ວັດ​ເກົ່າ​ບ້ານ​ຕາ​ແຫຼວ​ຜ່ານ​ໄລ​ຍະ​ເວ​ລາ 102 ປີ ຮອດ​ເວ​ລາ​ແລ້ວ​ທີ່​ວັດ​ແຫ່ງ​ນີ້​ຈະ​ໄດ້​ຮັບ​ການ​ບູ​ລະ​ນະ



ວັດເກົ່າບ້ານຕາແຫຼວທຳມະສະຖານເກົ່າແກ່ທີ່ປະຮ່ອງ ຮອຍຊາກສະຫຼັກຫັກພັງຂອງ ສິ່ງກໍ່ສ້າງທີ່ເຄີຍເປັນສະຖາ ປັດທີ່ສວຍງາມທີ່ສຸດແຫ່ງໜຶ່ງ ຂອງແຂວງສະຫວັນນະເຂດ ເມື່ອ 102 ປີ ທີ່ຜ່ານມາ(ຕາມ ປະຫວັດກາ່ວວ່າວັດເກົ່າບ້ານຕາແຫຼວໄດ້ຖືກສ້າງຂຶ້ນໃນລະຫວ່າງປີ 1918). ທຸກຄົນທີ່ ເຂົ້າມາທ່ຽວຊົມວັດເກົ່າບ້ານ ຕາແຫຼວຕ່າງກໍ່ເວົ້າວ່າສະ ຖານທີ່ແຫ່ງນີ້ເປັນສະຖານ ທີ່ຫາເບິ່ງໄດ້ຍາກ ເພາະສິ່ງກໍ່ສ້າງແຕ່ລະຈຸດໃນວັດແຫ່ງນີ້ ເບິ່ງແລ້ວແມ່ນແຕກຕ່າງຈາກວັດແຫ່ງອື່ນໆໃນ ສປປ ລາວ, ເປັນການປະສົມປະສານລະ ຫວ່າງສິລະປະລາວລ້ານຊ້າງ ກັບສິລະປະຂອງເອີຣົບ. ພາຍ ໃນບໍລິເວນວັດມີຫໍແຈກທີ່ເກົ່າ ແກ່ຊຸດໂຊມເກົ່າແກ່ 1 ຫຼັງ ແລະມີສິ່ງກໍ່ສ້າງທີ່ເປັນສິມ ເກົ່າ ແລະສິ່ງກໍ່ສ້າງທີ່ເປັນຫໍ ໂຮງຮັບໃຊ້ໃນການເຮັດພິທີກຳ ທາງສາສະໜາມີຫຼາຍຈຸດພາຍ ໃນວັດໄດ້ເພພັງລົງຍ້ອນການ ເວລາ ແລະຍ້ອນຖືກລູກປືນ ແລະລູກບົມຈາກສົງຄາມໃນ ໄລຍະທີ່ປະເທດເຮົາຕົກເປັນ ຫົວເມືອງຂຶ້ນຂອງຈັກກະພັດ ອາເມລິກາ, ພ້ອມນັ້ນວັດແຫ່ງ ນີ້ກໍ່ຍັງມີກຳແພງວັດ ຫຼືຕ້າຍ ວັດທີ່ຖືກກໍ່ດ້ວຍດິນຈີ່ກ້ອນ ໃຫຍ່ທີ່ແໜ້ນໜາ, ບາງສ່ວນ ຂອງກຳແພງ ຖືກພັງທະລາຍ ລົງ. ຍ້ອນເຫັນໄດ້ຄວາມຈຳ ເປັນໃນການປົກປັກຮັກສາສະ ຖານທີ່ທີ່ເປັນມໍລະດົກອັນເກົ່າ ແກ່ລ້ຳຄ່າຂອງຊາດກໍ່ຄືຂອງ ແຂວງສະຫວັນນະເຂດ, ດັ່ງນັ້ນ ເຈົ້າແຂວງສະຫວັນນະເຂດຈິ່ງ ໄດ້ມີຂໍ້ຕົກລົງຮັບຮອງເອົາວັດ ເກົ່າບ້ານຕາແຫຼວ ເມືອງຈຳ ພອນເປັນມໍລະດົກລະດັບທ້ອງ ຖິ່ນຂອງແຂວງສະຫວັນນະ ເຂດ.

Image may contain: sky, house, tree, outdoor and nature

ມາໃນວັນທີ 2 ມິຖຸນາ 2020, ການນຳຂອງແຂວງ ນຳໂດຍທ່ານ ທ່ອນແກ້ວ ພຸດ ທະໄກຍະລາດ ຮອງເຈົ້າ ແຂວງ ສະຫວັນນະເຂດ, ທ່ານ ຄຳລຸຍ ຍາດຕິວົງ ເຈົ້າເມືອງຈຳພອນ ແລະທ່ານນາງ ດາວວອນ ໄຊສຸລຽນ ຫົວໜ້າພະແນກ ຖວທ ແຂວງ ໄດ້ເຂົ້າຮ່ວມ ການ ປະຊຸມປຶກສາຫາລືໃນການ ບູລະນະສ້ອມແປງວັດເກົ່າ ບ້ານຕາແຫຼວ ເຊິ່ງກອງປະຊຸມ ໄດ້ຈັດຂຶ້ນທີ່ວັດແຫ່ງນີ້ ໂດຍມີ ທ່ານ ຄຳສິດ ພົມມະຈັນ ຮອງ ຫົວໜ້າພະແນກ ຖວທ ແຂວງ ທັງເປັນຄະນະກຳມະການຮັບ ຜິດຊອບບູລະນະປະຕິສັງ ຂອນຫໍແຈກວັດເກົ່າບ້ານຕາ ແຫຼວ ເມືອງຈຳພອນ ພ້ອມ ບໍລິເວນ, ມີພາກສ່ວນຕ່າງໆ ພາຍໃນເມືອງກໍ່ໄດ້ເຂົ້າຮ່ວມ. 

Image may contain: 2 people, people standing, tree, grass, plant, child, outdoor and nature

ໃນກອງປະຊຸມໄດ້ປຶກສາຫາລື ໃນການຫາງົບປະມານ ແລະ ການລະດົມທຶນຮອນໃນການ ສ້ອມແປງຫຼັງຄາຫໍແຈກ ແລະ ຝາຂອງຫໍແຈກ ທີ່ມີການຊຸດໂຊມ ແລະຈຳເປັນຕ້ອງໄດ້ປ່ຽນໃໝ່ (ຫຼັງຄາຕ້ອງໄດ້ປ່ຽນໃໝ່) ສ່ວນຝາຫໍແຈກແມ່ນຕ້ອງໄດ້ສ້ອມແປງຄ້ຳຢັນ, ໃນນີ້ການ ສ້ອມແປງແມ່ນເລັ່ງໃສ່ການ ຮັກສາແບບເດີມ ໂດຍເຫັນດີ ນຳໃຊ້ໄມ້ເຄັງໃນການເຮັດແຜ່ນ ມຸງຫຼັງຄາຫໍແຈກ ແລະການ ຄ້ຳຕາມຈຸດຕ່າງໆທີ່ມີຄວາມ ສ່ຽງໃນການພັງຍຸບລົງມາ ທາງດ້ານນອກ ແລະດ້ານໃນ ຂອງຫໍແຈກ ເຊິ່ງການບູລະນະ ສ້ອມແປງຫໍແຈກທັງດ້ານນອກ ແລະດ້ານໃນລວມທັງຫຼັງຄາ ແມ່ນຕ້ອງໃຊ້ຄວາມປານີດ, ຮັກສາແບບເດີມທັງຮັບປະກັນ ດ້ານຄວາມປອດໄພໃນເວລາ ສ້ອມແປງອີກດ້ວຍ. ກອງປະ ຊຸມໄດ້ແຕ່ງຕັ້ງຄະນະອະນຸກຳ ມະການດ້ານຕ່າງໆ, ລວມມີ ພາກສ່ວນໂຍທາທິການ ແລະ ຂົນສົ່ງ, ພາກສ່ວນຖະແຫຼງ ຂ່າວ, ວັດທະນະທຳ ແລະທ່ອງ ທ່ຽວ ແລະພາກສ່ວນຝ່າຍສົງ. ການລະດົມທຶນແມ່ນໄດ້ມີພາກ ສ່ວນນັກທຸລະກິດຫຼາຍທ່ານ ທີ່ສະຫຼະທຶນຮອນຂອງຕົນ ເອງເປັນຈຳນວນເງິນຫຼາຍສົມ ຄວນເພື່ອບູລະນະປະຕິສັງຂອນວັດເກົ່າບ້ານຕາແຫຼວ ເມືອງຈຳພອນ.

























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments