6 ພັນກວ່າຄົນຢູ່ເມືອງທ່າແຕງ ໄດ້ຮັບການຊ່ວຍເຫຼືອຈາກອົງການອາຫານໂລກ



ໃນວັນທີ 17 ມິຖຸນາ 2020  ນັກຮຽນປະຖົມ 6 ພັນກວ່າຄົນຢູ່ເມືອງທ່າແຕງ ໄດ້ຮັບການຊ່ວຍເຫຼືອຈາກອົງການອາຫານໂລກ ປັດຈຸບັນນັກຮຽນຊັ້ນປະຖົມ 6.259 ຄົນ,ຍິງ 3.094 ຄົນຢູ່ເມືອງທ່າແຕງ ແຂວງເຊກອງໄດ້ຮັບຜົນປະໂຫຍດຈາກອົງການອາຫານໂລກ ໃນຂະນະທີ່ ຫ້ອງການສຶກສາທິການ ແລະ ກິລາ ເມືອງທ່າແຕງ ພ້ອມດ້ວຍພາກສ່ວນກ່ຽວຂ້ອງຂັ້ນແຂວງ ແລະ ເມືອງ ໄດ້ລົງແຈກອາຫານທ່ຽງໃຫ້ແກ່ໂຮງຮຽນ 46 ແຫ່ງທົ່ວເມືອງໃນອາທິດຜ່ານມາ ໂດຍມີວິຊາການອົງການອາຫານໂລກເຂົ້າຮ່ວມ.



ທ່ານ ອຸດົມໃຊ ດອມສະຫັວນ ຮອງຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງໃຫ້ຮູ້ວ່າ: ອາຫານທີ່ແຈກຢາຍໃຫ້ນັກຮຽນໃນຄັ້ງນີ້ປະກອບມີ ເຂົ້າສານຈ້າວຈຳນວນ 34.900 ກິໂລ,ແກ່ນຖົ່ວເຫຼືອງ 16.150 ກິໂລ,ປາປ໋ອງ 20.432 ປ໋ອງ ແລະ ນໍ້າມັນພືດຈຳນວນ 3.636 ລິດ ໂດຍການແຈກຢາຍ ແລະ ແບ່ງປັນດ້ວຍອັດຕາສ່ວນເທົ່າກັນ ແລະ ເປັນອາຫານທີ່ຄ້າງແຈກຢາຍໃນໄລຍະທີ່ຜ່ານມາ ຍ້ອນພົບກັບບັນຫາການລະບາດຂອງ #ພະຍາດໂຄວິດ-19 ແລະ ເປັນໄລຍະລະດູຝົນອີກດ້ວຍ.

Image may contain: 1 person, standing, outdoor and nature

No photo description available.

ຮອງຫົວໜ້າຫ້ອງການສຶກສາທິການ ແລະ ກິລາເມືອງທ່າແຕງໃຫ້ຮູ້ຕື່ມອີກວ່າ: ເຖິງຢ່າງໃດກໍດີຄະນະກຳມະການຮັບຜິດຊອບທີ່ກ່ຽວຂ້ອງແຕ່ລະພາກສ່ວນ ກໍໄດ້ມີຄວາມພະຍາຍາມລົງແຈກຢາຍອາຫານດັ່ງກ່າວຢ່າງທົ່ວເຖິງ ພ້ອມທັງປະຕິບັດມາດຕະການປ້ອງກັນພະຍາດໂຄວິດ-19 ດ້ວຍການຮັກສາໄລຍະຮ່າງ 1 ແມັດຂຶ້ນໄປ ໂດຍມີອຳນາດການປົກຄອງບ້ານ ແລະ ພໍ່ແມ່ ຫຼື ຜູ້ປົກຄອງເດັກໄດ້ໃຫ້ການຮ່ວມມືເປັນຢ່າງດີ, ທັງນີ້ກໍເພື່ອເຮັດໃຫ້ເດັກກຸ່ມເປົ້າໝາຍໄດ້ຮັບອາຫານຕ່າງໆຈາກອົງການໄດ້ຢ່າງພຽງພໍ ແລະທົ່ວເຖິງ.
Image may contain: 1 person, standing and outdoor
Image may contain: 1 person, sitting, tree, grass, sky, outdoor and nature

ໂດຍ: ສະຫຍາມ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments