ກອງປະຊຸມໃຫຍ່ຄັ້ງທີ VII ຂອງໜ່ວຍສະຫະພັນແມ່ຍິງກອງພັນ 564 ກອງພົນທີ 4


ກອງປະຊຸມໃຫຍ່ ຄັ້ງທີ VII ຂອງໜ່ວຍສະຫະພັນແມ່ຍິງກອງພັນພັນ 564 ກອງພົນທີ 4 ໄດ້ໄຂຂຶ້ນ ແລະ ອັດລົງໃນວັນທີ 8 ກໍລະກົດ 2020 ຢູ່ທີ່ສະໂມສອນກອງພັນ 564 ໂດຍການເຂົ້າຮ່ວມເປັນປະທານຂອງ ສະຫາຍ ພັນໂທຈັນທຸມມາ ນໍອາມາດ ຄະນະພັກກອງພົນ ຮອງຫົວໜ້າຫ້ອງການເມືອງກອງພົນທີ 4, ມີ ສະຫາຍ ພັນໂທ ນາງ ລຳເຮືອງ ບຸດຕະວົງ ຫົວໜ້າພະແນກສະຫະພັນແມ່ຍິງກອງພົນທີ 4, ຄະນະໜ່ວຍສະຫະພັນແມ່ຍິງ, ບັນດາແຂກທີ່ຖືກເຊີນ ຕະຫຼອກຮອດເອື້ອຍນ້ອງສະຫະພັນແມ່ຍິງກອງພັນ 564 ເຂົ້າຮ່ວມຢ່າງພ້ອມພຽງ.

Image may contain: 9 people

ໃນກອງປະຊຸມ ສະຫາຍ ຮ້ອຍເອກ ນາງ ຄຳຫຼ້າ ສິດວົງຄຳ ເລຂາໜ່ວຍສະຫະພັນແມ່ຍິງກອງພັນ 564 ໄດ້ຂຶ້ນຜ່ານບົດລາຍງານການເມືອງທັງສອງພາກຕະຫຼອດໄລຍະ 3 ປີຜ່ານມາ ເຊີ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້ເປັນຕົ້ນ: ໄດ້ຖືເອົາວຽກງານສຶກສາອົບຮົມການເມືອງນຳພາແນວຄິດເປັນວຽກງານສຳຄັນດ້ວຍຫຼາຍຮູບການ ຕໍ່ສະມາຊິກແມ່ຍິງໃນກົມກອງ ໂດຍໄດ້ນຳເອົາມະຕິກອງປະຊຸມໃຫຍ່ຂັ້ນຕ່າງໆ, ມູນເຊື້ອວັນສຳຄັນຂອງຊາດ, ຂອງກອງທັບ, ຂອງແມ່ຍິງ ແລະ ຈັດຕັ້ງສະລຸບຖອດຖອນບົດຮຽນ ລາຍງານຂັ້ນເທີງວຽກງານຕ່າງໆ ມີ 10 ຄັ້ງ ພ້ອມນັ້ນຍັງໄດ້ດຳເນີນຊີວີດການເມືອງເປັນປົກະຕິ, ຈັດຕັ້ງຊຸກຍູ້ຂະບວນການ 3 ດີ 7 ຄັ້ງ, ຮັບໜັງສືພິມວາລະສານແມ່ຍິງລາວ ຈຳນວນ 48 ສະບັບ, ນອກນີ້ຍັງໄດ້ເອົາໃຈໃສ່ປັບປຸງການຈັດຕັ້ງຂອງຕົນໃຫ້ມີຄວາມໜັກແໜ້ນ, ປັບປຸງແບບແຜນວິທີເຮັດວຽກຂອງຄະນະໜ່ວຍໃຫ້ເປັນລະບົບ ປັດຈຸບັັນໜ່ວຍເຮົາໄດ້ມີ 3 ຈຸໃນນັ້ນມີສະມາຊິກແມ່ຍິງ23 ສະຫາຍ, ສະມາຊິກພັກສຳຮອງ 4 ສະຫາຍ, ສະມາຊິກພັກສົມບູນ 9 ສະຫາຍ, ສາມາດຄັດເລືອກແມ່ຍິງ 3 ດີປະເພດ 1 ມີ 16 ສະຫາຍ, ປະເພດ 2 ມີ 4 ສະຫາຍ ແລະ ປະເພດ 3 ມີ 1 ສະຫາຍ, ສາມາດສ້າງລາຍຮັບໃນໄລຍະ 3 ປີ ຈາກການປູກຝັງ-ລ້ຽງສັດ ເຂົ້າຄອບຄົວໜື່ງ ສະເລ່ຍ 8.400.000 ກີບ ແລະ ການສ້າງລາຍຮັບເຂົ້າຄັງໜ່ວຍດ້ວຍການຂາຍເຄື່ອງຍ່ອຍ 7.999.000 ກີບ, ນອກນີ້ຍັງໄດ້ສ້າງຕັ້ງກອງທຶນ ປະຈຸບັນມີສະມາຊິກຝາກເງິນກອງທຶນ ຈຳນວນ 41 ສະຫາຍ ມີເງິນກອງທຶນຈຳນວນ 12.867.000 ກີບ ແລະ ວຽກງານອື່ນໆ...ໂອກາດດຽວກັນນີ້ກອງປະຊຸມຍັງໄດ້ມີການປອນບັດຄັດເລືອກເອົາຄະນະໜ່ວຍສະຫະພັນແມ່ຍິງຊຸດໃໝ່, ເຊີ່ງມີຜູ້ລົງສະໝັກເລືອກຕັ້ງ 5 ສະຫາຍ ຄັດເລືອກເອົາ 3 ສະຫາຍ ກອງປະຊຸມໄດ້ຄັດເລືອກເອົາ ສະຫາຍ ຮ້ອຍເອກ ນາງ ຄຳຫຼ້າ ສິດວົງຄຳ ເປັນເລຂາໜ່ວຍສະຫະພັນແມ່ຍິງ, ສະຫາຍ ຮ້ອຍເອກ ນາງ ວິທູນ ຈັນທະລິນ ເປັນຮອງເລຂາ ແລະ ສະຫາຍ ຮ້ອຍເອກ ນາງ ສາຍມາ ກົງປາລີ ເປັນຄະນະ.

Image may contain: 4 people, people standing

ໃນຕອນທ້າຍ ສະຫາຍ ພັນໂທ ຈັນທຸມມາ ນໍອາມາດ ປະທາານກອງປະຊຸມ ໃຫ້ກຽດໂອລົມກອນອື່ນ ສະຫາຍ ໄດ້ຍ້ອງຍໍຊົມເຊີຍຍຜົນງານໃນການຈັດຕັ້ງປະຕິບັດໜ້າທີ່ວຽກງານໃນໄລຍະຜານມາ ພ້ອມທັ້ງເໜັ້ນໜັກໃຫ້ສະຫະພັນແມ່ຍິງຕ້ອງເຊື່ອມຊຶມທຸກມະຕິຄຳສັ້ງຂອງຂັ້ນເທີງ ແລະ ເດີນຕາມແນວທາງຂອງພັກພ້ອມກັນຕີຖອຍທຸກປະກົດການຫຍໍ້ທໍ້, ເອົາໃຈໃສ່ບຸກບື່ນພັດທະນາຕົນເອງໃນທຸດ້ານ, ເສີມຂະຫຍາຍຄຸນສົມບັດສິນທຳປະຕິວັດ, ມູນເຊື້ອອັນດີງາມຂອງແມ່ຍິງລາວໂດຍປະຕິບັດຕາມເນື້ອໃນ ຂໍ້ແຂ່ງຂັນ 3 ດີ, ອອກແຮງສ້າງຜົນງານຈັດຕັ້ງປະຕິບັດເນື້ອໃນຂໍ້ແຂງຂັນ 3 ດີ ແລະ ແຜນພັດທະນາແມ່ຍິງ 8 ແຜນງານ 34 ໂຄງການຂອງສູນກາງສະຫະພັນແມ່ຍິງວາງອອກ,ປັບປຸງແບບແຜນວິທີເຮັດວຽກໃຫ້ສອດຄ່ອງກັບໜ້າທີ່ວຽກງານຕົວຈິງ ພ້ອມທັງສີມຂະຫຍາຍມູນເຊື້ອອັນດີງາມຂອງຊາດດ ເພີມທະວີຄວາມສາມັກຄີທັງພາຍນອກ ແລະ ພາຍໃນ ໃຫ້ເປັນປຶກແຜ່ນແໜ້ນໜາ, ສະກັດກັ້ນທ່າອ່ຽງບໍດີ ພຶດຕິກຳບໍຖືກຕ້ອງ ດຳລົງຊີວິດປອດໃສຂາວສະອາດ ພ້ອມພາກັນສືບຕໍ່ເຮັດສຳເລັດໜ້າທີ່ທີ່ຂັ້ນເທີງມອບໝາຍໃຫ້ຢ່າງຈົບງາມ.


ຂ່າວໂດຍ: ບົວຄຳ ທອງລັດສະໝີ

















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments