ກະຊວງການເງິນ ສັບຊ້ອນໝູນວຽນ ພະນັກງານຂັ້ນກົມໄປຮັບໜ້າທີ່ໃໝ່


ໃນວັນທີ 15 ມິຖຸນາ 2020 ກະຊວງການເງິນ, ໄດ້ປະກາດການຈັດຕັ້ງຊັບຊ້ອນໝູນວຽນພະນັກງານຂັ້ນກົມເປັນຕົ້ນ: ກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພ, ກົມສ່ວຍສາອາກອນ, ກົມນະໂຍບາຍການເງິນ ແລະ ນິຕິກຳ, ຄັງເງິນແຫ່ງຊາດ.



ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນມີບັນດາຫົວໜ້າກົມຮອງຫົວໜ້າກົມຫົວໜ້າສະຖາບັນຫົວໜ້າພະແນກຮອງຫົວໜ້າພະແນກຜູ້ອໍານວຍການລັດວິສາຫະກິດພ້ອມດ້ວຍພະນັກງານລັດຖະກອນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
IMG_4333

ໃນວາລະກອງປະຊຸມ,ທ່ານ ສິດທິສອນ ເທບພາສີ ຫົວໜ້າກົມຈັດຕັ້ງ ແລະ ພະນັກງານ ໄດ້ຜ່ານຂໍ້ຕົກລົງສະບັບເລກທີ 1540/ກງ, ລົງວັນທີ 15 ມິຖຸນາ 2020 ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ຢູ່ລັດວິສາຫະກິດ ໄຟຟ້າລາວ, ຊຶ່ງໄດ້ຍົກຍ້າຍທ່ານ ຄຳເພັງ ທິນນະກອນ ຮອງຫົວໜ້າກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພ ໄປຮັບໜ້າທີ່ໃໝ່ຢູ່ລັດວິສາຫະກິດໄຟຟ້າລາວ.



ຜ່ານຂໍ້ຕົກລົງສະບັບເລກທີ 1542/ກງ, ລົງວັນທີ  15 ມິຖຸນາ 2020 ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານຮັບໜ້າທີ່ໃໝ່ຢູ່ກະຊວງການເງິນມີລາຍຊື່ດັ່ງນີ້ຍົກຍ້າຍ ແລະ ແຕ່ງຕັ້ງທ່ານ ປະສົມເພັດ ຄຳຕັນ ຮອງຫົວໜ້າກົມນະໂຍບາຍ ແລະ ນິຕິກຳ ເປັນຮອງຫົວໜ້າກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພ; ທ່ານ ຄຳເຜັ່ນ ບຸບຜາວົງ ຮອງຫົວໜ້າກົມສ່ວຍສາອາກອນ ເປັນຮອງຫົວໜ້າກົມນະໂຍບາຍການເງິນ ແລະ ນິຕິກຳ; ທ່ານ ນາງ ຄອນມະນີ ພິມມະສັກ ຮອງຫົວໜ້າກົມສ່ວຍສາອາກອນ ເປັນຮອງຫົວໜ້າຄັງເງິນແຫ່ງຊາດ.



ໂອກາດດັ່ງກ່າວທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ມີຄຳເຫັນວ່າ: ການປັບປຸງການຈັດຕັ້ງໃນຄັ້ງນີ້, ເພື່ອສ້າງຄວາມເຂັ້ມແຂງໃຫ້ຂະແໜງການເງິນ, ໂດຍການສືບທອດປ່ຽນແທນຕາມພາລະບົດບາດຂອງການຈັດຕັ້ງການຊັບຊ້ອນໝູນວຽນພະນັກງານການນໍາຂອງກົມ, ເພື່ອສືບຕໍ່ປັບປຸງກຳລັງໃຫ້ມີຄວາມກຽມພ້ອມໃນການຈັດຕັ້ງປະຕິບັດໜ້າທີ່ວຽກງານຕ່າງໆໃຫ້ມີບາດລ້ຽວໃໝ່ມີປະສິດທິພາບ, ກະທັດຮັດ, ຮັດກຸມພ້ອມທັງຍົກສູງວຽກງານວິຊາສະເພາະໃຫ້ຕັ້ງໜ້າຂຶ້ນກວ່າເກົ່າ.


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments