ເມືອງຫີນບູນຈັດພິທີມອບ - ຮັບໜ້າທີ່ລະຫວ່າງ ຮອງເຈົ້າເມືອງໆຫີນບູນຜູ້ເກົ່າ - ຜູ້ໃໝ່ ແລະ ຫົວໜ້າຫ້ອງວ່າການເມືອງ ຜູ້ເກົ່າ - ຜູ້ໃໝ່



ພິທີດັ່ງກ່າວໄດ້ຈັດຂຶ້ນໃນວັນທີ 16 ກໍລະກົດ 2020 ຢູ່ທີ່ສະໂມສອນເມືອງຫີນບູນ ໂດຍພາຍໄຕ້ການເປັນປະທານຂອງທ່ານ ຄຳສິງ ອໍລະວັນ ເລຂາພັກເມືອງ ເຈົ້າເມືອງໆຫີນບູນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ. ໃນພິທີແມ່ນໄດ້ຮັບຟັງການຜ່ານບົດບັນທຶກມອບ - ຮັບໜ້າທີ່ລະຫວ່າງທ່ານ ເທວາ ສີໂສພາ ຮອງເລຂາພັກເມືອງຫີນບູນ ( ຜູ້ເກົ່າ ) ແລະ ທ່ານ ສີສຸວັນ ໄຊຍະຈິດ ຮອງເຈົ້າເມືອງໆຫີນບູນ ( ຜູ້ໃໝ່ ) ເຊິ່ງໃນນັ້ນໄດ້ຕີລາຄາ ແລະ ສະຫຼຸບບັນດາໜ້າວຽກອັນມີຜົນສໍາເລັດໃນການຊີ້ນໍາໆພາໃນແຕ່ລະໄລຍະຜ່ານມາເປັນຕົ້ນແມ່ນດ້ານຂົງເຂດເສດຖະກິດ, ດ້ານວັດທະນະທໍາ - ສັງຄົມ ແລະ ບາງຂໍ້ຄົງຄ້າງທີ່ຈະມອບໝາຍໃຫ້ຜູ້ຮັບໜ້າທີ່ໃໝ່ ສືບຕໍ່ຊີ້ນຳໆພາ ກໍ່ຄືວຽກງານການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ ຕາມການຮັບຮອງຜົນສຳເລັດກອງປະຊຸມໃຫຍ່ ສະໄໝທີ XII ຂອງອົງຄະນະພັກເມືອງຫີນບູນ ໃຫ້ບັນລຸຕາມແຜນທີ່ວາງໄວ້ ແລະ ຍັງຜ່ານບົດສະຫຼຸບການມອບ - ຮັບຫົວໜ້າຫ້ອງວ່າການເມືອງລະຫວ່າງ ທ່ານ ກອນແກ້ວ ເພັດບົວພາ ຫົວໜ້າຫ້ອງວ່າການ ເມືອງ ( ຜູ້ເກົ່າ ) ແລະ ທ່ານ ວົງດາລາ ປາຖະໜາ ຫົວໜ້າຫ້ອງວ່າການ ເມືອງ ( ຜູ້ໃໝ່ ). 



ຈາກນັ້ນກໍ່ໄດ້ພ້ອມກັນຂຶ້ນເຊັນມອບ - ຮັບໜ້າທີ່ຢ່າງເປັນທາງການໂດຍມີການນໍາຂອງເມືອງຂຶ້ນເປັນສັກຂີພະຍານ. ການມອບ - ຮັບ ໃນຄັ້ງນີ້ກໍ່ເພື່ອເປັນການສືບຕໍ່ຊີ້ນໍາໆພາ ແລະ ບໍລິຫານວຽກງານຂັ້ນເມືອງໃຫ້ສອດຄ່ອງກັບພາລະບົດບາດ, ໜ້າທີ່ວຽກງານ, ໃຫ້ມີຜົນສຳເລັດຕາມຈຸດປະສົງລະດັບຄາດໝາຍທີ່ວາງໄວ້ ແລະ ເພື່ອເຮັດໃຫ້ການປະຕິບັດໜ້າທີ່ເປັນເສນາທິການ, ການປະສານງານ, ກາຍບໍລິການຮັບໃຊ້ການນຳມີຄວາມວ່ອງໄວ, ຮັບປະກັນທາງດ້ານເນື້ອໃນ, ພິທີການ ໃຫ້ຖືກຕ້ອງຕາມພາລະບົດບາດ, ຂອບເຂດສິດ ແລະ ລະບົບບໍລິຫານພາຍໃນຫ້ອງວ່າການເມືອງຫີນບູນໃຫ້ເປັນລະບົບຢ່າງຕໍ່ເນື່ອງ. 

Image may contain: 5 people, people sitting and indoor

ໃນຕອນທ້າຍຂອງພິທີຍັງໄດ້ ຮັບຟັງການໂອ້ລົມຈາກທ່ານເຈົ້າເມືອງໆຫີນບູນ ເຊິ່ງທ່ານໄດ້ເນັ້ນໜັກໃນການຈັດຕັ້ງ, ການຊີ້ນຳໆພາໃນແຕ່ລະດ້ານ, ໃນແຕ່ລະຂົງເຂດ ທີ່ຈະຕ້ອງພ້ອມກັນເອົາໃຈໃສ່ປະຕິບັດໜ້າທີ່ຂອງຕົນທີ່ໄດ້ຮັບມອບໝາຍໃຫ້ມີຜົນສຳເລັດຕາພາລະບົດບາດຂອງຕົນ.
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

2 Comments