ສະຫວັນນະເຂດ-ຄຳມ່ວນ ເຊັນບົດບັນທຶກ ການແກ້ໄຂເຂດແດນເຊື່ອມຕໍ່


ພິ­ທີ​ເຊັນ​ບົດ​ບັນ­ທຶກ​ການ​ແກ້​ໄຂ​ເຂດ­ແດນ​ເຊື່ອມ​ຕໍ່​ລະ ­ຫວ່າງ​ເມືອງ​ວິ­ລະ​ບູ​ລີ, ເມືອງ​ອາດ​ສະ​ພອນ ແຂວງ​ສະຫວັນ​ນະ​ເຂດ ກັບ​ເມືອງ​ໄຊ​ບົວ­ທອງ ແຂວງ​ຄຳ​ມ່ວນ ໄດ້​ຈັດ​ຂຶ້ນ​ເມື່ອ ບໍ່​ດົນ​ມານີ້ ທີ່​ຫ້ອງ​ວ່າ­ການ​ປົກ ­ຄອງ​ແຂວງ​ສະ­ຫວັນ​ນະ​ເຂດ ໂດຍ​ການ​ເປັນ​ປະ­ທານ​ຂອງ​ທ່ານ ໂພ​ໄຊ ໄຊ​ຍະ​ສອນ ກຳ ­ມະ­ການ​ສຳ­ຮອງ​ສູນ​ກາງ​ພັກ ຮອງ​ເລ­ຂາ​ພັກ​ແຂວງ ຮອງ​ເຈົ້າ ­ແຂວງ​ສະ­ຫວັນ​ນະ​ເຂດ ແລະ ທ່ານ ບຸນ​ມີ ພິມ​ມະ​ສອນ ຮອງ​ເລ­ຂາ​ພັກ​ແຂວງ ຮອງ​ເຈົ້າ­ແຂວງ​ຄຳ​ມ່ວນ ພ້ອມ​ດ້ວຍ​ຄະ­ນະ​ຮັບ­ຜິດ­ຊອບ​ແກ້​ໄຂ​ບັນ­ຫາ​ເຂດ ­ແດນ​ຂອງ​ທັງ​ສອງ​ແຂວງ​ເຂົ້າ​ຮ່ວມ.

Image may contain: 22 people, people sitting, people standing and indoor

 ໂອ­ກາດ​ນີ້, ທັງ​ສອງຝ່າຍ ກໍ​ໄດ້​ມີ​ການ​ປຶກ­ສາ​ຫາ­ລືກ່ຽວ​ ກັບ​​ການ​ເຊັນ​ບົດ​ບັນທຶກການ​ແກ້​ໄຂ​ເຂດ­ແດນ​ເຊື່ອມ​ຕໍ່​ລະ ­ຫວ່າງ​ເມືອງ​ອາດ​ສະພອນ, ເມືອງ​ວິ­ລະ​ບູ​ລີ, ແຂວງ​ສະຫວັນ​ນະ​ເຂດ ແລະ ເມືອງ​ໄຊ​ບົວ ­ທອງ, ແຂວງ​ຄຳ​ມ່ວນ ຊຶ່ງ​ໄດ້​ຕົກ­ລົງ​ເປັນ​ເອ­ກະ​ພາບ​ກັນ​ດັ່ງ ­ນີ້:  ດ້ານ​ການ​ແກ້​ໄຂ​ເຂດແດນ​ເຊື່ອມ​ຕໍ່ແມ່ນ​ເຫັນ​ດີ​ປະ­ຕິ­ບັດ​ຕາມ​ບົດ​ບັນ­ທຶກ​ກອງ​ປະ­ຊຸມ​ກ່ຽວ​ກັບ​ການ​ຕົກ­ລົງ​ແກ້​ໄຂ​ເຂດ­ແດນ​ເຊື່ອມ​ຕໍ່​ລະ­ຫວ່າງ​ແຂວງ​ສະ­ຫວັນ​ນະ​ເຂດ ກັບ​ແຂວງ​ຄຳ​ມ່ວນ ສະ­ບັບ​ລົງ​ວັນ​ທີ 18/5/1999 ແລະ ​ແຜນ­ທີ່​ປີ 1983 ຢູ່​ແຂວງ​ຈຳ­ປາ​ສັກ, ເຫັນ​ດີ​ໂອນ​ບ້ານ​ໂພນ​ຄຳ ເມືອງ​ໄຊ​ບົວ­ທອງ ແຂວງ​ຄຳ​ມ່ວນ ໄປ​ຂຶ້ນ​ກັບ​ອຳ­ນາດ​ການ​ປົກຄອງ​ເມືອງ​ວິ­ລະ​ບູ​ລີ ແຂວງ​ສະຫວັນ​ນະ​ເຂດ ຕາມ​ການ​ຕົກ­ລົງ​ຂອງ​ປະ­ຊາ­ຊົນ​ບ້ານ​ດັ່ງ­ກ່າວ, ເຫັນ​ດີ​ໂອນ(ຄຸ້ມ​ທ່າ​ໂພ) ບ້ານ​ສົບ​ເຊ ເມືອງ​ອາດ​ສະ​ພອນ ແຂວງ​ສະ­ຫວັນ​ນະ​ເຂດ ໃນ​ຈຳ­ນວນ 18 ຫຼັງ­ຄາ​ເຮືອນ, 25 ຄອບ­ຄົວ, ພົນ­ລະ­ເມືອງ 137 ຄົນ, ຍິງ 67 ຄົນ, ທີ່​ຕັ້ງ​ຖິ່ນ​ຖານ​ພູມ­ລຳ ­ເນົາ​ບ້ານ​ເຮືອນ​ຢູ່​ພາກ​ເຊ​ເບື້ອງ​ເມືອງ​ໄຊ​ບົວ­ທອງ  ແຂວງ​ຄຳ​ມ່ວນ ໃຫ້​ໄປ​ຂຶ້ນ​ກັບ​ອຳ­ນາດ​ການ​ປົກ­ຄອງ​ເມືອງ​ໄຊ​ບົວ­ທອງ ຕາມ​ການ​ເຫັນ​ດີ​ຂອງ​ປະ­ຊາ ­ຊົນ​ຄຸ້ມ​ບ້ານ​ດັ່ງ­ກ່າວ, ສ່ວນ​ພິ­ ທີ​ມອບ​-​ຮັບ ​ໂອນ​ບັນ­ດາ​ບ້ານ​ເປົ້າ​ໝາຍ ແມ່ນ​ມອບ​ໃຫ້​ສອງ​ກອງ​ເລ­ຂາ​ຂອງ 2 ແຂວງ ສືບ­ຕໍ່​ກະ­ກຽມ​ຈັດ​ສັນ​ເວ­ລາ ແລະ​ ສະ ­ຖານ­ທີ່​ຕາມ​ຄວາມ​ເໝາະ​ສົມ; ດ້ານ​ວຽກ​ງານ​ແກ້​ໄຂ​ເຂດ­ແດນ​ເຊື່ອມ​ຕໍ່​ບ້ານ​ນາ​ໂມ້ ເມືອງ​ໄຊ​ບົວ­ທອງ ແລະ ​ເມືອງ​ວິ­ລະ​ບູ​ລີ ກອງ​ປະ­ຊຸມເຫັນ​ດີ​ມອບ​ໃຫ້​ສອງ​ກອງ​ເລ­ຂາ​ແຂວງ​ສະ­ຫວັນ​ນະ​ເຂດ ແລະ​ ແຂວງ​ຄຳ​ມ່ວນ ສືບ­ຕໍ່​ສົມ­ທົບ​ກັບ​ກະ­ຊວງ​ພາຍ​ໃນ ເພື່ອ​ປຶກ­ສາ​ຫາ­ລື​ຊອກ​ວິ­ທີ​ທາງ​ອອກ​ຮ່ວມ​ກັນ ແລະ ​ມອບ​ໃຫ້​ຄະ­ນະ​ຂັ້ນ​ເມືອງ ສືບ­ຕໍ່​ພົບ​ປະ​ຫາ­ລື​ກ່ຽວ​ກັບ​ວຽກ​ງານ​ເຂດ ­ແດນ​ເຊື່ອມ​ຕໍ່ ໂດຍ​ປະ­ຕິ­ບັດ​ຕາມ​ຄຳ​ແນະ­ນຳ​ເລກ​ທີ 01/ພນ. ຈາກ​ນັ້ນ, ໃນ​ພິ­ທີ ກໍໄດ້​ມີ​ການ​ລົງ​ນາມ​ໃນ​ບົດ​ບັນ­ທຶກ​ສະ­ບັບ​ດັ່ງ­ກ່າວ​ນີ້ ຊຶ່ງ​ຕາງ­ໜ້າ​ແຂວງ​ສະ­ຫວັນ​ນະ​ເຂດ ​ໃຫ້​ກຽດ​ລົງ​ນາມ​ໂດຍ​ທ່ານ ໂພ​ໄຊ ໄຊ​ຍະ​ສອນ ແລະ ຕາງ­ໜ້າ​ແຂວງ​ຄຳ​ມ່ວນ ລົງ​ນາມ​ໂດຍ​ທ່ານ ບຸນ​ມີ ພິມ​ສະ​ສອນ​ ໂດຍ​ຊ້ອງ​ໜ້າ​ບັນ­ດາ​ພະ­ແນກ­ການ, ຂະ­ແໜງ ­ການ ແລະ ​ເມືອງ​ທີ່​ກ່ຽວ­ຂ້ອງ​ຂອງ​ສອງ​ແຂວງ​ດັ່ງ​ກ່າວ. 

(ຂ່າວ: ຕຸກ​ຕຸກ)






















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments