ສຳເລັດ ກອງປະຊຸມໃຫຍ່ຜູ້ແທນຊາວໜຸ່ມແຂວງບໍລິຄຳໄຊ ຄັ້ງທີ VI


ກອງປະຊຸມໃຫຍ່ຜູ້ແທນຊາວໜຸ່ມແຂວງບໍລິຄຳໄຊ ຄັ້ງທີ VI ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 24 ມິຖຸນາ 2020 ແລະ ໄດ້ສຳເລັດລົງໃນຕອນບ່າຍຂອງວັນດຽວກັນ ຢູ່ສະໂມສອນໃຫຍ່ຂອງແຂວງ ພາຍໃຕ້ການເປັນປະທານຂອງສະຫາຍ ທອງມະນີ ໂຄດປັນຍາ ກຳມະການສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງບໍລິຄຳໄຊ, ໃຫ້ກຽດເຂົ້າຮ່ວມຂອງສະຫາຍ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະນະບໍລິຫານງານພັກແຂວງ-ແຂວງບໍລິຄຳໄຊ, ສະຫາຍນາງ ວິລະວອນ ພັນທະວົງ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີຜູ້ແທນສົມບູນ 103 ສະຫາຍ ຍິງ 17 ສະຫາຍ, ມີຄະນະຈາກສູນກາງຊາວໜຸ່ມປະຊາຊົນປະຕິວັດລາວ, ຈາກແຂວງແຮກສ່ຽວ, ເລຂາຊາວໜຸ່ມຮາກຖານອ້ອມຂ້າງແຂວງ ແລະ ແຂກຖືກເຊີນ ເຂົ້າຮ່ວມ.


ກອງ​ປະຊຸມ​​ໃຫຍ່​ ໄດ້​ຮັບ​ຟັງ​ລາຍ​ງານ​ການ​ເມືອງທັງ​ສອງ​ພາກ ​ເຊິ່ງສະ​ເໜີ​ໂດຍ ສະຫາຍ ທອງມະນີ ໂຄດປັນຍາ ເຊິ່ງໄດ້​ຕີ​ລາຄາ​ເຖິງ​ຜົນງານ ​ແລະ​ ໄຊຊະນະ​ ຂອງການນໍາພາຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນຊາວໜຸ່ມແຂວງ ຄັ້ງທີ V ພ້ອມນີ້ ຍັງໄດ້ເປັນເອກະສັນກັນຮັບຮອງເອົາບົດລາຍງານການຈັດຕັ້ງປະຕິບັດມະຕິກອງປະຊຸມຜູ້ແທນຊາວໜຸ່ມແຂວງ ຄັ້ງທີ V, ທິດທາງແຜນການ ແລະ ຄາດໝາຍສູ້ຊົນ 5 ປີຕໍ່ໜ້າ ( ແຕ່ປີ 2020-2025 ) ເປັນຕົ້ນ ເພີ່ມທະວີການສຶກສາອົບຮົມການເມືອງແນວຄິດ ໃຫ້ແກ່ສະມາຊິກຊາວໜຸ່ມ-ເຍົາວະຊົນດ້ວຍຫຼາຍຮູບແບບແທດເໝາະກັບກຸ່ມເປົ້າໝາຍໃຫ້ໄດ້ 3 ແສນເທື່ອຄົນ ເພື່ອໃຫ້ເຂົາເຈົ້າກາຍເປັນພົນລະເມືອງດີຂອງຊາດ ເປັນຜູ້ສືບທອດທີ່ຈົງຮັກພັກດີຂອງພັກ, ເອົາໃຈໃສ່ປັບປຸງການຈັດຕັ້ງໃຫ້ເຕີບໃຫຍ່ເຂັ້ມແຂງຮອບດ້ານ ຕົ້ນຕໍແມ່ນຂັ້ນເມືອງ ແລະ ຮາກຖານບ້ານໃຫ້ມີຄຸນນະພາບຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຝຶກອົບຮົມຜູ້ນໍາພາວຽກງານຊາວໜຸ່ມ-ເຍົາວະຊົນ ໃຫ້ກວມ 70%, ຂະຫຍາຍສະມາຊິກຊາວໜຸ່ມໃຫ້ກວມ 36% ຂອງຊາວໜຸ່ມໃນເກນອາຍຸ ແລະ ຂະຫຍາຍສະມາຊິກເຍົາວະຊົນ-ອະນຸຊົນທັນວາ ໃຫ້ກວມ 80% ໃນເກນອາຍຸ, ເພີ່ມທະວີສະກັດກັ້ນ ແລະ ຫຼຸດຜ່ອນປະກົດການຫຍໍ້ທໍ້ເທື່ອລະກ້າວ, ປຸກລະດົມຕ້ານການຟຸມເຟືອຍ, ນໍາພາດໍາເນີນກິດຈະກໍາຕ້ານສິ່ງເສບຕິດ, ການອານຸລັກຮັກສາຮີດຄອງປະເພນີອັນດີງາມຂອງຊາດ, ປະກອບສ່ວນເຮັດວຽກງານທີ່ເປັນປະໂຫຍດແກ່ສັງຄົມ, ສ້າງຂະບວນການຂອງຊາວໜຸ່ມ-ເຍົາວະຊົນ ຕາມຂໍ້ແຂ່ງຂັນ 4 ບຸກ ແລະ 3 ດີ 4 ຮູ້, ນໍາພາກອງອາສາສະໝັກຊາວໜຸ່ມໃຫ້ໄດ້ 25 ກອງ ພ້ອມທັງອອກເຄື່ອນໄຫວຮັບໃຊ້ສັງຄົມຢ່າງຟົດຟື້ນຕໍ່ເນື່ອງ, ສ້າງໜ່ວຍຊາວໜຸ່ມ 4 ບຸກແຕ່ລະປີໃຫ້ກວມ 90% ຂອງຈໍານວນໜ່ວຍທັງໝົດທົ່ວແຂວງ ແລະ ສ້າງກອງເຍົາວະຊົນ 3 ດີ 4 ຮູ້ ກວມ 70% ກອງຂຶ້ນໄປ, ຊຸກຍູ້ການສ້າງເສດຖະກິດ ແລະ ຜະລິດເປັນສິນຄ້າຂອງຄອບຄົວຊາວໜຸ່ມເພື່ອປະກອບສ່ວນຢ່າງແຂງແຮງໃນຂະບວນການລຶບລ້າງຄວາມທຸກຍາກຂອງປະຊາຊົນ ແລະ ຄອບຄົວຊາວໜຸ່ມ, ສົ່ງເສີມວິຊາຊີບສ້າງວຽກເຮັດງານທໍາຢູ່ທ້ອງຖິ່ນໃຫ້ຫຼາຍຂຶ້ນ, ຊຸກຍູ້ສົ່ງເສີມຄອບຄົວຕົວແບບໃນດ້ານຕ່າງໆ ໃຫ້ໄດ້ 10 ຕົວແບບ, ຊຸກຍູ້ໃນການສ້າງເງິນຄັງລວມໃຫ້ໄດ້ 1,5 ຕື້ກີບ, ປຸກລະດົມຊາວໜຸ່ມທີ່ປະກອບທຸລະກິດຂະໜາດນ້ອຍ ແລະ ກາງ ( SME ) ເຂົ້າ ເປັນສະມາຊິກ ສທໜ ຫຼາຍຂຶ້ນ, ຊຸກຍູ້ ແລະ ສ້າງເງື່ອນໄຂໃຫ້ສະມາຄົມນັກທຸລະກິດໜຸ່ມແຂວງໄດ້ເຄື່ອນໄຫວ ຢ່າງແຂງແຮງ, ເພີ່ມທະວີການພົວພັນຮ່ວມມືຮອບດ້ານກັບຊາວໜຸ່ມເພື່ອນມິດຍຸດທະສາດ ສສ ຫວຽດນາມ, ຊາວໜຸ່ມອາຊຽນ ແລະ ເພື່ອນມິດສາກົນ ເພື່ອຍາດແຍ່ງເອົາການຊ່ວຍເຫຼືອພັດທະນາຊາວໜຸ່ມ-ເຍົາວະຊົນໃຫ້ຫຼາຍກ່ວາເກົ່າ.

Image may contain: one or more people, crowd and indoor

ຜູ້ແທນກອງປະຊຸມ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມແຂວງບໍລິຄໍາໄຊ ສະໄໝທີ VI ບົນພື້ນຖານຫຼັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ໄດ້ກໍານົດໄວ້ ແລະ ໄດ້ເປັນເອກະສັນກັນເລືອກເອົາ ສະຫາຍ ທອງມະນີ ໂຄດປັນຍາ ເປັນເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ ສະໄໝທີ VI, ສະຫາຍ ທະນູວັນ ວົງມະນີ ເປັນຮອງ, ສະຫາຍ ວັນນະສິນ ສອນວິໄລ ເປັນຮອງທັງເປັນປະທານກວດກາ, ສະຫາຍນາງ ນິດຕາ ເພັງສະຫວັດ ແລະ ສະຫາຍ ສົມພຽນ ຊ້ອນພາ ເປັນຮອງປະທານກວດກາ.

Image may contain: one or more people, people standing and indoor











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments