ກອງປະຊຸມທາງໄກໜ່ວຍງານວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນ - ບວກ





ໃນວັນທີ 30 ມິຖຸນາ 2020 ນີ້, ທ່ານ ພັນເອກ ໄພວັນ ຈັນທະ ພົມມາ ຮອງຫົວໜ້າຫ້ອງວ່າການ ກະຊວງປ້ອງກັນປະເທດ, ທັງເປັນ ຫົວໜ້າໜ່ວຍງານວິຊາການເຈົ້າ ໜ້າທີ່ອາວຸໂສປ້ອງກັນປະເທດອາຊຽນຂອງ ສປປ ລາວ ພ້ອມຄະນະ ໄດ້ເຂົ້າຮ່ວມກອງປະຊຸມທາງ ໄກໜ່ວຍງານວິຊາການເຈົ້າໜ້າທີ່ ອາວຸໂສປ້ອງກັນປະເທດອາ ຊຽນ-ບວກ ທີ່ກະຊວງປ້ອງກັນປະເທດ, ເຊິ່ງກອງປະຊຸມຄັ້ງນີ້ ແມ່ນໄດ້ດຳເນີນພາຍໃຕ້ການເປັນປະທານຂອງ ທ່ານ ພົນໂທ ວູ້ຈຽນຖັງ ຫົວໜ້າກົມພົວພັນຕ່າງປະເທດ, ທັງເປັນຫົວໜ້າໜ່ວຍງານ ວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນຂອງ ສສ ຫວຽດນາມ ແລະ ຜູ້ເຂົ້າຮ່ວມ ກອງປະຊຸມລວມ, ມີບັນດາຫົວ ໜ້າໜ່ວຍງານວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນ-ບວກ ຂອງ 10 ປະເທດສະມາຊິກອາຊຽນ, 8 ປະເທດບວກ ແລະ ກອງເລຂາອາຊຽນ. ກອງປະຊຸມດັ່ງກ່າວເປັນ ກອງປະຊຸມເພື່ອກະກຽມໃຫ້ແກ່ກອງປະຊຸມເຈົ້າໜ້າທີ່ອາວຸໂສປ້ອງກັນປະເທດອາຊຽນ-ບວກ ເຊິ່ງຈະຈັດຂຶ້ນໃນວັນທີ 7 ກໍລະ ກົດ 2020 ທີ່ຈະມາເຖິງນີ້. 

Image may contain: 2 people, indoor

ກອງປະຊຸມໃນຄັ້ງນີ້ ໄດ້ປຶກສາຫາລື ແລະ ເປັນເອກະພາບກັນໃນບັນຫາຕ່າງໆ ເພື່ອຈະນຳສະເໜີຕໍ່ກອງປະຊຸມເຈົ້າໜ້າທີ່ອາວຸໂສ ປ້ອງກັນປະເທດອາຊຽນ - ບວກ ພິຈາລະນາໃນຂັ້ນຕໍ່ໄປດັ່ງນີ້: 1. ເຫັນດີໃຫ້ເລື່ອນກຳນົດເວລາໃນການຈັດຕັ້ງປະຕິບັດ ແຜນປະຕິບັດງານ 3 ປີ ຂອງບັນດາໜ່ວຍງານຜູ້ຊ່ຽວຊານໃນຂອບກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ຈາກໃນເບື້ອງຕົ້ນແມ່ນໃນປີ 2020-2022 ມາເປັນ 2021-2023 ເນື່ອງຈາກຜົນກະທົບ ຂອງພະຍາດໂຄວິດ-19; 2. ເຫັນດີຈັດກິດຈະກຳຕ່າງໆ ໃນປີ 2020 ຜ່ານທາງອອນລາຍ ຫຼື ກອງປະ ຊຸມທາງໄກ; 3. ການຈັດກອງປະຊຸມບໍ່ເປັນທາງການລັດຖະມົນຕີປ້ອງກັນປະເທດອາຊຽນ+1 ໃນຊ່ວງໄລຍະຈັດກອງປະຊຸ ລັດຖະມົນຕີປ້ອງກັນປະເທດອາຊຽນ-ບວກ ໃນເດືອນຕຸລາ 2020 ທີ່ຮ່າໂນ້ຍ, ສສ ຫວຽດນາມ; 4. ເຫັນດີ ແລະ ສະໜັບສະໜູນ ປະເທດເຈົ້າພາບຫວຽດນາມ ໃນການເຊີນແຂກຂອງປະເທດເຈົ້າພາບ ເພື່ອເຂົ້າຮ່ວມກິດຈະກຳທີ່ບໍ່ເປັນທາງການ ເປັນຕົ້ນແມ່ນ: ງານສະເຫຼີມສະຫຼອງ 10 ປີ ວັນ ສ້າງຕັ້ງກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ, ການພົບປະລະຫວ່າງລັດຖະມົນຕີປ້ອງກັນປະເທດອາຊຽນ ແລະ ແຂກຂອງເຈົ້າພາບ, ການພົບປະສອງຝ່າຍ ແລະ ງານວາງສະແດງອຸດສະຫະກໍາປ້ອງກັນຊາດອາຊຽນ. ກອງປະຊຸມທາງໄກໜ່ວຍງານວິຊາການເຈົ້າໜ້າທີ່ອາວຸໂສປ້ອງກັນປະເທດອາຊຽນ-ບວກໃນຄັ້ງນີ້ ໄດ້ດຳເນີນໄປທ່າມ ກາງບັນຍາກາດອັນດີ, ມີໄມຕີ ຈິດມິດຕະພາບ ແລະ ອັດລົງດ້ວຍຜົນສຳເລັດຢ່າງຈົບງາມ, ເຊິ່ງ ໄດ້ສະແດງອອກໃນການເຂົ້້າ ຮ່ວມ ແລະ ແລກປ່ຽນຄຳຄິດເຫັນຢ່າງກົງໄປກົງມາຂອງບັນດາປະເທດສະມາຊິກອາຊຽນ ແລະ ບັນ ດາປະເທດບວກ ເພື່ອປະກອບ ສ່ວນຢ່າງຕັ້ງໜ້າ ເຂົ້າໃນການເສີມຂະຫຍາຍການພົວພັນຮ່ວມ ມືດ້ານວຽກງານປ້ອງກັນຊາດ ອາຊຽນ ແລະ ອາຊຽນບວກ ໃຫ້ ນັບມື້ນັບມີປະສິດທິຜົນ, ຕອບສະໜອງຜົນປະໂຫຍດຂອງບັນດາປະເທດສະມາຊິກກໍຄືຜົນປະ ໂຫຍດລວມແຫ່ງສັນຕິພາບ, ສະ ຖຽນລະພາບ, ມິດຕະພາບ ແລະ ການຮ່ວມມືໃນຂົງເຂດພາກພື້ນ ແລະ ໃນໂລກ. ຂ່າວຍັງໃຫ້ຮູ້ອີກວ່າ: ໃນວັນ ດຽວກັນ, ກະຊວງປ້ອງກັນປະເທດສິງກະໂປໄດ້ເປັນເຈົ້າພາບຈັດກອງປະຊຸມສໍາມະນາວິຊາການທາງໄກກ່ຽວກັບການສົ່ງເສີມການຮ່ວມມືທາງດ້ານວິທະຍາສາດໃນການບໍລິຫານຄຸ້ມຄອງພະຍາດລະບາດຂຶ້ນໂດຍ ແມ່ນ ທ່ານຄຶກກິມປິວ ( Mr. Quek Gim pew ) ຫົວໜ້າວິທະ ຍາສາດການທະຫານກະຊວງ ປ້ອງກັນປະເທດສິງກະໂປ ເປັນ ປະທານ ເຊິ່ງ ສປປ ລາວ ມີ ທ່ານ ພັນເອກ ດຣ ສຸລິພັນ ເພັດຈັນທະລາ ຫົວໜ້າການທະຫານໂຮງໝໍສູນ ກາງ 103 ກອງທັບ, ທ່ານ ດຣ ນາງ ບົວພັນ ຄໍາພາພົງພານ ຮອງ ຫົວໜ້າສູນວິເຄາະ ແລະ ລະບາດວິທະຍາ ແລະ ມີພະນັກງານວິຊາ ການທີ່ກ່ຽວຂ້ອງຂອງກະຊວງປ້ອງກັນປະເທດຂອງບັນດາປະເທດສະມາຊິກອາຊຽນ ເຂົ້າຮ່ວມ. ຈຸດປະສົງຫຼັກຂອງກອງປະຊຸມສໍາມະນາວິຊາການໃນຄັ້ງນີ້ແມ່ນເພື່ອສ້າງຄວາມຄິດເປັນເອກະພາບກ່ຽວກັບການຮ່ວມມືທາງດ້ານວິທະຍາສາດ ແລະ ສ້າງຄວາມສາມາດໂດຍຜ່ານການປຶກສາຫາລືກ່ຽວກັບການບໍລິຫານຄຸ້ມຄອງ ແລະ ຕອບໂຕ້ພະຍາດ ໂດວິດ-19, ຈາກທັດສະນະວິຊາການຂອງບັນດາປະເທດສະມາຊິກອາຊຽນ. ໃນກອງປະຊຸມເທື່ອນີ້, ປະເທດເຈົ້າພາບຈະໄດ້ ເຜີຍແຜ່ ແລະ ແບ່ງປັນຂໍ້ມູນໃນການຄົ້ນຄວ້າວິໄຈກ່ຽວກັບພະຍາດໂຄວິດ-19. ໃນຂະນະດຽວກັນ, ບັນດາປະເທດສະມາຊິກອາຊຽນ ກໍຈະໄດ້ແລກປ່ຽນບົດຮຽນ ແລະ ປະສົບການໃນການປ້ອງກັນ ແລະ ສະກັດກັ້ນພະຍາດດັ່ງກ່າວ, ໂດຍເລັ່ງໃສ່ຄວາມອາດສາມາດໃນ ການກວດຫາເຊື້ອໃນຫ້ອງທົດລອງ. 

ຂ່າວໂດຍ: ຄໍາບົງ + ເພັດ ສົມນໍວັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments