ດັດຊະນີຄວາມອຶດຫິວ ລາວຖືກຈັດຢູ່ອັນດັບທີ 87 ໃນຈຳນວນທັງໝົດ 117 ປະເທດ



ອົງການສະຫະປະຊາຊາດສໍາລັບເດັກ (UNICEF) ປະຈໍາລາວ ໄດ້ລາຍງານໃຫ້ຊາບໃນມື້ວານນີ້ກ່ຽວກັບດັດຊະນີຄວາມອຶດຫິວໃນທົ່ວໂລກປະຈຳປີ 2019 ວ່າ, ສປປ ລາວ ຖືກຈັດຢູ່ໃນປະເພດທີ່ຮຸນແຮງເປັນອັນດັບທີ 87 ໃນຈຳນວນທັງໝົດ 117 ປະເທດ.
Image may contain: 2 people, people sitting
ຜ່ານມາ ສປປ ລາວ ໄດ້ມີຄວາມ ຄືບໜ້າທີ່ດີໃນການຍົກລະດັບວຽກງານໂພຊະນາການ, ແຕ່ຍັງມີຫຼາຍວຽກງານທີ່ຕ້ອງໄດ້ມີການຈັດຕັ້ງປະຕິບັດ ແລະ ບັນລຸເປົ້າໝາຍ. ສະຖານະການແມ່ນກ່ຽວກັບໂພຊະນາການຂອງເດັກຍັງຈັດຢູ່ໃນລະດັບທີ່ບໍ່ໜ້າເພິ່ງພໍໃຈ, ເຊິ່ງໄລຍະ 1,000 ວັນທຳອິດຂອງເດັກນ້ອຍແມ່ນມີຄວາມສຳຄັນຕໍ່ການພັດທະນາສຸຂະພາບ ໂດຍສະເພາະການລ້ຽງລູກດ້ວຍນົມແມ່ພຽງຢ່າງດຽວຈົນຮອດອາຍຸ 6 ເດືອນ.
Image may contain: 2 people, people sitting
ອົງການສະຫະປະຊາຊາດສໍາລັບເດັກ ໄດ້ລາຍງານໃຫ້ຊາບຕື່ມອີກວ່າ ອີງຕາມການສຳຫຼວດຕົວຊີ້ວັດດ້ານສັງຄົມຂອງ ສປປ ລາວ ເຫັນວ່າຫຼາຍກວ່າເຄິ່ງໜຶ່ງຂອງເດັກນ້ອຍອາຍຸຕໍ່າກວ່າ 6 ເດືອນບໍ່ໄດ້ຮັບການລ້ຽງດ້ວຍນົມແມ່ພຽງຢ່າງດຽວ ແລະ ຫຼາຍກວ່າສອງສ່ວນສາມຂອງເດັກອາຍຸຕໍ່າກວ່າສອງປີອັດຕາການຈະເລີນເຕີບໂຕແມ່ນຕໍ່າກວ່າມາດຕະຖານເນື່ອງຈາກການບໍ່ໄດ້ຮັບອາຫານທີ່ພຽງພໍ ລວມເຖິງຄຸນນະພາບ ແລະ ຄວາມຫຼາກຫຼາຍຂອງອາຫານ.
Image may contain: 2 people, people sitting and outdoor
ໃນປັດຈຸບັນນີ້, ໜຶ່ງໃນສາມຂອງເດັກນ້ອຍທີ່ມີອາຍຸລະຫວ່າງ 6 ເດືອນ ຫາ 5 ປີ ມີທ່າອ່ຽງທີ່ຈະປະເຊີນກັບບັນຫາດ້ານການເຕີບໃຫຍ່, ຄວາມສາມາດໃນການຮຽນຮູ້ຫຼຸດລົງ ແລະ ດ້ານສະຕິປັນຍາ, ເຊິ່ງຈະເຮັດໃຫ້ສັກກະຍະພາບໃນການດຳເນີນຊີວິດຫຼຸດລົງ. ໃນບາງແຂວງ, ອັດຕາການຂາດສານອາຫານສູງເກີນ 50 %. ລະດັບການຈະເລີນເຕີບໂຕທີ່ບໍ່ສົມບູນຂອງເດັກນ້ອຍໃນລາວຍັງຄົງໜ້າເປັນຫ່ວງຢູ່ທີ່ປະມານ 9 %, ເຊິ່ງເປັນສັນຍານທີ່ບົ່ງ ບອກວ່າຍັງມີການໄດ້ຮັບອາຫານທີ່ບໍ່ພຽງພໍ.
ຂ່າວ: ວຽງຈັນທາຍ




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments