ນະຄອນ ໄກສອນ ພົມວິຫານ ເປີດຂະບວນການເກັບຄ່າທໍານຽມທາງ ແລະ ເສຍພາສີທີ່ດິນຜ່ານລະບົບທະນາຄານປະຈຳປີ 2020



ໂດຍປະຕິບັດຕາມລັດຖະບັນຍັດຂອງປະທານປະເທດວ່າດ້ວຍຄ່າທໍານຽມທາງສະບັບເລກທີ 01/ ປປທ ລົງວັນທີ 20 ກັນຍາ 2017 ແລະ ອີງຕາມການຄົ້ນຄວ້າຕົກລົງເຫັນດີເປັນເອກະພາບຂອງຄະນະທ່ານນຳຂອງນະຄອນແລະຄະນະຫ້ອງການສ່ວຍສາອາກອນປະຈຳນະຄອນໄດ້ຮ່ວມກັບທະນາຄານການຄ້າຕ່າງປະເທດລາວ ຈຶ່ງໄດ້ຈັດພິທີເປີດຂະບວນການເກັບຄ່າທໍານຽມທາງແລະເສຍພາສີທີ່ດິນປະຈໍາປີ 2020 ຂຶ້ນ 

Image may contain: 5 people, people sitting and indoor

ໃນຕອນເຊົ້າຂອງວັນທີ 20ສິງຫາ2020 ນີ້ ຢູ່ທີ່ ຫ້ອງການປົກຄອງບ້ານໄຊຍະພູມ ນະຄອນໄກສອນ ພົມວິຫານ ໂດຍການເຂົ້າຮ່ວມຂອງທ່ານ ສົມໜາຍ ສົງວິໄລ ຮອງ ເຈົ້ານະຄອນ ໄກສອນ ພົມວິຫານ ທັງເປັນຜູ້ຊີ້ນຳວຽກງານຂົງເຂດເສດຖະກິດ,ມີທ່ານ ຄຳຜຽນ ຫົວໜ້າຫ້ອງການສ່ວຍສາອາກອນປະຈຳນະຄອນ ພ້ອມຄະນະ ແລະ ພະນັກງານວິຊາການກ່ຽວຂ້ອງຈາກໜ່ວຍງານສ່ວຍສາອາກອນປະຈໍານະຄອນ ພ້ອມດ້ວຍພະນັກງານວິຊາການທະນາຄານການຄ້າຕ່າງປະເທດລາວສາຂາແຂວງສະຫັວນນະເຂດເຂົ້າຮ່ວມນຳ.

Image may contain: 4 people, people sitting and outdoor

ຈຸດປະສົງໃນການເປີດຂະບວນການເກັບຄ່າທຳນຽມທາງແລະເສຍພາສີທີດິນໃນກຸ່ມບ້ານທີ່1 ເຊິ່ງປະກອບມີບ້ານໄຊຍະພູມ,ໄຊຍະມຸງຄຸນ,ລັດຕະນະລັງສີໃຕ້,ລັດຕະນະລັງສີເໜືອ,ລາດຊະວົງໄຊແລະບ້ານທ່າແຮ່ໃນຄັ້ງນີ້ ກໍ່ເພື່ອເປັນການເຊີນຊວນປຸກລະດົມບຸກຄົນ,ນິຕິບຸກຄົນ,ບໍລິສັດ,ອົງການຈັດຕັ້ງ ລວມທັງພາກລັດ ແລະ ເອກະຊົນຜູ້ທີ່ນຳໃຊ້ລົດ,ໃຊ້ຖະໜົນບໍ່ວ່າຈະເປັນລົດຈັກ ແລະ ລົດໃຫຍ່ປະເພດຕ່າງໆ ພາຍໃນແຂວງສະຫວັນນະເຂດ ເວົ້າລວມ,ເວົ້າສະເພາະກໍ່ຄືພາຍໃນນະຄອນໃນການປະກອບສ່ວນເສຍພັນທະຄ່າທຳນຽມທາງແລະເສຍພາສີທີ່ດິນ ເພື່ອມອບເຂົ້າງົບປະມານປະຈຳປີ 2020 ໃຫ້ບັນລຸຕາມແຜນການທີ່ວາງໄວ້. 

Image may contain: 10 people, people standing and outdoor

ສຳລັບຢູ່ນະຄອນແມ່ນມີໜ່ວຍບໍລິການເກັບຄ່າທຳນຽມທາງແລະເສຍພາສີທີດິນຢູ່ທະນາຄານການຄ້າຕ່າງປະເທດລາວ ຫຼື ຈ່າຍຜ່ານລະບົບ BCEL ONE ກໍ່ໄດ້ ແລະ ຍັງມີໜ່ວຍງານບໍລິການເຄື່ອນທີ່ຂອງນະຄອນທີ່ໃຫ້ບໍລິການໄປຕາມກຸ່ມບ້ານຕ່າງໆ ພາຍໃນນະຄອນລວມທັງໝົດ 13 ກຸ່ມ. 

Image may contain: outdoor

ເຊິ່ງຈະໄດ້ເຮັດໜ້າທີ່ເຄື່ອນໄຫວໃຫ້ບໍລິການໃນກຸ່ມບ້ານລະ 1ວັນ ຊຶ່ງຈະໄດ້ອຳນວຍຄວາມສະດວກໃຫ້ກັບປະຊາຊົນຜູ້ທີ່ບໍ່ມີເວລາຈະເຂົ້າໄປຈ່າຍຄ່າທຳນຽມທາງແລະເສຍພາສີທີ່ດິນຜ່ານລະບົບທະນາຄານດ້ວຍຕົນເອງ ທັງນີ້ກໍ່ເພື່ອເຮັດໃຫ້ການເກັບຄ່າທຳນຽມທາງແລະເສຍພາສີທີ່ດິນຜ່ານລະບົບທະນາຄານປະຈຳປີ 2020 ຢູ່ນະຄອນ ໃຫ້ບັນລຸຕາມແຜນການ 100%.





















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments