ອົບ​ຮົມ​ການ​ເຮັດ​ທົດ​ລອງ​ການ​ສືບ​ຕໍ່​ປັບ​ປຸງ​ຖານ​ຂໍ້​ມູນ​ການ​ເຊົ່າ ແລະ ສຳ​ປະ​ທານ​ທີ່​ດິນ​ຂອງ​ລັດ​ຢູ່​ແຂວງ​ສະ​ຫວັນ​ນະ​ເຂດ.




ຊຸດຝຶກອົບຮົມການເຮັດທົດລອງການສືບຕໍ່ປັບປຸງຖານຂໍ້ມູນການເຊົ່າ ແລະ ສຳປະທານທີ່ດິນຂອງລັດຢູ່ແຂວງສະຫວັນນະເຂດ ໄດ້ຈັດຂຶ້ນໃນລະຫວ່າງວັນທີ 30 ມິຖຸນາ-3 ກໍລະ ກົດ 2020 ທີ່ຫ້ອງປະຊຸມພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງໂດຍການເປັນປະທານຂອງ ທ່ານ ພູທອນ ຍອດບຸນເຮືອງ ຫົວຫນ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ແລະ ທ່ານ ປອ ທັດ ເທວາ ສະພັງທອງຮອງຫົວຫນ້າກົມຄຸ້ມຄອງທີ່ດິນກະສິກຳ, ກະຊວງກະສິກຳ-ປ່າໄມ້, ມີຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ຫົວໜ້າສູນເພື່ອການພັດທະນາ ແລະ ສິ່ງແວດລ້ອມ(CDE) ປະຈໍາ ສປປ ລາວ, ຕາງໜ້າ ຈາກກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງກະສິກຳ ແລະ ປ່າໄມ້, ກະຊວງແຜນການ ແລະ ການ ລົງທຶນ, ກະຊວງພະລັງງານ ແລະ ບໍ່ແຮ່, ກະຊວງການເງິນ ແລະ ວິຊາການກ່ຽວຂ້ອງເຂົ້າຮ່ວມ.

Image may contain: 2 people, people sitting, table and indoor

ທ່ານ ພູທອນ ຍອດບຸນ ເຮືອງ ກ່າວວ່າ: ໃນໄລຍະຜ່ານມາ, ພັກ ແລະລັດຖະບານ ແຫ່ງ ສປປ ລາວ ໄດ້ສຸມຄວາມພະຍາຍາມໃນການຊອກຫາວິທີການ ແລະ ມາດຕະການໃນການຄຸ້ມຄອງໂຄງການເຊົ່າ ແລະ ສຳປະທານທີ່ດິນຂອງລັດເພື່ອເຮັດໃຫ້ການຈັດຕັ້ງປະຕິ ບັດວຽກງານດັ່ງກ່າວມີປະສິດທິຜົນນຳເອົາຜົນປະໂຫຍດສູງສຸດມາໃຫ້ແກ່ປະເທດຊາດ ແລະ ປະຊາຊົນລາວບັນດາເຜົ່າ ໂດຍທີ່ບໍ່ສ້າງຜົນກະທົບອັນບໍ່ດີ ຕໍ່ກັບສິ່ງແວດລ້ອມທຳມະຊາດ. ໂດຍແຂວງສະຫວັນນະເຂດໄດ້ຖືກຄັດເລືອກໃຫ້ເປັນບ່ອນທົດລອງໃນການຈັດຕັ້ງປະຕິບັດການສືບຕໍ່່ປັບປຸງຖານຂໍ້ມູນການເຊົ່າ ແລະ ສຳປະທານທີ່ດິນຂອງລັດຢ່າງເປັນລະບົບຕໍ່ເນື່ອງຢູ່ ສປປ ລາວ ຊຶ່ງໃນ ເດືອນກຸມພາປີນີ້, ພວກເຮົາກໍ່ໄດ້ຈັດກອງປະຊຸມໃນການລິເລີ່ມການຈັດຕັ້ງປະຕິບັດໂຄງການດັ່ງກ່າວແລ້ວຢູ່ທີ່ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຫຼັງ ຈາກນັ້ນ, ໃນເດືອນມີນາ, ທ່ານ ຮອງເຈົ້າແຂວງສະຫວັນນະເຂດກໍ່ໄດ້ອອກຂໍ້ຕົກລົງເລກທີ 731/ຈຂ.ສຂ ເພື່ອແຕ່ງຕັ້ງຄະ ນະຊີ້ນໍາ ແລະວິຊາການ ເພື່ອ ຈັດຕັ້ງປະຕິບັດວຽກງານ ດັ່ງກ່າວ.

Image may contain: 5 people, people sitting, table and indoor

ສຳລັບຈຸດປະສົງຂອງກອງປະຊຸມໃນຄັ້ງນີ້ແມ່ນມີ 2 ຈຸດປະສົງຄື: ເພື່ອນຳສະເໜີລະບົບຖານຂໍ້ມູນການເຊົ່າ ແລະ ສຳປະທານທີ່ດິນຂອງ ລັດຢູ່ ສປປ ລາວ (LCIS) ໃຫ້ຄູ່ຮ່ວມງານຂອງລັດຢູ່ແຂວງສະຫວັນນະເຂດ ແລະ ເພື່ອຝຶກອົບຮົມວິຊາການຂອງຄູ່ຮ່ວມງານຂອງລັດຈາກສູນກາງ ແລະ ແຂວງໃນການສືບຕໍ່ປັບປຸງຖານຂໍ້ມູນການຂຶ້ນບັນຊີໂຄງການເຊົ່າ ແລະ ສຳປະທານທີ່ດິນຂອງລັດ. ສະນັ້ນ, ກໍ່ຂໍ ຮຽກຮ້ອງໃຫ້ບັນດາທ່ານ ຈົ່ງ ພ້ອມກັນປຶກສາຫາລື ແລະ ແລກປ່ຽນບົດຮຽນເຊິ່ງກັນ ແລະ ກັນ ຢ່າງກົງໄປກົງມາ ແລະ ມີຄວາມຮັບຜິດຊອບສູງເພື່ອເຮັດແນວໃດເຮັດໃຫ້ການຈັດຕັ້ງປະຕິບັດວຽກງານການສືບຕໍ່ປັບປຸງຖານຂໍ້ມູນການເຊົ່າ ແລະ ສຳປະທານທີ່ດິນຂອງລັດຢູ່ແຂວງສະຫວັນນະເຂດໃຫ້ໄດ້ຮັບຜົນດີສາມາດເປັນບົດຮຽນທີ່ດີໃຫ້ແກ່ແຂວງອື່ນໆ.
























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments