ຜົນສໍາເລັດກອງປະຊຸມໃຫ່ຍຄັ້ງທີ V ຜູ້ແທນແນວລາວສ້າງຊາດເມືອງໄຊບູລີ ແຂວງສະຫວັນນະເຂດ


ກອງປະຊຸມໃຫ່ຍຜູ້ແທນແນວລາວສ້າງຊາດເມືອງໄຊບູລີ ແຂວງສະຫັວນນະເຂດຄັ້ງທີ V ໄດ້ໄຂຂື້ນຢ່າງເປັນທາງການໃນເວລາ 8:00ໂມງ ຂອງວັນທີ 24ມີຖຸນາ 2020 ຢູ່ທີ່ຫ້ອງປະຊຸມໃຫ່ຍຫ້ອງວ່າການເມືອງພາຍໃຕ້ການເປັນປະທານຂອງທ່ານ ນາງ ສົມລານ ອິນທິສານ ປະທານແນວລາວສ້າງຊາດເມືອງ, ເປັນກຽດເຂົ້າຮ່ວມແມ່ນທ່ານ ບຸນຍົງ ຈັນນີຍັງວົງ ກຳມະການພັກແຂວງຮອງປະທານແນວລາວສ້າງຊາດແຂວງ, ທ່ານ ອ່ອນລຳພັນ ບົວສີແກ້ວເລຂາພັກເມືອງເຈົ້າເມືອງໄຊບູລີ, ພ້ອມດ້ວຍແຂກ-ຜູ້ແທນເຂົ້າຮ່ວມຈຳນວນ 85 ທ່ານ ຍິງ 6 ທ່ານ; ໃນນັ້ນຜູ້ແທນສົມບູນ 73 ທ່ານ ຍິງ 5 ທ່ານ.

Image may contain: 1 person, indoor

ຈາກການຜ່ານລາຍງານຂອງທ່ານ ນາງ ສົມລານ ອິນທິສານ ຄະນະປະຈຳພັກເມືອງ ປະທານແນວລາວສ້າງຊາດເມືອງໄຊບູລີໄດ້ໃຫ້ຮູ້ວ່າ: ໃນຊຸມປີທີ່ຜ່ານມາຄະນະກຳມະການແນວລາວສ້າງຊາດເມືອງ, ບ້ານໄດ້ເຄື່ອນໄຫວໂຄສະນາສຶກສາອົບຮົມການເມືອງ-ແນວຄິດ ຫັນປ່ຽນຈິນຕະນາການຂອງພະນັກງານ ສະມາຊິກພັກໃນການເຄື່ອນໄຫວ ແລະ ພາລະບົດບາດວຽກງານຂອງແນວລາວສ້າງຊາດຢູ່ຂັ້ນຮາກຖານ, ເອົາໃຈໃສ່ເຮັດວຽກງານແນວຄິດຕໍ່ປະຊາຊົນບັນດາເຜົ່າ, ສາສະໜາ, ຊັ້ນຄົນ ແລະເພດໄວ ໃຫ້ຊ່ວຍເຫຼືອເຊິ່ງກັນ ແລະກັນ, ມີນ້ຳໃຈສາມັກຄີຮັກເຊື້ອແພງຊາດ, ປະກອບສ່ວນເຂົ້າໃນຂະບວນກ່ານຕ່າງໆຂອງພັກ ເພື່ອປະຕິບັດສອງໜ້າທີ່ຍຸດທະສາດຄືປົກປັກຮັກສາ ແລະສ້າງສາພັດທະນາປະເທດຊາດ ສະແດງອອກບ່ອນວ່າ ຜ່ານມາໄດ້ສ້າງຄອບຄົວ ແລະ ບ້ານສາມັກຄີປອງດອງໄດ້43 ບ້ານ ເທົ່າກັບ 80% ແລະ 9.190 ຄອບຄົວ ເທົ່າກັບ 90.09%ໃນທົ່ວເມືອງ. ນອກຈາກນີ້ຍັງໄດ້ສຶກສາອົບຮົມໃຫ້ຊປະຊາຊົນບັນດາເຜົ່າຮູ້ພັດທະນາຕົນເອງ ພ້ອມທັງຜະລິດໃຫ້ກາຍເປັນສິນຄ້າ ເຮັດໃຫ້ຊີວິດການເປັນຢູ່ຂອງປະຊາຊົນຫລຸດພົ້ນອອກຈາກຄວາມທຸກຍາກເທື່ອລະກ້າວ.

Image may contain: 9 people, people standing and indoor

ກອງປະຊຸມໄດ້ຮັບຮອງເອົາບົດລາຍງານການເມືອງທັງສອງພາກ ພ້ອມທັງຮັບຮອງເອົາບັນດາຄາດໜາຍສູ້ຊົນໃນແຕ່ ລະດ້ານແຕ່ນີ້ຮອດປີ 2024, ໄດ້ຮັບຮອງເອົາຄະນະກຳມະການແນວລາວສ້າງຊາດຄັ້ງທີ Vຈຳນວນ 33ທ່ານ, ຍິງ 05ທ່ານພະສົງ 01ອົງ; ກອງປະຊຸມຄັ້ງປະຖົມມະລຶກຮັບຮອງເອົາປະທານ, ຮອງປະທານ ແລະ ຄະນະປະຈຳແນວລາວສ້າງຊາດຈຳນວນ 03 ທ່ານຄື:
ທ່ານ ນາງ ສົມລານ ອິນທິສານ ຄະນະປະຈຳພັກເມືອງ ເປັນປະທານແນວລາວສ້າງຊາດເມືອງ,ທ່ານ ນາງ ຄຳຫລ້າ ຈັນທະວົງສາ ເປັນຮອງປະທານແນວລາວສ້າງຊາດເມືອງ, ທ່ານ ພອນທິບ ວໍລະສານ ເປັນຮອງປະທານແນວລາວສ້າງຊາດເມືອງ

Image may contain: 4 people, indoor

ໃນຕອນທ້າຍ ຜູ້ເຂົ້າຮ່ວມກອງປະຊຸມໃຫຍ່ຄັ້ງທີ 5 ຂອງແນວລາວສ້າງຊາດເມືອງໄຊບູລີ ໄດ້ຮັບຟັງການໂອ້ລົມ ຂອງທ່ານ ບຸນຍົງ ຈັນນີຍະວົງ ກຳມະການພັກແຂວງ ຮອງປະທານແນວລາວສ້າງຊາດແຂວງໂດຍທ່ານໄດ້ນັ້ນວ່າ: ຄະນະນະກຳມະການແນວລາວສ້າງຊາດເມືອງ ຕ້ອງໄດ້ກຳແຫນ້ທີ່ຕັ້ງພາລະບົດບາດຂອງຕົນໃຫ້ເລິກເຊິ່ງ, ສືບຕໍ່ເຕົ້າໂຮມຄວາມສາມັກຄີທົ່ວປວງຊົນ, ສຶກສາອົບຮົມ-ປຸກລະດົມຂົນຂວາຍທຸກກຳລັງແຮງ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສາມາດເຕົ້າໂຮມຄວາມສາມັກຄີປະຊາຊົນບັນດາເຜົ່າໃຫ້ເປັນປຶກແຜ່ນແໜ້ນໜາ ໃຕ້ການນຳພາຂອງພັກ ແລະການຄຸ້ມຄອງຂອງລັດ; ເຂົ້າຮ່ວມປັບປຸງອຳນາດປະຊາທິປະໄຕປະຊາຊົນ ເລີ່ມຈາກການກໍ່ສ້າງຈັດວາງພະນັກງານໂດຍມີການຕິດຕາມ, ກວດກາການເຄື່ອນໄຫວຂອງອົງການລັດບໍລິຫານ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ສານປະຊາຊົນ, ອົງການໄອຍະການປະຊາຊົນ, ພະນັກງານ ແລະ ລັດຖະກອນທົ່ວໄປ. ນອກນັ້ນຕ້ອງໄດ້ເອົາໃຈໃສ່ປັບປຸງການຈັດຕັ້ງຂອງຕົນໃຫ້ມີຄວາມໜັກແໜ້ນເຂັ້ມແຂວງ ໃນນັ້ນດ້ານບຸກຂະລາກອນຕ້ອງໃຫ້ໄດ້ ແລະ ຮັບປະກັນການນຳພາຂອງພັກເປັນແກນນຳໃນວຽກງານດັ່ງກ່າວ. ໂອກາດນີ້ ທ່ານຮອງປະທານແນວລາວສ້າງຊາດແຂວງ ໄດ້ມອບຄອມພິວເຕີ້ 1 ຊຸດໃຫ້ແນວລາວສ້າງຊາດເມືອງ ໄຊບູລີ ເພື່ອນຳໃຊ້ເຂົ້າໃນວຽກງານໃນຂັ້ນຕໍ່ໄປ.


ພາບ-ຂ່າວ: ແນວລາວສ້າງຊາດແຂວງສະຫວັນນະເຂດ


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments