ຫ້ອງການສຶກສາທິການ ແລະ ກິລາ ເມືອງເຊບັ້ງໄຟ ໄດ້ຈັດພິທີມອບ-ຮັບໜ້າທີ່



ເພື່ອເປັນການປະຕິບັດຕາມຂໍ້ຕົກລົງຂອງທ່ານເຈົ້າເມືອງໆເຊບັ້ງໄຟ ວ່າດ້ວຍການຍົກຍ້າຍ ແລະ ການແຕ່ງຕັ້ງຫົວໜ້າ ຫ້ອງການ, ຮອງຫົວໜ້າຫ້ອງການສຶກສາທິການ ແລະ ກິລາເມືອງ. ໃນວັນທີ 9 ກໍລະກົດ 2020 ຢູ່ທີ່ເດີ່ນກິລາເມືອງ ເຊບັ້ງໄຟ ແຂວງຄໍາມ່ວນ ໄດ້ຈັດພິທີມອບ-ຮັບໜ້າທີ່ຫົວໜ້າຫ້ອງການ ລະຫວ່າງຜູ້ເກົ່າ ແລະ ຜູ້ໃໝ່ ໂດຍການເປັນກຽດເຂົ້າຮ່ວມຂອງ ທ່ານ ນັນທະໄຊ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາແຂວງຄຳມ່ວນ, ທ່ານ ໄພມະນະ ໂກລິຍະວົງ ຮອງເຈົ້າເມືອງໆເຊບັ້ງໄຟ, ມີບັນດາຫົວໜ້າ,ຮອງຫົວໜ້າຫ້ອງການ, ຄະນະຫ້ອງການສຶກສາທິການແລະກິລາເມືອງອ້ອມຂ້າງ, ມີອຳນວຍການໂຮງຮຽນຕະຫຼອດຮອດຄູອາຈານເຂົ້າຮ່ວມ. ໃນພິທີແມ່ນໄດ້ຮັບຟັງການຜ່ານບົດບັນທຶກມອບ-ຮັບໜ້າທີ່ ເຊິ່ງໃນນັ້ນໄດ້ສັງ ລວມການຈັດຕັ້ງປະຕິບັດ ໃນການຊີ້ນຳ-ນຳພາວຽກງານການສຶກສາໃນໄລຍະຜ່ານມາ ເຫັນວ່າມີຫຼາຍດ້ານທີ່ໄດ້ຮັບຜົນສຳ ເລັດ ແລະ ບາງດ້ານທີ່ຍັງຄົງຄ້າງ ເພື່ອມອບ-ໝາຍໃຫ້ຫົວໜ້າຜູ້ໃໝ່ ສືບຕໍ່ຊີ້ນຳ-ນຳພາ. ຈາກນັ້ນ ທ່ານ ລົດວິໄລ ຈັນທະນຸວົງ ຫົວໜ້າຫ້ອງການສຶກສາທິການ ແລະ ກິລາເມືອງຜູ້ເກົ່າ ແລະ ທ່ານ ພອນໄຊ ທອງສະຫວັນ ຫົວໜ້າຫ້ອງການສຶກສາທິການ ແລະ ກິລາເມືອງເຊບັ້ງໄຟ ຜູ້ໃໝ່ ໄດ້ຮ່ວມກັນເຊັນບົດບັນທຶກດັ່ງກ່າວຢ່າງເປັນທາງການ.

Image may contain: 1 person, sitting

ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມ ຂອງທ່ານ ນັນທະໄຊ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາແຂວງຄຳມ່ວນ ເຊິ່ງທ່ານ ກໍ່ໄດ້ສະແດງຄວາມຍ້ອງຍໍຊົມເຊີຍ ມາຍັງຫົວໜ້າຫ້ອງການຜູ້ເກົ່າ ທີ່ຍາດມາໄດ້ຜົນງານໃນໄລຍະຜ່ານມາ ແລະ ທ່ານຍັງໄດ້ຊີ້ທິດເຍືອງທາງ ອັນສຳຄັນຫຼາຍດ້ານ ໃນການຈັດຕັ້ງປະຕິບັດໜ້າທີ່ ທີ່ໄດ້ມອບໝາຍໃຫ້ມີຜົນສຳເລັດຢ່າງເປັນກ້າວໆ.

Image may contain: 5 people, people sitting and outdoor











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments