ໜັງສືພິມກອງທັບ ແລະ ກອງພົນທີ 5 ເລັ່ງປັບປຸງວຽກງານ ສື່ມ່ວນຊົນ ໃຫ້ຕານ່າງຂ່າວ 4 ແຂວງພາກໃຕ້



ໜັງສືພິມກອງທັບປະຊາຊົນ ລາວໄດ້ເລັ່ງໃສ່ປັບປຸງວຽກງານສື່ມວນຊົນເພື່ອເຮັດໃຫ້ວຽກ ງານດັ່ງກ່າວເຄື່ອນໄຫວຢ່າງ ແຂງແຮງ ປະກອບສ່ວນເຂົ້າໃນການສຶກສາອົບຮົມການເມືອງ-ແນວຄິດຂອງພະນັກງານ-ນັກ ຮົບໃຫ້ມີຄວາມໜັກແໜ້ນເຂັ້ມແຂງ. ໂດຍໄດ້ປະສານສົມທົບກັບຄະນະພັກ-ຄະນະບັນຊາກອງພົນທີ 5 ເປີດຊຸດອົບຮົມວຽກງານສື່ມວນຊົນຂຶ້ນຢູ່ທີ່ກອງພົນທີ 5 ໃນວັນທີ 3 ສິງຫາ 2020 ນີ້, ເຊິ່ງມີນັກເຝິກອົບຮົມຈາກບັນດາກົມກອງທີ່ຂຶ້ນກັບກອງພົນທີ 5, ໂຮງຮຽນກໍ່ສ້າງນາຍສິບເລກ 2 ວຽງໄຊ, ໂຮງໝໍບໍລິເວນ 106, ກອງພັນໃຫຍ່ 645, ກອງບັນຊາການທະຫານແຂວງຈໍາປາສັກ, ເຊກອງ, ສາລະວັນ ແລະ ກອງບັນຊາການທະຫານແຂວງ ອັດຕະປືເຂົ້າຮ່ວມທັງໝົດ 31 ສະຫາຍ ໂດຍຊຸດອົບຮົມຈະໄດ້ດໍາເນີນໄປເປັນເວລາ 15 ວັນຈຶ່ງຈະອັດລົງ. ສະຫາຍ ພັນໂທ ປອ ສະແຫວງ ແດນນາມົນ ຮອງຫົວໜ້າບັນນາທິການໜັງສືພິມກອງທັບ ຄະນະຮັບຜິດຊອບຈັດຊຸດອົບຮົມກ່າວໃນພິທີເປີດຊຸດອົບຮົມວ່າ: ການ ເປີດຊຸດອົບຮົມວຽກງານສື່ມວນຊົນຄັ້ງນີ້ກໍເພື່ອແນໃສ່ສ້າງຖັນແຖວນັກຂ່າວຢູ່ແຕ່ລະກົມກອງໃຫ້ມີຄວາມຮູ້, ຄວາມສາມາດໃນການເກັບກຳຂໍ້ມູນ, ຂຽນບົດ, ຂ່າວສະໜອງໃຫ້ແກ່ໜັງສືພິມກອງທັບ ແລະ ສົ່ງອອກສື່ມວນຊົນຕ່າງໆລວມທັງອ່ານຂ່າວ ອອກທາງໂທລະໂຄ່ງ ແນໃສ່ໂຄສະນາຜົນງານ, ການເຄື່ອນໄຫວດ້ານຕ່າງໆຢູ່ບັນດາກົມກອງໃຫ້ມີບັນຍາກາດຟົດຟື້ນ, ແຂງແຮງ ແລະ ກວ້າງຂວາງ. 

Image may contain: 9 people, people sitting and indoor

ໃນຊຸດອົມຮົມຄັ້ງນີ້ຜູ້ເຂົ້າຮ່ວມ ຈະໄດ້ຮຽນຮູ້ກ່ຽວກັບຄວາມຮູ້ພື້ນຖານຂອງໜັງສືພິມປະຕິວັດ, ຈັນຍາບັນຂອງສື່ມວນຊົນລາວ, ການຂຽນຂ່າວໃຫ້ຊວນອ່ານ, ວິທີເອົາເອກະສານ ແລະ ເກັບກໍາຂໍ້ມູນ, ການຂຽນບົດວຽກດີຄົນເດັ່ນ, ບົດລາຍງານຂ່າວ, ທັກສະການເຮັດຂ່າວອອນລາຍ, ການສົ່ງຂ່າວຜ່ານໂທລະສັບມືຖື ແລະ ເຕັກນິກການຖ່າຍຮູບປະກອບບົດ-ຂ່າວ. ໃນນັ້ນ, ຈະໄດ້ຮຽນ ທັງພາກທິດສະດີ ແລະ ລົງພາກ ປະຕິບັດຕົວຈິງໄປພ້ອມໆກັນ. ໂອກາດເຂົ້າຮ່ວມເປັນປະທານ ໃນພິທີເປີດຊຸດອົບຮົມຄັ້ງນີ້, ສະຫາຍ ພັນເອກ ບຸນທັນ ມາບຸດ ສະດີ ຫົວໜ້າການເມືອງກອງພົນ ທີ 5 ໄດ້ມີຄໍາເຫັນວ່າ: ບັນດາສະ ຫາຍທີ່ເຂົ້າຮັບການອົບຮົມຄັ້ງນີ້ແມ່ນໜໍ່ແໜງອັນແຫຼມຄົມຂອງ ວຽກງານການເມືອງແນວຄິດເຊິ່ງຈະກາຍເປັນກະບອກສຽງຂອງຄະນະພັກ-ຄະນະບັນຊາໃນການນຳເອົາແນວທາງນະໂຍບາຍຂອງພັກ-ລັດລົງສູ່ພະນັກງານ- ນັກຮົບກົມກອງທ້ອງຖິ່ນຕ່າງໆ. ສະຫາຍຍັງໄດ້ຮຽກຮ້ອງໃຫ້ ແຕ່ລະສະຫາຍພ້ອມກັນຕັດສິນໃຈບຸກບືນຜ່ານຜ່າຂໍ້ຫຍຸ້ງຍາກເຮັດໃຫ້ບັ້ນອົບຮົມຄັ້ງນີ້ບັນລຸຜົນສຳເລັດເປັນຢ່າງດີ.





















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments