ດຳເນີນກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກຫ້ອງວ່າການກະຊວງປ້ອງກັນປະເທດ


ກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກຫ້ອງ ວ່າການກະຊວງປ້ອງກັນປະເທດ ໄດ້ໄຂຂຶ້ນຢ່າງເປັນທາງການ ໃນວັນທີ 24 ມິຖຸນາ 2020 ນີ້, ໂດຍການເປັນກຽດເຂົ້າຮ່ວມຂອງ ສະຫາຍ ພົນໂທ ປອ ທອງລອຍ ສິລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ການ ເມືອງກອງທັບ, ມີຜູ້ຕາງໜ້າບັນດາກົມໃຫຍ່, ມີພະນັກງານອາວຸໂສບຳນານ, ມີຜູ້ແທນສົມບູນທີ່ເປັນຕົວແທນໃຫ້ແກ່ສະມາຊິກພັກທົ່ວອົງຄະນະພັກຫ້ອງວ່າການກະຊວງປ້ອງກັນປະເທດ ແລະ ແຂກທີ່ຖືກເຊີນເຂົ້າຮ່ວມ. ໃນກອງປະຊຸມ ໄດ້ຮັບຟັງບົດລາຍງານການເມືອງທີ່ສະເໜີໂດຍ ສະຫາຍ ພົນຕີ ຄຳສີ ວົງຄຳຊາວ ເລຂາຄະນະພັກ, ຫົວໜ້າຫ້ອງວ່າການກະຊວງປ້ອງກັນ ປະເທດ ເຊິ່ງໄດ້ສະຫຼຸບຕີລາຄາຄືນໝາກຜົນແຫ່ງການຊີ້ນຳ-ນຳ ພາໃນໄລຍະ 5 ປີ ຜ່ານມາໂດຍປິ່ນອ້ອມ 4 ໜ້າໃຫຍ່ 26 ແຜນ ງານທີ່ຄະນະພັກກະຊວງປ້ອງກັນປະເທດວາງອອກ ກໍຄືມະຕິກອງປະໃຫຍ່ ຄັ້ງທີ IV ຂອງອົງຄະນະພັກຫ້ອງວ່າການກະຊວງປ້ອງກັນເທດເຮັດໃຫ້ສະພາບທົ່ວຫ້ອງວ່າການມີຄວາມສະຫງົບປອດໄພ ສາມາດເປັນເສນາ ທິການໃຫ້ກະຊວງປ້ອງກັນປະ ເທດໃນວຽກງານຄົ້ນຄວ້າ-ສັງ ລວມ, ວຽກງານພົວພັນຮ່ວມມື ກັບຕ່າງປະເທດ, ວຽກງານການ ຄຸ້ມຄອງເສດຖະກິດ ແລະ ວຽກງານກົດໝາຍ, 

Image may contain: 8 people, people standing and flower

ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານ-ສະມາຊິກພັກດ້ວຍການເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ລະບຽບວິໄນຂອງກອງທັບ ແລະ ບັນດາມະຕິ ຄຳສັ່ງຕ່າງໆຂອງຂັ້ນເທິງ, ຕິດພັນກັບການດຳເນີນຊີວິດການເມືອງເປັນປົກກະຕິ, ເອົາໃຈໃສ່ການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ, ປະຕິບັດຫຼັກການລວມສູນປະຊາທິປະໄຕ, ຍົກລະດັບຄວາມຮູ້, ຄວາມສາມາດໃນການນຳພາ-ບັນຊາຕິດພັນກັບການສ້າງກອງ 3 ປອດ, ກອງວັດທະນະທຳ-ນັກຮົບ ວັດທະນະທຳ, ປັດຈຸບັນທົ່ວອົງຄະນະພັກຫ້ອງວ່າການກະຊວງປ້ອງກັນປະເທດມີ 3 ຄະນະພັກຮາກຖານ, ມີ 10 ໜ່ວຍພັກຮາກ ຖານ ແລະ 18 ໜ່ວຍພັກຂຶ້ນກັບ ຄະນະພັກຮາກຖານ, ໜ່ວຍພັກ ປອດໃສເຂັ້ມແຂງໜັກແໜ້ນມີ 17 ໜ່ວຍພັກ, ມີສະມາຊິກແຂງ 520 ສະຫາຍ, ກາງ 59 ສະຫາຍ, ຂະຫຍາຍມະຫາຊົນກ້າວໜ້າ ເຂົ້າພັກ ຈຳນວນ 171 ສະຫາຍ. ພ້ອມນີ້, ຍັງໄດ້ເອົາໃຈໃສ່ກໍ່ສ້າງບຳລຸງພະນັກງານ 3 ຮຸ່ນບົນພື້ນຖານຄວາມຮຽກຮ້ອງຕ້ອງການໜ້າທີ່ການເມືອງຂອງກົມກອງໂດຍເລັ່ງໃສ່ກໍ່ສ້າງພະນັກງານຫຼັກແຫຼ່ງສືບທອດປ່ຽນແທນຢູ່ ພາຍໃນ ແລະ ຕ່າງປະເທດ, ຊີ້ນຳວຽກງານອົງການຈັດຕັ້ງມະຫາ ຊົນເຄື່ອນໄຫວຕາມພາລະບົດ ບາດໜ້າທີ່ຕິດພັນກັບໜ້າທີ່ການເມືອງຂອງກົມກອງ, ເອົາໃຈໃສ່ ນຳວຽກງານນະໂຍບາຍຕໍ່ນາຍ ແລະ ພົນທະຫານ, ພະນັກງານ ປະຕິວັດອາວຸໂສ-ບຳນານ, ເຈັບ ເປັນ ແລະ ເສຍຊີວິດ, ຊີ້ນຳວຽກ ງານຮັບປະກັນຊີວິດການເປັນຢູ່, ຊຸກຍູ້ຂະບວນການ 4 ປູກ 4 ລ້ຽງ, ຊີ້ນຳວຽກງານສະກັດກັ້ນໂດຍສຸມໃສ່ສຶກສາອົບຮົມໃຫ້ພະນັກງານ-ນັກຮົບມີສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງອິດທິກຳລັງປໍລະປັກ, ສະກັດກັ້ນບໍ່ໃຫ້ພວກກຸ່ມຄົນບໍ່ດີຫຼຸດລອດເຂົ້າພາຍໃນການຈັດຕັ້ງ, ຕິດຕາມ, ແກ້ໄຂປະກົດການຫຍໍ້ ທໍ້ຕ່າງໆໃຫ້ຫຼຸດໜ້ອຍຖອຍລົງ, ກອງປະຊຸມໄດ້ເປັນເອກະສັນ ຢ່າງສົມບູນ, ຮັບຮອງເອົາທິດ ທາງແຜນການ 5 ປີຕໍ່ໜ້າ ພ້ອມທັງໄດ້ຮັບຟັງການປະກອບຄໍາຄິດເຫັນຈາກຕາງໜ້າອົງການ-ກົມກອງເຮັດໃຫ້ກອງປະຊຸມມີເນື້ອໃນສົມບູນຂຶ້ນຕື່ມ. ຈາກນັ້ນ, ໄດ້ດໍາເນີນການປ່ອນບັດຄັດ ເລືອກເອົາຄະນະບໍລິຫານງານ ພັກຫ້ອງວ່າການກະຊວງປ້ອງ ກັນປະເທດຊຸດໃໝ່ປະກອບມີ 13 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນຢ່າງສົມບູນເລືອກເອົາຄະນະປະຈຳພັກອົງການຫ້ອງວ່າການກະຊວງປ້ອງກັນປະເທດຈຳນວນ 5 ສະຫາຍຄື: ສະຫາຍ ພົນຕີ ຄຳສີ ວົງຄຳຊາວ, ສະຫາຍ ພົນຈັດຕະວາ ຄຳມ່ວນ ເລືອງວັນຫຼ້າ, ສະຫາຍ ພົນຈັດຕະ ວາ ບຸນທອນ ສິດສຸວົງ, ສະຫາຍ ພັນເອກ ໄພວັນ ຈັນທະພົມມາ ແລະ ສະຫາຍ ພັນເອກ ເດືອນສະຫວັນ ສາຍພິມຄຳປະທຸມ, ກອງປະຊຸມໄດ້ເລືອກເອົາ ສະຫາຍ ພົນຕີ ຄຳສີ ວົງຄຳຊາວ ເປັນເລຂາຄະນະພັກ, ສະຫາຍ ພັນເອກ ໄພວັນ ຈັນທະ ພົມມາ ເປັນຮອງເລຂາ, ສະຫາຍ ພົນຈັດຕະວາ ຄຳມ່ວນ ເລືອງວັນ ຫຼ້າເປັນປະທານກວດກາພັກ, ສະຫາຍ ພັນໂທ ຈັນທະວີ ໄຊຍະວົງເປັນຮອງປະທານກວດກາພັກ, ສະຫາຍ ພັນໂທ ຄຳຊາວ ພົມມະໄທ ເປັນຮອງປະທານກວດກາພັກ. ພ້ອມດຽວກັນນັ້ນ, ກໍປ່ອນບັດຄັດ ເລືອກເອົາຜູ້ແທນສົມບູນ-ສຳ ຮອງໄປຮ່ວມກອງປະຊຸມນຳຄະນະພັກຂັ້ນເທິງບັນລຸຕາມຄາດໝາຍ. ໂອກາດນີ້, ສະຫາຍ ພົນໂທ ປອ ທອງລອຍ ສິລິວົງໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຫຼາຍບັນຫາສຳຄັນເພື່ອເປັນແນວທາງ ແລະ ບ່ອນອີງໃຫ້ຄະນະພັກຊຸດໃໝ່ພ້ອມທັງເນັ້ນໜັກໃຫ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານ-ນັກ ຮົບເຊື່ອມຊຶມກຳແໜ້ນແນວ ທາງນະໂຍບາຍຂອງພັກ, ກົດ ໝາຍຂອງລັດ ແລະ ມະຕິຄຳສັ່ງຕ່າງໆຂອງຂັ້ນເທິງວາງອອກ, ມີສະຕິຕື່ນຕົວເປັນເຈົ້າຕົນເອງ, ເພີ່ມທະວີບົດບາດການນຳພາ ຂອງພັກເຂົ້າໃນທຸກຂົງເຂດວຽກງານ, ປັບປຸງແບບແຜນວິທີເຮັດວຽກໃຫ້ສອດຄ່ອງກັບວຽກງານຕົວຈິງ, ຍົກສູງຄວາມຮັບຜິດຊອບໜ້າທີ່ການເມືອງຂອງພະນັກງານ-ສະມາຊິກພັກໃນການປະຕິບັດພາລະບົດບາດໜ້າທີ່ເປັນເສນາທິການໃຫ້ຄະນະນຳກະຊວງປ້ອງກັນປະເທດໃນຂົງເຂດວຽກງານຄົ້ນຄວ້າ-ສັງລວມ, ວຽກງານພົວພັນຮ່ວມມືຕ່າງປະເທດ, ວຽກງານຄຸ້ມຄອງເສດຖະກິດ ແລະ ວຽກງານກົດ ໝາຍໃຫ້ມີປະສິດທິຜົນສູງກວ່າ ເກົ່າ, ສືບຕໍ່ເອົາໃຈໃສ່ປັບປຸງກໍ່ສ້າງກຳລັງໃຫ້ເຂັ້ມແຂງໃນທຸກ ດ້ານໂດຍຖືເອົາຄຸນນະພາບທາງ ດ້ານການເມືອງ-ແນວຄິດເປັນ ກົກ, ເອົາຄວາມສາມາດທາງດ້ານ ວິຊາສະເພາະ, ຫົວຄິດປະດິດສ້າງ ແລະ ການຈັດຕັ້ງບັນຊາເປັນສິ່ງສຳຄັນ, ຍົກສູງສະຕິຕໍ່ການຈັດຕັ້ງ, ປະຕິບັດກົດລະບຽບກົດໝາຍຂອງລັດ ແລະ ຂໍ້ກຳນົດ ກົດລະບຽບຂອງກອງທັບໃຫ້ເຂັ້ມງວດ. ພ້ອມນັ້ນ ຕ້ອງເອົາໃຈໃສ່ປັບປຸງບູລະນະການຈັດຕັ້ງໃຫ້ຖືກຕ້ອງສອດຄ່ອງກັບຂໍ້ກຳນົດ, ລະບຽບງານ, ມະຕິລະອຽດເພື່ອໃຫ້ສອດຄ່ອງກັບວຽກງານຕົວຈິງ, ຖືເອົາການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນຕິດພັນກັບການສ້າງກອງ 3 ປອດ, ກອງວັດທະນະທຳ-ນັກຮົບວັດທະ ນະທຳໃຫ້ໜັກແໜ້ນເຂັ້ມແຂງ, ສືບຕໍ່ຍົກສູງການປູກ-ການລ້ຽງຕາມທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງຕາມທ່າແຮງບົ່ມຊ້ອນຂອງກົມກອງ ແລະ ການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ. 

ໂດຍ: ນາລີ ທະວີພອນ
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments