ສະພາປະຊາຊົນແຂວງຄຳມ່ວນ ດຳເນີນກອງປະຊຸມສະໄໝສາມັນເທື່ອທີ 9 ຊຸດທີ I



ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງຄຳມ່ວນ ຊຸດທີ I ໄດ້ໄຂຂຶ້ນໃນວັນທີ 29 ກໍລະກົດ 2020 ທີ່ສະໂມສອນໃຫຍ່ຫຼັກ 4. ໂດຍການເປັນປະທານຂອງທ່ານ ສົມໃຈ ເພັດສີນວນ ປະທານສະພາປະຊາຊົນແຂວງຄຳມ່ວນ, ເປັນກຽດເຂົ້າຮ່ວມມີ ທ່ານ ປອ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ທ່ານ ໂອໄດ ສຸດາພອນ ເຈົ້າແຂວງໆ ຄຳມ່ວນ, ມີບັນດາຄະນະສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ຄະນະການນຳຂັ້ນແຂວງ, ຂັ້ນເມືອງ, ພະແນກການ, ອົງການຈັດຕັ້ງມະຫາຊົນ, ພະນັກງານອາວຸໂສບຳນານ, ບັນດາຂະແໜງການອ້ອມຂ້າງແຂວງເຂົ້າຮ່ວມ.

Image may contain: 3 people, people sitting and indoor

Image may contain: 4 people, people sitting and indoor

ຕະຫຼອດໄລຍະ 2 ວັນ, ນັບແຕ່ວັນທີ 29 – 30 ກໍລະກົດ 2020 ຂອງການດໍາເນີນກອງປະຊຸມຄັ້ງນີ້ແມ່ນຈະໄດ້ພິຈາລະນາ ແລະ ຕົກລົງຮັບຮອງບັນຫາສຳຄັນພື້ນຖານຂອງແຂວງມີດັ່ງນີ້ : ພິຈາລະນາ ແລະ ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງແຜນພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດ 6 ເດືອນທ້າຍປີ 2020. 

Image may contain: 1 person, indoor

Image may contain: 5 people, people sitting and indoor

ຮັບຟັງການຊີ້ແຈງຈາກບາງພະແນກການເຊັ່ນ: ພະແນກແຜນການ ແລະ ການລົງທຶນແຂວງ, ພະແນກການເງິນແຂວງ, ພະແນກກະສິກຳ ແລະ ປ່າໄມ້ແຂວງ, ພະແນກພະແຮງງານ ແລະ ສະຫວັດດີການສັງຄົມແຂວງ. ຮັບຟັງການຜ່ານມະຕິຕົກລົງຂອງຄະນະປະຈຳສະພາປະຊາຊົນແຂວງໃນການຮັບຮອງເອົາບັນຫາສຳຄັນພຶ້ນຖານຕ່າງໆຂອງແຂວງໃນໄລຍະ 6 ເດືອນຕົ້ນປີ. 

Image may contain: 4 people, people sitting, table and indoor

ພິຈາລະນາຮັບຮອງເອົາການສະເໜີຍົກຍ້າຍ, ແຕ່ງຕັ້ງບຸກຄະລາກອນຂອງອົງການປົກຄອງແຂວງ ແລະ ພິຈາລະນາ, ຮັບຮອງເອົາບົດລາຍງານກ່ຽວກັບການເຄື່ອນໄຫວວຽກງານວຽກງານຂອງຄະນະປະຈຳສະພາປະຊາຊົນແຂວງປະຈຳ 6 ເດືອນຕົ້ນປີ 2020 ແລະ ທິດທາງແຜນການເຄື່ອນໄຫວວຽກງານຮອດກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງຊຸດທີ II.












------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


Post a Comment

0 Comments