ກະຊວງສຶກສາ ແລະ ກີລາ ກຳນົດສອບເສັງຈົບຊັ້ນສາຍສາມັນສຶກສາ ເລີ່ມເດືອນກໍລະກົດນີ້



ຫ້ອງການ ກະຊວງສຶກສາທິການ ແລະ ກິລາ (ສສກ) ໄດ້ກໍານົດມື້ສອບເສັງຈົບຊັ້ນສາຍສາມັນສຶກສາ ປະຈໍາສົກຮຽນ 2019-2020 ແລ້ວ ໃນຂອບເຂດທົ່ວປະເທດ, ຊຶ່ງຈະໄດ້ຈັດຂື້ນໃນເດືອນກໍລະກົດ 2020 ນີ້.
ອີງຕາມແຈ້ງການ ຂອງກະຊວງສຶກສາທິການ ແລະ ກີລາ ເລື່ອງ ການສອບເສັງຈົບຊັ້ນສາຍສາມັນສຶກສາປະຈໍາສົກຮຽນ 2019-2020, ສະບັບເລກທີ 1767/ຫກ, ລົງວັນທີ 15 ມິຖຸນາ 2020 ໄດ້ລະບຸບາງຕອນວ່າ: ສອບເສັງຈົບຊັ້ນປະຖົມສຶກສາ ປີທີ 5 ແມ່ນໄດ້ກຳນົດວັນທີ 16-17 ກໍລະກົດ 2020, ສອບເສັງຈົບຊັ້ນ ມັດທະຍົມສຶກສາ ປີທີ 4 ກຳນົດວັນທີ 22-24 ກໍລະກົດ 2020 ແລະ ສອບເສັງຈົບຊັ້ນ ມັດທະຍົມສຶກສາ ປີທີ 7 ກຳນົດວັນທີ 29-31 ກໍລະກົດ, ເຊິ່ງການຮຽນ-ການສອນ ຂອງໂຮງຮຽນສາມັນສຶກສາ ທົ່ວປະເທດ ຂອງຊັ້ນຮຽນດັ່ງກ່າວ ໄດ້ເປີດຮຽນມາແຕ່ວັນທີ 18 ພຶດສະພາ 2020 ຜ່ານມານີ້.
ສໍາລັບ ການສອບເສັງຈົບຊັ້ນສາຍສາມັນສຶກສາ ແມ່ນຈະໄດ້ແຕ່ງຕັ້ງໜ່ວຍສະເພາະກິດເພື່ອກວດກາຕິດຕາມ ສະກັດກັ້ນ ແລະ ແກ້ໄຂປາກົດການຫຍໍ້ທໍ້ໃນການສອບເສັງ, ຈັດຕັ້ງເຜີຍແຜ່ລະບຽບການສອບເສັງໃຫ້ຄະນະກໍາມະການ, ຄູ, ນັກຮຽນ ແລະ ສັງຄົມ ເພື່ອຮັບປະກັນຄວາມສະຫງົບປອດໄພ ແລະ ຜົນສໍາເລັດທີ່ມີປະສິດທິພາບໃນການສອບເສັງ.
ຂ່າວ: ວຽງຈັນທາຍ




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments