ແຂວງຫຼວງພະບາງປາຖະກະຖາວັນສ້າງຕັ້ງສື່ມວນຊົນ ແລະ ການພີມຈຳໜ່າຍແຫ່ງຊາດລາວຄົບຮອບ 70 ປີ


ວັນທີ 12 ສິງຫາ 2020, ພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວແຂວງຫຼວງພະບາງ ໄດ້ຈັດພິທີໂຮ່ມຊຸມນຸມສະເຫຼີມສະຫຼອງວັນຕັ້ງສື່ມວນຊົນ ແລະ ການພີມຈຳໜ່າຍແຫ່ງຊາດລາວ ວັນທີ່ 13 ສີງຫາ ຄົບຮອບ 70 ປີຂຶ້ນ, ຢູ່ໂຮງລະຄອນພະລັກພະລາມ, ໂດຍເລີ່ມຈາກການຮັບຊົມສາລະຄະດີກ່ຽວກັບວັນສື່ມວນຊົນ ແລະ ຊົມການ ສະແດງສີລະປະວັນນະຄະດີຈາກກອງສິນລະປະກອນແຂວງຢ່າງມ່ວນຊື່ນ. ຈາກນັ້ນ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງໄດ້ຂື້ນປາຖະກະຖາວັນສື່ມວນຊົນ ແລະ ການພີມຈຳໜ່າຍ ທ່ານກ່າວວ່າ: ຕະຫຼອດໄລຍະແຫ່ງການນໍາພາຂອງພັກໃນຂະບວນການຕໍ່ສູ້ປົດປ່ອຍຊາດ


Image may contain: one or more people, people on stage and indoor


ສາມາດຍາດເອົາຄວາມເປັນເອກະລາດແຫ່ງຊາດ ແລະ ອິດສະຫຼະພາບມາສູ່ປະຊາຊົນ, ຜົນສຳເລັດທີ່ຍາດມາໄດ້ຍ້ອນພັກປະຊາຊົນປະຕິວັດລາວ ໄດ້ຖືເອົາວຽກງານໂຄສະນາ, ສຶກສາອົບຮົມ, ຂົນຂວາຍ ແລະ ປຸກລະດົມນ້ຳໃຈຮັກຊາດ, ນ້ຳໃຈປະຕິວັດຂອງປວງຊົນລາວເຂົ້າໃນທຸກຂະບວນການຕສູ້ດ້ວຍການນຳໃຊ້ລະບົບສື່ມວນຊົນເຮັດໃຫ້ການຕໍ່ໍ່ສູ້ໄດ້ຮັບໄຊຊະນະລວມຂອງການປະຕິວັດໃນແຕ່ລະໄລຍະ, ທ່ານກ່າວຕື່ມວ່າ: ວັນທີ່ 13 ສິງຫາ 1950 ເປັນມື້ດຽວກັນກັບການສ້າງຕັ້ງແນວລາວອິດສະຫຼະ ແລະ ລັດຖະບານລາວຕໍ່ຕ້ານ, ພັກໄດ້ຕົກລົງສ້າງຕັ້ງໜັງສືພິມລາວອິດສະຫຼະຂື້ນຢ່າງເປັນທາງການສະບັບທໍາອິດໄດ້ເກີດຂື້ນໃນເງື່ອນໄຂທີ່ມີຄວາມຫຍຸ້ງຍາກທີ່ສຸດພິມດ້ວຍລະບົບລີໂຄຍອດພິມສູງສຸດເຖິງ 2.000 ສະບັບຕໍ່ເທື່ອ ແລະ ເດືອນໜື່ງຈໍາໜ່າຍ 2 ເທື່ອ ໂດຍມີກອງບັນນາທິການຕັ້ງຢູ່ເຂດປົດປ່ອຍ ແລະ ເປັນຈຸດເລີ່ມຕົ້ນຂອງການຂະຫຍາຍຕົວຢ່າງຕໍ່ເນື່ອງຂອງບັນດາອົງການສື່ມວນຊົນລາວເຮົາມາເຖິງປະຈຸບັນ.


Image may contain: one or more people, people sitting and indoor


ໂອກາດດຽວກັນນີ້ ທ່ານເຈົ້າແຂວງຫຼວງພະບາງໄດ້ຍົກໃຫ້ເຫັນເຖີງຜົນສຳເລັດຂອງວຽກງານສື່ມວນຊົນພາຍໃນແຂວງຫຼວງພະບາງ ພ້ອມທັງຮຽກຮ້ອງໃຫ້ຜູ້ທີ່ເຮດວຽກງານສື່ມວນຊົນຕ້ອງເປັນເຈົ້າການເຜີຍແຜ່ແນວທາງຂອງພັກລະບຽບກົດໝາຍຂອງລັດໃຫ້ເລິກເຊີ່ງ ທັງຕອບໂຕ້ການນຳສະເໜີຂ່າວສານທີ່ຂັດກັບແນວທາງຂອງພັກ, ບິດເບືອນຄວາມຈີງໃນສັງຄົມອັນຈະສົ່ງຜົນກະທົບຕໍ່ການພັດທະນານາເສດຖະກິດ-ສັງຄົມ ໃຫ້ລຸດລົງເທື່ອລະກ້າວ. ເຂົ້າຮ່ວມຮັບຟັງການປາຖະກະຖາຄັ້ງນີ້ ມີຄະນະພະແນກ ພ້ອມດ້ວຍອາດິດຄຳນຳນຳພະແນກທີ່ເຄີຍຊີ້ນຳວຽກງານສື່ມວນຊົນ, ແຂກຮັບເຊີນຈາກພະແນກການອ້ອມຂ້າງ ແລະພະນັກງານພາຍໃນພະແນກ ຖວທ ແຂວງ ຫຼາຍຮ້ອຍຄົນ.


ຂ່າວ;ພາບ: ອາພຸດເດດ ບຸບຜາ

















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments