຫ້ປະຊາຊົນ ຊ່ວຍກັນໃນການປົກປັກຮັກສາ ແລະຄຸ້ມຄອງເສັ້ນທາງ ໃຫ້ໄດ້ນຳໃຊ້ຢ່າງຍາວນານ, ມີຜົນປະໂຫຍດສູງ ໂດຍສະເພາະແມ່ນ ນຳໃຊ້ເຂົ້າໃນການແກ້ໄຂຄວາມທຸກຍາກ ຂອງປະຊາຊົນໃຫ້ດີຂື້ນ. ໂອກາດນີ້ ອົງການປົກຄອງໂພນທອງ ໄດ້ມອບໜັງສືຂອບໃຈໃຫ້ ອຳນວຍການບໍລີສັດ ໄຊສະຫວາດ ພັດທະນາທີ່ປະກອບສ່ວນ ໃນການພັດທະນາຟື້ນຖານໂຄງລ່າງຂອງເມືອງໂພນທອງ ເປັນກຽດມອບໂດຍ ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ.
Image may contain: 13 people, people sitting and people standing

ຂ່າວ: ສົມເພັດ ໄຊມີກອນ ນັກຂ່າວ ເມືອງໂພນທອງ ແຂວງຫຼວງພະບາງ.



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments