ປີນີ້ເມືອງນອງ ຈັດພິທີປູກຕົ້ນໄມ້ຟື້ນຟູປ່າໃນຈຳນວນ ເບ້ຍໄມ້ 2.500ເບ້ຍ.



ວັນທີ 9 ມິຖຸນາ 2020 ນີ້ ເມືອງນອງໄດ້ຈັດພິທີປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດປະຈຳປີ 2020 ຂຶ້ນຢູ່ທີ່ປ່າສະຫງວນຂອງບ້ານ ປະລ໊ອຍ ເມືອງນອງແຂວງສະຫຫວັນນະເຂດ, ໃຫ້ກຽດໃນພິທີຄັ້ງນີ້ມີທ່ານ ລຳແກ້ວ ແສງໜູທອງ ເຈົ້າເມືອງໆນອງ,ທ່ານ ຄຳແສງ ສໍພາບມີໄຊ ຮອງຫົວໜ້າພະແນກກະສິກຳ ແລະປ່າໄມ້ ແຂວງສະຫວັນນະເຂດ, , ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ,ປະຊາຊົນພາຍໃນບ້ານ ເຂົ້າຮ່ວມປູກ.



ໃນພິທີ ທ່ານ ຖັນມາລາ ໄຊຍະວົງ ຮອງຫົວໜ້າ ຫ້ອງການກະສິກຳ ແລະປ່າໄມ້ເມືອງນອງໄດ້ຜ່ານບົດລາຍງານໃນການຈັດຕັ້ງປະຕິບັດການປູກເບ້ຍໄມ້ປະຈຳປີ 2020 ສຳລັບເມືອງນອງ ແມ່ນໄດ້ຈັດຕັ້ງປະຕິບັດຕາມທິດທາງແຜນການປູກໄມ້ ແລະຟື້ນູປ່າໄມ້ ປະຈຳປີ 2020 ທີ່ໄດ້ຮັບມອບໝາຍຈາກຂັ້ນເທິງໃນພື້ນທີ່ການປູກຈຳນວນ 5ເຮັກຕາ ໂດຍໄດ້ເລີ່ມ ກະກຽມແນວພັນ, ຜະລິດເບ້ຍໄມ້ຕະ ຫຼອດຮອດການກະກຽມສະຖານທີ່ປູກ ແຕ່ເດືອນ 11 ປີ2019 ເປັນຕົ້ນມາ ແລະໄດ້ສາມາດຜະລິດເບ້ຍໄມ້ແຕ່ລະປະເພດຄື: ເບ້ຍໄມ້ກະຖິນນາລົງ 9.300 ເບ້ຍ,ເບ້ຍໄມ້ແຕ້ຂ່າ 820ເບ້ຍ, ເບ້ຍໄມ້ຂະຍູງ 1.350 ເບ້ຍ, ເບ້ຍໝາກເຟືອງ 50 ເບ້ຍ,ເບ້ຍໄມ້ດູ 250 ເບ້ຍ, ເບ້ຍໝາກຂາມ 80 ເບ້ຍ, ເບ້ຍໝາກຂຽບ 320 ເບ້ຍ, ໝາກມີ້ 520 ເບ້ຍ ລວມທັງໝົດ 12.690 ເບ້ຍ, ສໍາລັບການປູກເບ້ຍໄມ້ປະຈຳປີ2020ນີ້ ທາງຫ້ອງການກະສິກຳ ແລະປ່າໄມ້ເມືອງ ແມ່ນໄດ້ກຳນົກເອົາສະຖານທີ່ ປ່າມະເຫສັກຂອງ ບ້ານ ປະລ໊ອຍ ໃນເນື້ອທີ່ 5 ເຮັກຕາ ໃນຈຳນວນເບ້ຍໄມ້ທີ່ຈະປູກທັງໝົດແມ່ນ2.500 ເບ້ຍ ເຊິ່ງມີປະເພດເບ້ຍໄມ້ຄື: ເບ້ຍໄມ້ແຕ່ຂ່າ 1.400 ເບ້ຍ, ໄມ້ຂະຍູງ 500 ເບ້ຍ,ໄມ້ດູ່ 500 ເບ້ຍ ແລະໄມ້ປະດົງ 100 ເບ້ຍ.

Image may contain: 9 people, people standing and outdoor

ສ່ວນການປູກຕົ້ນໄມ້ຜ່ານມາກໍ່ຄືປະຈຸບັນ ກໍ່ເພື່ອເປັນການຟື້ນຟູປ່າ, ເພື່ອປົກປັກຮັກສາປ່າສະຫງວນແຫ່ງຊາດ,ປ່າປ້ອງກັນ,ປ່າຜະລິດແຫ່ງຊາດ,ຊັບພະຍາກອນທຳມະຊາດ, ຊີວະນາໆພັນຕາມແຜນຍຸດທະສາດໃນການພັດທະນາປ່າໄມ້ໃຫ້ຍືນຍົງ ໂດຍເພີ່ມການມີສ່ວນຮ່ວມຂອງປະຊາຊົນໃນທ້ອງຖິ່ນນຳອີກດ້ວຍ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments