ຄະນະບໍລິຫານງານຊາວໜຸ່ມແຂວງເຊກອງ ໄຂປະຊຸມໃຫຍ່ຄັ້ງທີ VI


ກອງປະຊຸມໃຫຍ່ຄັ້ງທີ VI ຄະນະບໍລິຫານງານຊາວໜຸ່ມແຂວງເຊກອງ ໄດ້ໄຂຂຶ້ນຢ່າງເປັນທາງການໃນວັນທີ 15 ມີຖຸນານີ້, ໃຫ້ກຽດເຂົ້າຮ່ວມ ມີສະຫາຍ ຄຳເຜີຍ ບຸດດາວຽງ ກຳມະການສູນກາງພັກ, ເລຂາພັກແຂວງ,ເຈົ້າແຂວງເຊກອງ, ມີສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີສະຫາຍ ຕຸລາວັນ ວົງໄຊ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງເຊກອງ ພ້ອມຄະນະ, ມີອາວຸໂສປະຕິວັດ ພ້ອມດ້ວຍຄະນະຊາວໜຸ່ມຮາກຖານອ້ອມຂ້າງແຂວງເຂົ້າຮ່ວມ ທີ່ສະໂມສອນໃຫຍ່ຂອງແຂວງ

Image may contain: one or more people, people sitting and indoor

ຜູ້ເຂົ້າຮ່ວມກອງປະຊຸມ ໄດ້ຮັບຟັງການຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນຊາວໜຸ່ມປະຊາຊົນປະຕິວັດລາວ ທົ່ວແຂວງເຊກອງຄັ້ງທີ V, ໄລຍະ 5 ປີຜ່ານມາ ( ນັບແຕ່ປີ 2014-2020 ) ແລະທິດທາງແຜນການພັດທະນາຊາວໜຸ່ມ-ເຍົາວະຊົນ 5 ປີຕໍ່ໜ້າ ( ນັບແຕ່ປີ 2020-2024) ຈາກສະຫາຍ ແຜນວັນທອງ ຈະເລີນເພັດ ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງເຊກອງ, ຮັບຟັງການປະກອບຄຳເຫັນ ໃນຫົວຂໍ້ການຈັດຕັ້ງປະຕິບັດຂະບວນການຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນທັນວາ ແລະຫົວຂໍ້ ການສ້າງຄະນະຊາວໜຸ່ມຕົວແບບ 4 ບຸກ ຂອງຄະນະຄະນະຊາວໜຸ່ມປະຊາຊົນປະຕິວັດລາວ
ຫຼັງຈາກນັ້ນກໍໄດ້ຮັບຟັງການຜ່ານບົດສຳຫຼວດການນຳພາລວມ ແລະການກ່າວລາໜ້າທີ່ຂອງຄະນະບໍລິຫານງານຊາວໜຸ່ມແຂວງຊຸດເກົ່າ ຈາກສະຫາຍເລຂາຄະນະບໍລິຫານງານ ຊປປລ ແຂວງ, ເພື່ອສືບຕໍ່ລົງສະໝັກການເລືອກຕັ້ງຊຸດໃຫມ່ ໂດຍມີຜູ້ລົງສະໝັກທັງໝົດ 33 ສະຫາຍ, ຍິງ 6 ສະຫາຍ, ໃນນີ້ເລືອກເອົາ 29 ສະຫາຍ.


No photo description available.





















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments