ເມືອງແກ່ນທ້າວ ສໍາເລັດຊຸດຝຶກອົບຮົມການເມືອງ-ການທະຫານ ໃຫ້ກໍາລັງກອງຫຼອນບ້ານໂພນສະຫວ່າງ



ພິທີ ປິດຊຸດຝຶກອົບຮົມການເມືອງ-ການທະຫານ ໃຫ້ກໍາລັງກອງຫຼອນບ້ານໂພນສະຫວ່າງ ກອງຮ້ອຍທີ 8 ບໍລິເວນເມືອງໝໍ ເມືອງແກ່ນທ້າວ ແຂວງໄຊຍະບູລີ ໄດ້ປິດລົງໃນຕອນບ່າຍວັນທີ 25 ມິຖຸນາ 2020 ນີ້, ພາຍຫຼັງທີ່ໄດ້ດໍາເນີນມາເປັນເວລາ 7 ວັນ ຢູ່ທີ່ບ້ານດັ່ງກ່າວ. ໂດຍການເປັນກຽດເຂົ້າຮ່ວມຂອງທ່ານ ອໍາຄາ ລັດສະໝີ ເລຂາພັກເມືອງ, ເຈົ້າເມືອໆແກ່ນທ້າວ, ມີກໍາມະການປະຈໍາພັກເມືອງ, ກໍາມະການພັກເມືອງ, ຄະນະພັກຮາກຖານກຸ່ມບ້ານນາຫີນ, ຄະນະພັກ-ຄະນະບັນຊາ 2 ກອງບັນຊາການ, ອໍານາດການປົກຄອງກຸ່ມບ້ານນາຫີນ, ກໍາລັງກອງຫຼອນ-ປກສ ບ້ານໂພນສະຫວ່າງເຂົ້າຮ່ວມ 50 ກວ່າຄົນ.

Image may contain: 1 person, sitting and text

ໃນພິທີ ທ່ານ ພັຕ ສາລີ ສີຄໍາພອນ ຮອງການທະຫານ, ກອງບັນຊາການທະຫານເມືອງ ໄດ້ຜ່ານບົດສະຫຼຸບຕີລາຄາຜົນສໍາເລັດບັ້ນຝຶກອົບຮົບຄັ້ງນີ້ວ່າ: ບ້ານໂພນສະຫວ່າງ ຕັ້ງຢູ່ທິດຕາເວັນຕົກຂອງເມືອງແກ່ນທ້າວ ຫ່າງຈາກເທດສະບານເມືອງ 23 ກິໂລແມັດ, ມີ 50 ກວ່າຫຼັງຄາ, 50 ກວ່າຄອບຄົວ, ມີພົນລະເມືອງ 280 ກວ່າຄົນ, ຍິງ 170 ກວ່າຄົນ, ມີ 4 ໜ່ວຍຄຸ້ມຄອງພົນລະເມືອງ. 

Image may contain: one or more people, sky, tree, grass, outdoor and nature

ທົ່ວບ້ານມີກໍາລັງກອງຫຼອນ 10 ກວ່າຄົນ, ຈັດຕັ້ງເປັນ 2 ໝູ່ ເຊິ່ງຊຸດຝຶກອົບຮົມຄັ້ງນີ້, ໄດ້ເຊື່ອມຊຶມທາດແທ້ມູນເຊື້ອຂອງກອງທັບ, ຕ້ານກົນອຸບາຍຫັນປ່ຽນໂດຍສັນຕິຂອງສັດຕູ, ສິດ, ທີ່ຕັ້ງ ແລະ ພາລະບົດບາດຂອງກໍາລັງກອງຫຼອນ, ຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ເລກທີ 1411, ຂໍ້ກໍານົດຂອງກົມການທະຫານທ້ອງຖິ່ນ ເລກທີ 174 ວ່າດ້ວຍການຄຸ້ມຄອງອາວຸດ-ລູກກະສູນ, ຮຽນຮູ້ຄຸນຄ່າສະມັດຕະພາບຂອງປືນອາກາ, ເຊກາເຊ, ຈັ່ງຫວະບຸກຄົນເຄື່ອນຍ້າຍເທິງໜ້າສະໜາມ, ຈຸ, ໝູ່ປ້ອງກັນເວນຍາມບ້ານ ແລະ ຮຽນຫຼັກການເລັງຍິງປືນ. 

Image may contain: 10 people, people sitting, table and indoor

ຈາກນັ້ນ, ທ່ານ ອໍາຄາ ລັດສະໝີ ເລຂາພັກເມືອງ, ເຈົ້າເມືອໆແກ່ນທ້າວ ໄດ້ມີຄໍາເຫັນໂອ້ລົມ ແລະ ຮຽກຮ້ອງໃຫ້ນັກຝຶກອົບຮົມນໍາເອົາຄວາມຮູ້, ຄວາມສາມາດ ທີ່ໄດ້ຮຽນໄປນໍາໃຊ້ເຂົ້າໃນວຽກງານປ້ອງກັນຊາດໃຫ້ເກີດດອກອອກຜົນ ເຊິ່ງການເປີດຊຸດຝຶກອົບຮົມຄັ້ງນີ້ ແມ່ນການຈັດຕັ້ງປະຕິບັດຕາມແນວທາງປ້ອງກັນຊາດ-ປ້ອງກັນຄວາມສະຫງົບຂອງພັກໃນໄລຍະໃໝ່ ໃຫ້ເປັນຮູບປະທໍາ ແນໃສ່ເຮັດໃຫ້ກອງຫຼອນກອງປ້ອງກັນຕົວ ມີຄວາມເຂົ້າໃຈແຈ້ງຕໍ່ແນວທາງປ້ອງກັນຊາດຂອງພັກ, ມີຄວາມຊໍານິຊໍານານໃນການໃຊ້ສິລະປະຍຸດ-ຍຸດທະວິທີ ກຽມພ້ອມຕອບຕ້ານບັນດາປະກົດການຫຍໍ້ທໍ້ຕ່າງໆ ທີ່ອາດຈະເກີດຂຶ້ນ ເພື່ອປົກປ້ອງຜົນປະໂຫຍດຂອງປະຊາຊົນ.

Image may contain: 1 person, standing, tree, outdoor and nature




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments