ອົງການ 5 ຫ້ອງ ກອງບັນຊາການທະຫານເເຂວງໄຊສົມບູນ ອົບຮົມຫັດແອບຍິງລູກປືນແທ້ໃນໄລຍະທີ 1 ປະຈໍາປີ 2020



ໃນວັນທີ 1 ກໍລະກົດ 2020 ທີ່ຜ່ານມານີ້ອົງການ 5 ຫ້ອງ ກອງບັນຊາການທະຫານ ເເຂວງໄຊສົມບູນໄດ້ຈັດຕັ້ງອົບຮົມຫັດແອບຍິງລູກປືນແທ້ໄລຍະທີ 1 ປະຈຳປີ 2020 ຢູ່ທີ່ສະໜາມຫັດແອບໂຮງຮຽນການທະຫານທ້ອງຖິ່ນ ແຂວງໄຊສົມບູນ, ພາຍໃຕ້ການເຂົ້າຮ່ວມຂອງ ສະຫາຍ ພັນໂທ ປອ ຄໍາຕ້ອຍ ມະນີວອນ ຮອງຫ້ອງເສນາທິການກອງບັນຊາການທະຫານ ແຂວງໄຊສົມບູນ ຄະນະຊີ້ນຳຫັດແອບພາກສະໜາມ, ມີຄະນະພັກ - ຄະນະບັນຊາ ອົງການ 5 ຫ້ອງ, ຄູອາຈານ, ພະນັກງານ - ນັກຮົບ ເຂົ້າຮ່ວມ.

Image may contain: one or more people, tree, outdoor and nature

ໂອກາດນີ້ ສະຫາຍ ພັນໂທ ປອ ຄຳຕ້ອຍ ມະນີວອນ ຮອງຫ້ອງເສນາທິການ ກອງບັນຊາການທະຫານແຂວງໄຊສົມບູນ ຄະນະຊີ້ນຳຫັດແອບພາກສະໜາມ ໄດ້ມີຄຳເຫັນໂອລົມຕໍ່ຮູບແຖວໂດຍເນັ້ນໜັກໃຫ້ນັກຍິງ ເເຕ່ລະສະຫາຍ ຕ້ອງກຳແໜ້ນທາງດ້ານທິດສະດີຫຼັກການບັນດາທ່າຈັງຫວະ ເເລະ ບາດກ້າວການເຄື່ອນຍິງ ເພື່ອເຮັດໃຫ້ການອົບຮົມຫັດແອບຍິງລູກປືນແທ້ໃນຄັ້ງນີ້ ໄດ້ຮັບໝາກຜົນສູງຂື້ນ ແລະ ບັນລຸຈຸດປະສົງ ຕາມລະດັບຄາດໝາຍທີ່ວາງໃວ້ໃນນີ້ ສະຫາຍ ຮ້ອຍເອກ ສັນຕິ ບຸຜາ ຄູຈຸດໜັກພາກສະໜາມ ໄດ້ໃຫ້ຮູ້ວ່າການປະຕິບັດຍິງລູກປືນເເທ້ໃນຄັ້ງນີ້ ເຊິ່ງມີເງືອນໄຂໃນບົດຍິງຄື: ໃນໄລຍະຍິງ 100 ແມັດ, ບົດຍິງມີ 3 ທ່າ, ນອນຍິງ, ນັ່ງຍິງ ແລະ ຢືນຍິງ, ເຊິ່ງການຫັດເເອບໃນຄັ້ງນີ້ ເພື່ອເເນ່ໃສ່ເຮັດໃຫ້ພະນັກງານ - ນັກຮົບ ໃນທົ່ວກອງບັນຊາການທະຫານເເຂວງໄຊສົມບູນ ມີຄວາມຊຳນິຊຳນານໃນການຈັດຕັ້ງອົບຮົມຫັດແອບ, ກຳໄດ້ຫຼັກການດ້ານສີນລະປະຢຸດ - ຍຸດທະວິທີ ເພື່ອຮັບໃຊ້ເຂົ້າໃນວຽກງານຕົວຈິງຢູ່ພາຍໃນກົມກອງ ໃຫ້ໄດ້ຮັບຜົນສູງສຸດ.























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments