ຕໍາຫຼວດ 1191 ກັກເປົ້າໝາຍຄ້າຂາຍຢາເສບຕິດ




ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ພະແນກຕໍ າຫຼວດ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ໃຫ້ຮູ້ວ່າ: ໃນວັນທີ 21 ພຶດສະພາ 2020 ເວລາ 00:12 ໂມງ, ເຈົ້າໜ້າທີ່ຕໍາຫຼວດ (1191) ປາຫວ້າ, ໄດ້ອອກກວດກາລາດຕະເວນ ຕາມເສັ້ນທາງເຂດບ້ານໜອງແຫ້ວ ເມືອງຫາດຊາຍຟອງ ນະຄອນຫຼວງວຽງຈັນ; ຈຶ່ງພົບເຫັນເປົ້າໝາຍໃນຂະນະທີ່ຂີ່ລົດຈັກມຸ້ງໜ້າໄປບ້ານໜອງແຫ້ວ ຊີື່ ທ້າວ ກີ້ ອາຍຸ 31 ປີ ອາຊີບກໍາມະກອນ ຢູ່ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ເຊິ່ງທາງເຈົ້າໜ້າທີ່ໄດ້ຕິດຕາມມາໄລຍະໜຶ່ງ ຈຶ່ງເຂົ້າຈັບຕົວ ພ້ອມກວດຄົ້ນຕົວພົບຢາບ້າ 25 ເມັດ ຢູ່ໃນຖົງໂສ້ງຂອງຜູ້ກ່ຽວ ຈາກນັ້ນ, ຈຶ່ງມອບຜູ້ກ່ຽວພ້ອມຂອງກາງຢາບ້າ ແລະ ລົດຈັກ 1 ຄັນ ໃຫ້ເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງຫາດຊາຍຟອງ ເພື່ອສອບສວນຂະຫຍາຍຜົນຫາຜູ້ຮ່ວມຂະບວນການ, ມາຮອດວັນທີ 28 ພຶດສະພາ 2020 ສາມາດກັກຕົວເປົ້າໝາຍໄດ້ອີກ 1 ຄົນ ຢູ່ເຮືອນຂອງຜູ້ກ່ຽວຊື່: ທ້າວ ຫຼ້າຊ້ອຍ ອາຍຸ 32 ປີ, ອາຊີບກໍາມະກອນ ຢູ່ບ້ານນາຄວາຍໃຕ້ ເມືອງໄຊເຊດຖາ ນະຄອນຫຼວງວຽງຈັນ ພ້ອມຂອງກາງຢາບ້າຈໍານວນ 266 ເມັດ ແລະ ຢາໄອ້ 1 ຖົງນ້ອຍ ຢູ່ໃນຖົງໂສ້ງ.

Image may contain: 2 people, people sitting and child

ຜ່ານການສືບສວນ-ສອບສວນ ທ້າວກີ້ ໄດ້ຮັບສາລະພາບຕໍ່ເຈົ້າໜ້າທີ່ວ່າ: ໄດ້ເລີ່ມພົວພັນ ແລະ ເສບຢາເສບຕິດມາຕັ້ງແຕ່ປີ 2000 ເປັນຕົ້ນມາ ຢາບ້າທີ່ຜູ້ກ່ຽວເອົາມາເສບແຕ່ລະຄັ້ງນັ້ນແມ່ນໄດ້ຊື້ນໍາໄວລຸ້ນຢູ່ເຂດບ້ານຊຽງດາ, ຄັ້ງລະ 10 ເມັດ, ຕົກມາຮອດປີ 2018 ຕົນຈຶ່ງເລີ່ມຂາຍຢາບ້າ; ເຊິ່ງຢາບ້າທີ່ນໍາເອົາມາຂາຍແຕ່ລະຄັ້ງ ແມ່ນຊື້ນໍາຄົນຮູ້ຈັກ ຢູ່ບ້ານນາຄວາຍໃຕ້ ໂດຍຊື້ຄັ້ງລະ 100 ເມັດ ເພື່ອເອົາມາເສບ ແລະ ຂາຍໃຫ້ກັບກຸ່ມໄວລຸ້ນທົ່ວໄປພາຍໃນບ້ານ ແລະ ໃນເດືອນພຶດສະພາ 2020 ຕົນໄດ້ໄປຊື້ຢາບ້ານໍາທ້າວ ຫຼ້າຊ້ອຍ ຢູ່ບ້ານນາຄວາຍໃຕ້ ສະຖານທີ່ນັດສົ່ງຢາກັນແມ່ນ ຢູ່ໃກ້ໂຮງງານຂ້າສັດບ້ານ ນາຄວາຍໃຕ້ ຊື້ທັງໝົດຈໍານວນ 6 ຄັ້ງ, ຄັ້ງລະ 200 ເມັດ. ພາຍຫຼັງໄດ້ຢາມາແລ້ວຕົນ ໄດ້ເອົາມາເສບ ແລະ ຂາຍໃຫ້ກັບໄວລຸ້ນຢູ່ເຂດບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ, ສ່ວນເງິນທີ່ໄດ້ຈາກການຂາຍຢາບ້ານັ້ນ ແມ່ນເອົາມາໃຊ້ຈ່າຍ ແລະ ຫຼິ້ນເກມຈົນໝົດ; ຄັ້ງສຸດທ້າຍໃນວັນທີ 21 ພຶດສະພາ 2020 ເວລາ 00:00 ໂມງໄດ້ຂີ່ລົດຈັກ ໄປຊື້ຢາບ້ານໍາຊາຍໜຸ່ມບໍ່ຮູ້ຊື່ ຢູ່ຮ້ານເກມແຖວ ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ຈໍານວນ 25 ເມັດ. ພາຍຫຼັງໄດ້ຢາບ້າແລ້ວຈຶ່ງໄດ້ຂີ່ລົດຈັກອອກໄປຕາມທາງຮອດເຂດບ້ານໜອງແຫ້ວ, ຈຶ່ງຖືກເຈົ້າໜ້າທີ່ຕໍາຫຼວດກັກຕົວພ້ອມຂອງກາງຢາບ້າຈໍານວນ 25 ເມັດ.

Image may contain: 2 people, people standing, people sitting, child and indoor

ທ້າວຫຼ້າຊ້ອຍໄດ້ຮັບສາລະພາບວ່າ: ຕົນເອງເລີ່ມພົວພັນກັບຢາເສບຕິດມາແຕ່ເດືອນກັນຍາ ປີ 2019; ເຊີ່ງຢາບ້າທີ່ນໍາມາຂາຍແຕ່ລະຕັ້ງແມ່ນໄດ້ຊື້ນໍາຊາຍຄົນໜຶ່ງບໍ່ຮູ້ຊື່, ບໍ່ຮູ້ບ້ານ ໂດຍຊື້ຄັ້ງລະ 150-200 ເມັດ ແລະ ຊື້ຈໍານວນຫຼາຍຄັ້ງ. ຫຼັງຈາກໄດ້ຢາບ້າແລ້ວກໍ່ນໍາເອົາໄປຂາຍໃຫ້ກັບໄວລຸ້ນທົ່ວໄປ, ຕົກມາຮອດວັນທີ 28 ພຶດສະພາ 2020 ເວລາ 9:30 ໂມງຕົນເອງໄດ້ໂທລະສັບຫາຊາຍຄົນດັ່ງກ່າວອີກ ເພື່ອຈະຊື້ຢາບ້າຈໍານວນ 2 ຖົງ. ຈາກນັ້ນອີກປະມານ 12 ນາທີ ຊາຍຄົນດັ່ງກ່າວກໍໄດ້ເອົາຢາບ້າມາສົ່ງໃຫ້ຕົນຢູ່ຈຸດທີ່ນັດໝາຍກັນຈໍານວນ 266 ເມັດກ່ອນ ແລະ ພ້ອມກັບເອົາຢາໄອ້ 1 ຖົງນ້ອຍໃຫ້ຕົນ, ສ່ວນຢາທີ່ຍັງເອົາມາໃຫ້ບໍ່ຄົບແມ່ນຊາຍຄົນດັ່ງກ່າວຈະເອົາມາໃຫ້ຕາມຫຼັງອີກ. ຕົກມາຮອດເວລາປະມານ 10:00 ໂມງຂອງວັນດຽວກັນ, ຈຶ່ງມີຕໍາຫຼວດວິຊາສະເພາະເຂົ້າມາກັັກຕົວພ້ອມກວດຄົ້ນພົບຂອງກາງຢາບ້າຈໍານວນ 266 ເມັດ ແລະ ຢາໄອ້ 1 ຖົງນ້ອຍຢູ່ໃນຖົງໂສ້ງຂອງຕົນ.

Image may contain: 2 people, people sitting, people standing and indoor

ປັດຈຸບັນ ຄະດີດັ່ງກ່າວເຈົ້າໜ້າທີ່ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງຫາດຊາຍຟອງ ນະຄອນຫຼວງວຽງຈັນໄດ້ກັກຕົວຜູ້ຖືກຫາໄດ້ທັງ 2 ຄົນໄວ້ ເພື່ອສືບສວນ-ສອບສວນຂະຫຍາຍຜົນນໍາຕົວ ຫາຜູ້ຮ່ວມຂະບວນການ ມາດໍາເນີນຄະດີຕາມລະບຽບກົດໝາຍ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments