ເຈົ້າ​ແຂວງ​ສະ​ຫວັນ​ນະ​ເຂດ ​ເນັ້ນ​ປະ​ຊາ​ຊົນ​ບ້ານ​ໂພນ​ຢາ​ນາງ ແລະ ບ້ານ​ໂພນຕູມ ໃຫ້​ເອົາ​ໃຈ​ໃສ່​ຕ້ານ​ພະ​ຍາດ​ໄຂ້​ເລືອດ​ອອກ.


ດ້ວຍຄວາມເປັນຫ່ວງ ເປັນຫ່ວງໃຍຕໍ່ຊີວິດ ແລະສຸຂະ ພາບຂອງພໍ່ ແມ່ປະຊາຊົນ ເຊິ່ງໃນປະຈຸບັນຫຼາຍທ້ອງຖິ່ນກຳລັງປະສົບກັບການລະບາດຂອງພະຍາດໄຂ້ຍູງລາຍ ຫຼືໄຂ້ ເລືອດອອກ ຊຶ່ງມາໃນວັນທີ 19 ມິຖຸນາ 2020 ນີ້, ທ່ານ ສັນຕິພາບ ພົມວິຫານ ເຈົ້າ ແຂວງສະຫວັນນະເຂດພ້ອມ ດ້ວຍທ່ານ ປະສົງສິນ ຈະເລີນ ສຸກ ເຈົ້າເມືອງອຸທຸມພອນ, ມີ ຮອງຫົວໜ້າພະແນກສາທາລະ ນະສຸກແຂວງ, ຫົວໜ້າຫ້ອງ ການ ສາທາລະນະສຸກເມືອງໄດ້ ລົງເຄື່ອນໄຫວພົບປະໂອ້ລົມກັບອຳນາດການປົກຄອງ ແລະ ພໍ່ແມ່ປະຊາຊົນສອງບ້ານ ຂອງເມືອງອຸທຸມພອນຄື: ບ້ານໂພນຢານາງ ແລະບ້ານ ໂພນຕູມ ເນື່ອງຈາກສອງບ້ານ ດັ່ງກ່າວ ໄດ້ພົບກໍລະນີຜູ້ເປັນ ພະຍາດໄຂ້ເລືອດອອກ ກ່ອນ ອື່ນ, ທ່ານເຈົ້າແຂວງໄດ້ສອບ ຖາມເຖິງການກັກໂຕຂອງ ແຮງງານລາວທັງ 2 ບ້ານທີ່ ເດີນທາງກັບມາຈາກປະເທດ ໃກ້ຄຽງວ່າມີຄວາມສະດວກ ແລະຄວາມ ຫຍຸ້ງຍາກແນວໃດ, ຫຼັງຈາກກັບມາຈະປະກອບ ອາຊີບແນວໃດ, ບັນຫານີ້ ແມ່ນ ມອບໃຫ້ທາງເມືອງເປັນຜູ້ຄົ້ນຄວ້າ ເຊິ່ງຕາມທິດຂອງພັກ-ລັດ ແລະຄວາມເໝາະສົມແມ່ນ ໃຫ້ເລັ່ງໃສ່ການທຳການຜະ ລິດກະສິກຳ ເພາະວ່າຄົນທີ່ໄປເຮັດວຽກຢູ່ປະເທດໃກ້ຄຽງ ສ່ວນໃຫຍ່ກໍ່ແມ່ນເຮັດວຽກ ກ່ຽວກັບກະສິກຳເປັນສ່ວນຫຼາຍ. 

Image may contain: 8 people, outdoor

ພ້ອມນັ້ນ, ທ່ານ ສັນຕິ ພາບ ພົມວິຫານ ກໍ່ໄດ້ໃຫ້ກຽດໂອ້ລົມຕໍ່ອໍານາດການປົກຄອງຂອງບ້ານ ແລະ ປະຊາຊົນທັງ 2 ບ້ານວ່າ: ໃຫ້ທຸກຄົນເປັນເຈົ້າການພັດທະນາຕົນເອງ ແລະ ປະກອບສ່ວນສ້າງສາພັດ ທະນາທ້ອງຖິ່ນ ແລະປະເທດ ຊາດເປັນຕົ້ນແມ່ນການເຮັດ ກະສິກໍາປູກຝັງ-ລ້ຽງສັດ. ສ່ວນບັນຫາພະຍາດໄຂ້ເລືອດ ອອກເຈົ້າໜ້າທີ່ກ່ຽວຂ້ອງຕ້ອງລົງໃກ້ສິດຕິດແທດ, ສຶກສາອົບຮົມ ແລະເຜີຍແຜ່ໃຫ້ ເຂົາເຈົ້າຮັບຮູ້ເຖິງຜົນຮ້າຍ ແລະ ຄວາມອັນຕະລາຍຂອງພະຍາດໄຂ້ເລືອດອອກ, ສ່ວນປະຊາຊົນເອງກໍ່ຕ້ອງມີຄວາມ ຕື່ນຕົວ ແລະ ເປັນເຈົ້າການປ້ອງກັນແຕ່ຫົວທີໂດຍໃຫ້ປະຕິບັດ 5 ປ. ເປັນປະຈຳ, ດຳລົງຊີວິດຖືກກັບຫຼັກອານາໄມ 3 ສະ ອາດພ້ອມນັ້ນ, ກໍ່ເປັນເຈົ້າການ ແກ້ໄຂປະກົດການຫຍໍ້ທໍ້ພາຍ ໃນບ້ານເປັນຕົ້ນກໍ່ແມ່ນບັນຫາ ຢາເສບຕິດ, ຂີ້ລັກງັດແງະ, ໄວ ໜຸ່ມຂີ່ລົດໄວ, ໃຊ້ສຽງດັງ ແລະ ບັນຫາອື່ນໆ

Image may contain: 1 person, sitting, drink and text

ສຳລັບກໍ່ລະນີການລະບາດຂອງພະຍາດໄຂ້ເລືອດອອກ ຫຼື ໄຂ້ຍູງລາຍໃນສອງບ້ານ ດັ່ງກ່າວ, ຫົວໜ້າຫ້ອງການສາທາລະນະສຸກເມືອງ ລາຍງານ ວ່າ: ໃນປີ 2020 ນີ້, ມີຜູ້ຕິດເຊື້ອພະຍາດໄຂ້ເລືອດອອກທັງ ໝົດ 35 ຄົນ, ໃນ 15 ບ້ານ, ເດັ່ນກວ່າໝູ່ແມ່ນບ້ານໂພນຕູມ ມີຈໍານວນ 9 ກໍ​ລະ​ນີ ເຊິ່ງ ເລີ່ມພົບຜູ້ຕິດເຊື້ອ​ມາແຕ່ເດືອນມັງກອນເປັນຕົ້ນມາ. ເຊິ່ງທາງອ້າຍນ້ອງພະນັກງານແພດໝໍກໍ່ໄດ້ລົງແກ້ໄຂເຮັດໃຫ້ສະພາບການເກີດພະຍາດຫຼຸດຜ່ອນລົງ.






















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments