ສໍາເລັດກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງຜົ້ງສາລີ ຊຸດທີ I



ລະຫວາງວັນທີ 13-14 ສິງຫາ 2020, ທີ່ຫ້ອງປະຊຸມຊັ້ນ 5 ຫ້ອງວ່າການແຂວງ ໄດ້ດໍາເນີນກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງຜົ້ງສາລີ ຊຸດທີ I ໂດຍການເປັນປະທານຂອງທ່ານ ບົວທອງ ອຸແສງຄໍາ, ຮອງເລຂາພັກແຂວງ, ປະທານສະພາປະຊາຊົນແຂວງ, ເຂົ້າຮ່ວມມີ ທ່ານ ຄໍາຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງ, ມີບັນດາຄະນະປະພັກແຂວງ, ຫົວໜ້າພະແນກການອ້ອມຂ້າງ, ອົງລັດທຽບເທົ່າ, ແນວລາວສ້າງຊາດແຂວງ, ອົງການຈັດຕັ້ງມະຫະຊົນ, ອະດິດການນໍາແຂວງ, ອົງການໄອະຍະການປະຊາຊົນແຂວງ, ສານປະຊາຊົນແຂວງ, 2ກໍາລັງປະກອບອາວຸດ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 2 ແລະ ສະມາຊິກສະພາປະຊາຊົນແຂວງ (ສສຂ) ເຂົ້າຮ່ວມຢ່າງພ້ອມພຽງ.

Image may contain: one or more people and indoor

ກອງປະຊຸມຄັ້ງນີ້, ໄດ້ຮັບຟັງການການລາຍງານຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 6 ເດືອນຕົ້ນປີ 2020 ແລະ ທິດທາງແຜນການ 6 ເດືອນທ້າຍປີ 2020; ຮັບຟັງການຊີ້ແຈງຂອງບັນດາພະແນກການອ້ອມຂ້າງແຂວງ ແລະ ອົງການຈັດຕັ້ງລັດທຽບເທົ່າຈໍານວນໜຶ່ງເປັນຕົ້ນ: ກ່ຽວກັບໂຄງການທີ່ດໍາເນີນກິດຈະການແຮ່ທາດ ເປັນຕົ້ນ: ການຊອກຄົ້ນ, ສໍາຫຼວດ ແລະ ຂຸດແຮ່ທາດ ທີ່ຈັດຕັ້ງປະຕິບັດຢູ່ແຂວງຜົ້ງສາລີ; ການຄຸ້ມຄອງບັນດາກິດຈະກໍາ ແຮ່ທາດ ແລະ ກົນໄກໃນການຈັດເກັບພາຫະນະຕ່າງໆ ຈາກການອະນຸມັດໃຫ້ເຊົ່າ-ສໍາປະທານທີ່ດິນ ເພື່ອດໍາເນີນການຊອກຄົ້ນ, ສໍາຫຼວດ ແລະ ຂຸດຄົ້ນແຮ່ທາດ 

Image may contain: one or more people, people sitting and indoor


Image may contain: 4 people, people sitting and indoor

ກ່ຽວກັບການຈັດຕັ້ງປະຕິບັດເຊົ່າ-ສໍາປະທານທີດິນຂອງລັດນໍາບັນດາບໍລິສັດໃນຈໍານວນ 198 ຕອນດິນທີໄດ້ຮັບຮອງໃນມະຕິກອງປະຊຸມສະໄໝສາມັນ ເທື່ອທີ 8 ຂອງ ສພຂ ຊຸດທີ I; ກ່ຽວກັບການຊົດເຊີຍຜົນກະທົບຈາກໂຄງການພັດທະນາເທດສະບານແຂວງ (ບ້ວງ 30 ຕື້) ຕາມໜັງສືແຈ້ງຕອບຂອງຄະນະປະຈໍາສະພາປະຊນຊົນແຂວງສະບັບເລກທີ 135/ຄປຈຂ, ລົງວັນທີ 15 ຕຸລາ 2019; ກ່ຽວກັບການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ 

Image may contain: 2 people, people sitting and indoor

19 ທີ່ຜ່ານມາ ມີຜົນກະທົບຕໍ່ການຮຽນ-ການສອນ ໂດຍສະເພາະ ສະພາບອັດຕາການປະລະການຮຽນ ແລະ ອັດຕາຄ້າງຫ້ອງຂອງນັກຮຽນໃນຊັ້ນຕ່າງໆ ພາຍໃນແຂວງ; ກ່ຽວກັບກົນໄກການຈັດຕັ້ງປະຕິດນໍາໃຊ້ປະກັນສັງຄົມ ລະຫວ່າງໂຮງໝໍແຂວງ ແລະ ໂຮງໝໍຊຸມຊົນ ເພື່ອອໍານວຍຄວາມສະດວກ ແລະ ຮັບປະກັນໃຫ້ແກ່ການຈັດຕັ້ງປະຕິບັດນະໂຍບາຍການປິ່ນປົວສຸຂະພາບ, ຊີວິດຂອງພະນັກງານ-ລັດຖະກອນ ກໍຄືພໍ່ແມ່ປະຊາຊົນບັນດາເຜົ່າ ພາຍໃນແຂວງ ແລະ ກ່ຽວກັບການລົງທຶນກໍ່ສ້າງນໍ້າລິນ-ນໍ້າສະອາດ ບໍ່ພຽງພໍທາງດ້ານປະລິມານ, ດ້ານເຕັກນິກ ແລະ ຄຸນນະພາບ ຍັງບໍ່ຮັບປະກັນ ໃນການນໍາໃຊ້ຢ່າງຍາວນານ 

Image may contain: 6 people, people sitting, table and indoor

ໄດ້ຮັບຟັງ ຮັບຟັງການລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ຄາດຄະເນແຜນວຽກ 6 ເດືອນທ້າຍປີ 2020, ແຜນວຽກຈຸດສຸມ ແຕ່ນີ້ຮອດກອງປະຊຸມຄັ້ງປະຖົມມະລືກ ຂອງສະພາປະຊາຊົນແຂວງ ຊຸດທີ II; ຮັບຟັງການລາຍງານ ຂອງຄະນະປະຈໍາສະພາປະຊາຊົນແຂວງ ກ່ຽວກັບການຕິດຕາມ, ຜົນກະທົບທີ່ດິນຈາກໂຄງການພັດທະນາເທດສະບານແຂວງໃໝ່ ທີ່ເມືອງບຸນເໜືອ.

Image may contain: one or more people, people sitting, table and indoor

ຕະຫຼອດໄລຍະຂອງການດໍາເນີນກອງປະຊຸມໃນຄັ້ງນີ້ ດ້ວຍຄວາມເອົາໃຈໃສ່ ຂອງບັນດາ ສສຂ ແຕ່ລະເຂດເລືອກຕັ້ງ ທີ່ສຸມເຫື່ອເທແຮງ, ສຸມທຸກສະຕິປັນຍາ ເຂົ້າໃນການຄົ້ນຄວ້າ, ພິຈາລະນາ ແລະ ປະກອບຄໍາຄິດຄໍາເຫັນຕໍ່ເນື້ອໃນທີ່ນໍາເຂົ້າໃນກອງປະຊຸມສະໄໝສາມັນ ເທື່ອທີ 9 ດ້ວຍບັນກາດອັນຟົດຟື້ນ, ບົນຈິດໃຈເສີມຂະຫຍາຍສິດ ປະຊາທິປະໄຕ ແລະ ຄວາມຮັບຜິດຊອບສູງຂອງ ສສຂ ສາມາດພິຈາລະນາ, ຮັບຮອງເອົາບັນຫາສໍາຄັນພື້ນຖານຂອງແຂວງມີດັ່ງນີ້:
1) ມະຕິກອງປະຊຸມສະາປະຊາຊົນແຂວງ ວ່າດ້ວຍການຮັບຮອງເອົາບົດລາຍງານຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈໍາ 6 ເດືອນຕົ້ນປີ 2020 ແລະ ທິດທາງແຜນການ 6 ເດືອນທ້າຍປີ 2020
2) ມະຕິກອງປະຊຸມສະພາປະຊາຊົນແຂວງ ວ່າດ້ວຍການຮັບຮອງເອົາບົດລາຍງານການຈັດຕັ້ງປະຕິບັດວຽກງານ 6 ເດືອນ ຕົ້ນປີ 2020 ແລະ ຄາດຄະເນ 6 ເດືອນທ້າຍປີ, ແຜນວຽກຈຸດສຸມ ແຕ່ນີ້ຮອດກອງປະຊຸມຄັ້ງຖົມມະລືກ ຂອງ ສພຂ ຊຸດທີ II ແລະ ບົດລາຍງານກ່ຽວກັບ ຜົນກະທົບທີ່ດິນຈາກໂຄງການພັດທະນາເທດສະບານແຂວງໃໝ່ ທີ່ເມືອງບຸນເໜືອ.
(ນາງ ສຸກສົມພອນ ແກ້ວແສງພະຈັນ)

Image may contain: 5 people, people sitting, table and indoor




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments