ປະກາດການຈັດຕັ້ງຂັ້ນບັນຊາ-ນຳພາ ຢູ່ກອງບັນຊາການທະຫານແຂວງສະຫວັນນະເຂດ.


ໃນຕອນເຊົ້າວັນທີ 14 ກໍລະກົດ 2020 ນີ້ ກອງບັນຊາການທະຫານແຂວງສະຫວັນນະເຂດ ໄດ້ຈັດພິທີປະກາດການຈັດຕັ້ງຂັ້ນນຳພາ - ບັນຊາ ຂື້ນທີ່ສະໂມສອນກອງບັນຊາການທະຫານແຂວງດັ່ງກ່າວ ເປັນກຽດເຂົ້າຮ່ວມໂດຍ ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງ ຮອງຫົວໜ້າກົມໃຫ່ຍການເມືອງກອງທັບ,ມີ ສະຫາຍ ວົງເພັດ ໄຊສະຫງວນ ຮອງເລຂາພັກແຂວງ ຮອງເຈົ້າແຂວງສະຫວັນະເຂດ,ມີເຈົ້ານະຄອນໄກສອນພົມວິຫານ,ສະມາຊິກສະພາປະຊາຊົນແຂວງ ຄະນະພັກ-ຄະນະບັນຊາກອງບັນຊາການທະຫານແຂວງ,ກອງພົນທີ 4 ກອງພັນໃຫ່ຍ 644 ໂຮງໝໍບໍລິເວນ 109 ປກສ ແຂວງ ຫົວໜ້າພະແນກ,ຮອງພະແນກ,ຕະຫຼອດຮອດບັນດາກອງບັນຊາການທະຫານເມືອງ,ກອງພັນ,ກອງຮ້ອຍເອກະລາດທີ່ຂື້ນກັບກອງບັນຊາການທະຫານແຂວງສະຫວັນະເຂດເຂົ້າຮ່ວມ.

Image may contain: 8 people, people sitting and indoor

ສະຫາຍ ພັນເອກ ບຸນປັນ ຂຸນພູມີ ຮອງຫົວໜ້າກົມພະນັກງານ ກົມໃຫ່ຍການເມືອງກອງທັບ ຂື້ນອ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການແຕ່ງຕັ້ງຄະນະກອງບັນຊາການທະຫານແຂວງສະຫວັນະເຂດ ສະບັບເລກທີ 2924/ກປທ ລົງວັນທີ 6 ກໍລະກົດ 2020 ໃນນັ້ນ ແຕ່ງຕັ້ງສະຫາຍ ພັນເອກ ສີ ທະວີໄຊ ເປັນຮັກສາການຫົວໜ້າການເມືອງກອງບັນຊາການທະຫານແຂວງສະຫວັນະເຂດແຕ່ງຕັ້ງສະຫາຍ ພັນໂທ ພັນວິໄລ ຍາດສະຍົນ ເປັນຮອງຫົວໜ້າການທະຫານ ທັງເປັນຫົວໜ້າຫ້ອງເສນາທິການທະຫານແຂວງ,ຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການອະນຸຍາດໃຫ້ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງກອງບັນຊາການທະຫານແຂວງສະຫວັນະເຂດພັກການເພື່ອກຽມຮັບເບ້ຍບຳນານສະບັບເລກທີ 2927/ກປທ ລົງວັນທີ 6 ກໍລະກົດ 2020 ແລະ ຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການຍົກຍ້າຍນາຍທະຫານຢູ່ກອງບັນຊາການທະຫານແຂວງສະຫວັນະເຂດ

Image may contain: 4 people

ໂດຍຍົກຍ້າຍ ພັນໂທ ໜູກອນ ສີຊົມພູ ໄປໃຫ້ວິທະຍາຄານເຕັກນິກການທະຫານກອງທັບ ສະບັບເລກທີ 2925/ກປທ ລົງວັນທີ 6 ກໍລະກົດ 2020 ໃນໂອກາດນີ້ ສະຫາຍ ພົນຕີ ສອນທອງ ພົມລາວົງ ກໍ່ໄດ້ມີຄຳເຫັນໂອ້ລົມ ແລະ ເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃຫມ່ຕ້ອງເພີ່ມທະວີບົດບາດໃນການຊີ້ນຳ-ນຳພາປັບປຸງລະບຽບແບບແຜນການນຳພາວິທີເຮັດວຽກໃຫ້ມີຄວາມໜັກແໜ້ນເຂັ້ມແຂງ,ປອດໃສຂາວສະອາດ,ເຮັດວຽກລວມສູນປະຊາທິປະໄຕ,ຕິດແທດກັບຕົວຈິງ,ຍົກສູງເຊີດຊູນຳ້ໃຈຮັກຊາດ,ສະຕິເປັນເຈົ້າຕົນເອງ,ເພີ່ມທະວີສືກສາອົບຮົມຝືກຜົນຫຼໍ່ຫຼອມຄຸນສົມບັດສິນທຳປະຕິວັດ,ຍົກສູງລັກສະນະນຳໜ້າເປັນແບບຢ່າງທີ່ດີ,ຍົກສູງເອົາໃຈໃສ່ສືກສາອົບຮົມການເມືອງນຳພາແນວຄິດໃຫ້ພະນັກງານສະມາຊິກພັກ-ນັກຮົບໃຫ້ມີຄຸນທາດການເມືອງໜັກແໜ້ນ,ເຮັດສຳເລັດໜ້າທີ່ວຽກງານທີ່ຕາມການຈັດຕັ້ງມອບໝາຍໃຫ້.

Image may contain: 1 person, text



ພາບ-ຂ່າວ: ພານິດ ພິລາວົງ
ທະຫານ ແຂວງສະຫວັນນະເຂດ
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments