ທ່ານລັດຖະມົນຕີປະຈຳສຳນັກງານນາຍົກ ແລະ ຄະນະມອບເຄື່ອງຊ່ວຍເຫຼືອ ໃຫ້ແກ່ນັກຮຽນ ແລະ ທະຫານ


ໃນວັນທີ 31 ພຶດສະພາ ຫາ ວັນທີ 1 ມິຖຸນາ 2020 ທ່ານ ປອ. ນາງ ສຸວັນເພັງ ບຸບຜານຸວົງ, ລັດຖະມົນຕີປະຈຳສຳນັກງານນາຍົກ ພ້ອມດ້ວຍຄອບຄົວ, ເພື່ອນມິດສະຫາຍ ແລະ ຍາດຕິພີ່ນ້ອງ ໄດ້ນຳເອົາອຸປະກອນການສຶກສາ, ສະບູລ້າງມື ແລະ ເຂົ້າໜົມ ໄປແຈກຢາຍໃຫ້ນ້ອງໆລູກຫຼານນັກຮຽນ ຢູ່ໂຮງຮຽນປະຖົມສົມບູນທົ່ງຄູນ, ເມືອງອະນຸວົງ ແລະ ໂຮງຮຽນປະຖົມສົມູບູນ ບ້ານນ້ຳຜາໃຫຍ່, ເມືອງ ລ່ອງແຈ້ງ, ແຂວງໄຊສົມບູນ ສຳລັບການຈະເປີດເຂົ້າຮຽນຄືນໃໝ່ ໃນວັນທີ 2 ມິຖຸນາ, ວັນເດັກນ້ອຍສາກົນ ລວມທັງປະກອບສ່ວນໃນການປ້ອງກັນພະຍາດໂຄວິດ-19.



ໂຮງຮຽນປະຖົມສົມບູນທົ່ງຄູນ ມີນັກຮຽນທັງໝົດ 208 ຄົນ, ຍິງ 94 ຄົນ, ມີຄູທັງໝົດ 9 ຄົນ ໃນນັ້ນ ມີຄູອາສາສະໝັກ 2 ຄົນ ແລະ ໂຮງຮຽນປະຖົມສົມູບູນບ້ານນ້ຳຜາໃຫຍ່, ເມືອງ ລ່ອງແຈ້ງ ມີນັກຮຽນທັງໝົດ 102 ຄົນ. ພ້ອມກັນນີ້ ກໍ່ໄດ້ມອບເຄື່ອງອຸປະໂພກ-ບໍລິໂພກ, ຜ້າອັດປາກ-ດັງ ແລະ ສະບູ ໃຫ້ແກ່ອ້າຍນ້ອງທະຫານ ຢູ່ 4 ຈຸດ ຂອງ 2 ເມືອງດັ່ງກ່າວ.










------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments