ມອບ-ຮັບ ອູ່ສ້ອມແປງປະສົມ ລະຫວ່າງກົມໃຫຍ່ເຕັກນິກກອງທັບ ກັບກອງພົນທີ 1



ວັນທີ 2 ມິຖຸນາ 2020 ນີ້, ໄດ້ ມີພິທີມອບ-ຮັບອູ່ສ້ອມແປງ ປະສົມລະຫວ່າງກົມໃຫຍ່ເຕັກ ນິກກອງທັບກັບກອງພົນພົນທີ 1, ໂດຍການກ່າວມອບຂອງ ສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານ ກຳມະການຄະນະ ພັກກົມໃຫຍ່, ຮອງຫົວໜ້າກົມ ໃຫຍ່ເຕັກນິກກອງທັບ ແລະ ກ່າວ ຮັບຂອງ ສະຫາຍ ພົນຈັດຕະວາ ສາຍໃຈ ກົມມະສິດ ຮອງເລຂາຄະນະພັກ, ຫົວໜ້າການທະຫານ ກອງພົນທີ 1, ມີຄະນະພັກ-ຄະ ນະບັນຊາ, ພະແນກການທີ່ກ່ຽວ ຂ້ອງເຂົ້າຮ່ວມ. 

Image may contain: 11 people, people standing and indoor

ໂຄງການກໍ່ສ້າງອູ່ສ້ອມ ແປງປະສົມໃນຄັ້ງນີ້ແມ່ນອີງຕາມ ທິດທາງໃນການປັບປຸງກໍ່ສ້າງ ພື້ນຖານໂຄງລ່າງໃນຖັນແຖວ ກອງທັບໃຫ້ນັບມື້ເຂັ້ມແຂງທັນ ສະໄໝທາງດ້ານວຽກງານຮັບ ປະກັນສ້ອມແປງພາຫະນະເຕັກ ນິກການທະຫານ, ການກໍ່ສ້າງ ອູ່ສ້ອມແປງໃນຄັ້ງນີ້ແມ່ນເລີ່ມ ຕົ້ນແຕ່ວັນ 14 ມິຖຸນາ 2019 ຈົນມາເຖິງປັດຈຸບັນເປັນອາຄານ ຊັ້ນດຽວສຳເລັດແລ້ວ 100%, ໃນຂະໜາດ 8 x 24 ແມັດ, ບ່ອນ ອັດສີດລົດ ຂະໜາດ 4,8 x12,5 ແມັດ ມີອາຄານຖານເກັບເຄື່ອງ 3 x 6 ແມັດ. ພ້ອມດຽວກັນນີ້, ປະ ກອບດ້ວຍເຄື່ອງມືທີ່ທັນສະໄໝ ຄື: ເຄນເລື່ອນ, ປໍ້າລົມ, ຈັກອັດ ສີດ, ກະແຈລົມ, ກະແຈໄຂຄີງ, ກິກ ແລະ ຊຸດກຸນແຈຈຳນວນ ໜຶ່ງ, ທຸກຊິ້້ນສ່ວນໃນການກໍ່ສ້າງ ອາຄານຖານທີ່ອູ່ສ້ອມແປງລົດ ແມ່ນລ້ວນແຕ່ຮັບປະກັນຄຸນ ນະພາບ 100%, ໂດຍການກໍ່ສ້າງ ແມ່ນ ບໍລິສັດ TPT 555 ກໍ່ສ້າງ, ໃນການກໍ່ສ້າງແມ່ນກົມໃຫຍ່ ເຕັກນິກກອງທັບ ໄດ້ຊ່ວຍເຫຼືອ ທາງດ້ານໂຄງເຫຼັກ ແລະ ອຸປະ ກອນເຄື່ອງມືສ້ອມແປງ, ໃນ ມູນຄ່າ 253.116.000 ກີບ, ກອງພົນແມ່ນກໍ່ສ້າງໂຄງຮ່າງ ຮາກຖານ, ບ່ອນອັດສີດ, ຖານ ຮອງຮັບບັນຈຸເຄື່ອງ ແລະ ປັບ ພື້ນທີ່ຄິດໄລ່ເປັນເງິນໃນມູນຄ່າ 103.263.000 ກີບ, ລວມມູນ ຄ່າໃນການກໍ່ສ້າງທັງໝົດແມ່ນ 356.379.000 ກີບ.
ສະຫາຍ ພົນຈັດຕະວາ ຄອນສະຫວັນ ມ່ິງຈຳປາບານ ໄດ້ກ່າວວ່າ: ການກໍ່ສ້າງອູ່ສ້ອມ ແປງປະສົມໃຫ້ແກ່ກອງພົນທີ 1 ກໍເພື່ອຮັບປະກັນວຽກງານ ສ້ອມແປງເຕັກນິກຂອງກົມກອງ ພວກສະຫາຍໃຫ້ເດີນແມ່ນແລ່ນ ສະດວກດີຍິ່ງຂຶ້ນ, ພ້ອມນັ້ນ ສະຫາຍຍັງໄດ້ໂອ້ລົມແລກປ່ຽນ ບົດຮຽນໃຫ້ພະນັກງານວິຊາ ສະເພາະຜູ້ທີ່ເຮັດວຽກງານຮັບ ປະກັນເຕັກນິກຕ້ອງເພີ່ມທະວີ ຄວາມຮັບຜິດຊອບໜ້າທີ່ການ ເມືອງໃຫ້ໜັກແໜ້ນ, ມີຄວາມ ຫ້າວຫັນ, ມີມະນະອົດທົນຕໍ່ໜ້າ ທີ່ວຽກງານຂອງຕົນ ແລະ ຍັງ ໄດ້ກ່າວຄຳຂວັນທີ່ວ່າ: ເກົ່າແຕ່ ໃຫ້ສະອາດ, ຂາດຫ້ຽນກໍໃຫ້ ສ້ອມ, ດົນນານແຕ່ຍິ່ງຍັງຮັກແສນ ອະນຸພາບຂອງຍຸດໂທປະກອນບໍ່ໍ ໃຫ້ເຊື່ອມຊອຍອີກດ້ວຍ.
ໂດຍ: ຕິກ ມູນຄຳເຮືອງ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments