ຫ້ອງວ່າການສຳນັກງານນາຍົກລັດຖະມົນຕີ ປະກາດການຈັດຕັ້ງ



ໃນວັນທີ 29 ກໍລະກົດ 2020 ນີ້, ຫ້ອງວ່າການສຳນັກງານນາຍົກລັດ ຖະມົນຕີ (ຫສນຍ) ໄດ້ຈັດພິທີປະກາດການຈັດຕັ້ງ, ພາຍໃຕ້ການເປັນ ປະທານ ຂອງທ່ານ ເພັດ ພົມພິພັກ ລັດຖະມົນຕີ, ຫົວໜ້າ ຫສນຍ, ມີບັນດາທ່ານ ຄະນະກົມ ແລະ ພະນັກງານ-ລັດຖະກອນ ພາຍໃນ ຫສນຍ ທັງໝົດ ເຂົ້າຮ່ວມ.

Image may contain: 2 people, flower

ການປະກາດການຈັດຕັ້ງໃນຄັ້ງນີ້, ທ່ານ ຄົມສັນ ໄຊຍະສານ ຫົວໜ້າກົມຈັດຕັ້ງ ແລະ ພະ ນັກງານ ຫສນຍ ໄດ້ຂຶ້ນຜ່ານບັນດາເອກະສານ ມີ ຄຳສັ່ງຂອງນາຍົກລັດຖະມົນຕີ ຍົກຍ້າຍທ່ານ ລິນຄຳ ດວງສະຫວັນ ຫົວໜ້າກົມຄົ້ນຄວ້າ-ສັງລວມ ໄປຮັບໜ້າທີ່ໃໝ່ ຢູ່ກະຊວງກະສິກຳ ແລະ ປ່າໄມ້, ຜ່ານດຳລັດຂອງນາຍົກລັດຖະມົນຕີ ແຕ່ງຕັ້ງ ທ່ານ ສະຖິດ ເພັດສິງເລືອງ ເປັນຫົວໜ້າກົມຄົ້ນຄວ້າ-ສັງລວມ, ຜ່ານຂໍ້ຕົກລົງ ຂອງລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ອະນຸມັດໃຫ້ ທ່ານ ຄຳຜອງ ແສງປະເສີດ ຮອງຫົວໜ້າກົມນິຕິກຳ ອອກພັກການຮັບອຸດໜູນບຳນານ ນັບແຕ່ວັນທີ 1 ກໍລະກົດ ເປັນຕົ້ນໄປ, ຍົກຍ້າຍ ທ່ານ ໂພສີ ຈັນມິ່ງ ຮອງຫົວໜ້າກົມເລຂາ ໄປປະກອບສ່ວນວຽກງານ ຢູ່ກະຊວງສຶກສາທິການ ແລະ ກິລາ, ແຕ່ງຕັ້ງ ທ່ານ ສີສູນໄທ ແກ້ວໂພໄຊ ຮອງຫົວໜ້າກົມ, ເລຂາປະຈຳທ່ານນາຍົກລັດຖະມົນຕີ ເປັນຮັກສາການຫົວໜ້າກົມເລຂາ ຫສນຍ.

Image may contain: one or more people

ໃນຕອນທ້າຍ, ທ່ານປະທານກອງປະຊຸມ ໄດ້ໃຫ້ກຽດໂອ້ລົມຕໍ່ພິທີ ກ່ອນອື່ນ ທ່ານໄດ້ກ່າວຍ້ອງຍໍຊົມເຊີຍຕໍ່ຜົນສຳເລັດ ກໍ່ຄືຜົນງານ, ຄວາມຮັບຜິດຊອບ, ຄວາມເປັນແບບຢ່າງ ແລະ ອື່ນໆ ຂອງບັນດາທ່ານ ທີ່ໄດ້ຮັບການປະກາດການຈັດຕັ້ງໃນຄັ້ງນີ້. ພ້ອມໄດ້ໃຫ້ທິດຊີ້ນຳ ຕໍ່ບັນດາສະຫາຍ ທີ່ໄດ້ຮັບການປະ ກາດລາຍຊື່ ໃນການແຕ່ງຕັ້ງ, ສັບຊ້ອນ ແລະ ຍົກຍ້າຍ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ໜ້າທີ່ການເມືອງ-ໜ້າທີ່ວຽກງານ, ສຸມສະຕິປັນຍາ ແລະ ຄວາມຮູ້ຄວາມສາມາດຂອງຕົນ ປະຕິບັດໜ້າທີ່ ທີ່ການຈັດຕັ້ງມອບໝາຍ ໃຫ້ມີຜົນສຳເລັດເປັນຢ່າງດີ, ທັງມີການມອບ-ຮັບວຽກໃຫ້ກັນ ແລະ ກັນ ເປັນລາຍລັກອັກສອນ, ມີການປຶກສາຫາລື ແລະ ສົ່ງຂ່າວເຊິ່ງກັນ ແລະ ກັນ, ສືບຕໍ່ບຸກບືນ, ຖອດຖອນບົດຮຽນ ແລະ ຝຶກຝົນຫລໍ່ຫລອມຕົນເອງ ໃຫ້ມີຄວາມຮູ້ ຄວາມສາມາດ, ມີຄຸນສົມບັດສິນທຳປະຕິວັດ ແລະ ມີຄວາມກ້າວໜ້າຢູ່ສະເໝີ, ໃຫ້ບັນດາກົມ ເອົາໃຈໃສ່ເຮັດວຽກງານການເມືອງແນວຄິດ ກັບພະນັກງານ-ລັດ ຖະກອນ ທີ່ຢູ່ໃນຄວາມຮັບຜິດຊອບຂອງຕົນ ໃຫ້ມີຄວາມອຸ່ນອຽນທຸ່ນທ່ຽງ, ມີຄວາມຮັບຜິດຊອບສູງ ຕໍ່ວຽກງານ, ມີຄວາມສາມັກຄີກັນແໜ້ນແຟ້ນ, ມີການຊ່ວຍເຫລືອເຊິ່ງກັນ ແລະ ກັນ, ມີຄວາມຮັບຮູ້ ແລະ ເຂົ້າໃຈຢ່າງຖືກຕ້ອງຕໍ່ແນວທາງຂອງພັກ, ນະໂຍບາຍຂອງລັດ ແລະ ເຂົ້າຮ່ວມຈັດຕັ້ງປະຕິບັດ ໃຫ້ເກີດດອກອອກຜົນ, ພະນັກງານ-ລັດຖະກອນທັງໝົດຈົ່ງເປັນເຈົ້າການ ປະຕິບັດບັນດາມາດຕະການ ທີ່ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດ ຂອງພະຍາດ ໂຄວິດ-19 ວາງອອກ 

Image may contain: 5 people, people sitting and indoor

ໃນແຕ່ລະໄລຍະຢ່າງເຂັ້ມງວດ, ພ້ອມກັນນັ້ນ ກໍ່ຕ້ອງໄດ້ສຶກສາອົບຮົມຄອບຄົວ-ລູກຫລານຂອງຕົນ ໃຫ້ມີຄວາມລະມັດລະວັງ ແລະ ເຂົ້າຮ່ວມ ປ້ອງກັນການແຜ່ລະບາດຂອງເຊື້ອພະຍາດຕ່າງໆ ເປັນຢ່າງດີ,ໃຫ້ບັນດາທ່ານ ທີ່ໄດ້ຮັບການແຕ່ງຕັ້ງ ແລະ ຊັບຊ້ອນພາຍໃນ ຫສນຍ ຈົ່ງປັບປຸງແບບແຜນວິທີເຮັດວຽກ, ປັບປຸງວຽກງານຂອງກົມໃຫ້ດີຂຶ້ນກວ່າເກົ່າ, ມີການຮ່ວມດຳເນີນຊີວິດໃຫ້ເປັນປົກກະຕິ, ຮັບປະກັນໄດ້ປະ ສິດທິພາບ ແລະ ປະສິດທິຜົນ ໂດຍສະເພາະ ຄວາມວ່ອງໄວ, ທັນສະໄໝ, ປອດໄພ, ໂປ່ງໃສ ແລະ ຍຸຕິທຳ, ໃຫ້ບັນດາອານຸກໍາມະການ ທີ່ຮັບຜິດຊອບກະກຽມກອງປະຊຸມໃຫຍ່ ຜູ້ແທນອົງຄະນະພັກ ຫສນຍ ຄັ້ງທີ v ກະກຽມທາງດ້ານຕ່າງໆ ຕາມການມອບໝາຍໃຫ້ມີຜົນສຳເລັດ ໂດຍສະເພາະ ດ້ານເນື້ອໃນ ແລະ ບຸກຄະລາກອນ.
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments