ໄຂກອງປະຊຸມ ສະໄໝສາມັນ ເທື່ອທີ 9 ຂອງສະພາປະຊາຊົນແຂວງອຸດົມໄຊ ຊຸດທີ I


ກອງປະຊຸມ ສະໄໝສາມັນ ເທື່ອທີ 9 ຂອງສະພາປະຊາຊົນແຂວງອຸດົມໄຊ ຊຸດທີ I ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 18 ສິງຫານີ້ ຢູ່ທີ່ສະໂມສອນຂອງແຂວງ. ໂດຍພາຍໃຕ້ການເປັນປະທານຂອງ ທ່ານ ບຸນລອດ ອ່ອນພະຈັນ ປະທານສະພາປະຊາຊົນແຂວງອຸດົມໄຊ. ເປັນກຽດເຂົ້າຮ່ວມມີ ທ່ານ ປອ ຄຳພັນ ເຜີຍຍະວົງ, ກຳມະການສູນກາງພັກ, ເລຂາຄະນະບໍລິຫານງານ ພັກແຂວງ, ເຈົ້າແຂວງອຸດົມໄຊ. ມີບັນດາສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ການນໍາແຂວງ, ອາດີດການນໍາ, ນັກປະຕິວັດອາວຸໂສ, ຜູ້ຊົງຄຸນວຸດທິ, ອາດີດສະມາຊິກສະພາແຫ່ງຊາດ, ຜູ້ຕາງໜ້າອົງການຈັດຕັ້ງພັກ - ລັດ, ບັນດາທ່ານຫົວໜ້າພະແນກການ - ກົມກອງ, ແນວລາວສ້າງຊາດ, ອົງການຈັດຕັ້ງມະຫາ ຊົນ ແລະ ຕົວແທນນັກທຸລະກິດເຂົ້າ.



ທ່ານ ບຸນລອດອ່ອນພະຈັນ ປະທານກອງປະຊຸມ ກ່າວວ່າ ຕະຫລອດໄລຍະ 6 ເດືອນຜ່ານມາ ບັນດາອົງການຈັດຕັ້ງພັກ-ລັດພາຍໃນແຂວງ ໄດ້ສຸມໃສ່ຈັດຕັ້ງປະຕິບັດມະຕິກອງປະຊຸມ ສະ ໄໝສາມັນ ເທື່ອທີ 08 ຂອງສະພາປະຊາຊົນ ແຂວງອຸດົມໄຊ ຊຸດທີ I, ມີທັງຂໍ້ສະດວກ, ຂໍ້ຫຍຸ້ງຍາກ ແລະ ສິ່ງທ້າທາຍຫຼາຍປະການ ເຊິ່ງໄດ້ສ້າງຜົນກະທົບໃຫ້ແກ່ການພັດທະນາແຂວງຂອງພວກເຮົາ ເນື່ອງຈາກໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ 19, ຜົນກະທົບທາງທຳມະຊາດເກີດໄພແຫ້ງແລ້ງ, ການລະບາດຂອງສັດຕູພືດ ແລະ ບັນຫາອື່ນໆ 


Image may contain: 2 people, indoor


ແຕ່ຍ້ອນຄວາມເອົາໃຈໃສ່ຊີ້ນໍາຢ່າງໃກ້ຊິດ ຂອງອົງຄະນະພັກແຂວງ, ຄວາມເປັນເຈົ້າການ ແລະ ຄວາມຮັບຜິດຊອບ ຂອງທຸກພາກສ່ວນ ທັງພາກລັດ, ພາກເອກະຊົນ ແລະ ປະຊາຊົນຊາວແຂວງອຸດົມໄຊ ໄດ້ເຮັດໃຫ້ສະພາບເສດຖະກິດຍັງສືບຕໍ່ມີຂະຫຍາຍຕົວຢ່າງຕໍ່ເນື່ອງ ສະພາບສັງຄົມມີຄວາມສະຫງົບ, ປອດໄພ; ໂດຍພື້ນຖານບັນດາຄາດໝາຍ ແລະ ມາດຕະການຕ່າງໆ ທີ່ກອງປະຊຸມສະພາປະຊາຊົນແຂວງ ຮັບຮອງເອົານັ້ນ ໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດໃນລະດັບດີ ອັນໄດ້ປະກອບສ່ວນເຮັດໃຫ້ຊີວິດການເປັນຢູ່ ຂອງປະຊາຊົນ ໄດ້ຮັບການປັບປຸງນັບມື້ດີຂຶ້ນເປັນກ້າວໆ.


Image may contain: 1 person, indoor


ກອງປະຊຸມສະໄໝສາມັນ ເທື່ອທີ 09 ຂອງສະພາປະຊາຊົນ ແຂວງອຸດົມໄຊ ຊຸດທີ I ຈະດຳເນີນເປັນເວລາ 2 ວັນ ເຊິ່ງວາລະດຳເນີນກອງປະຊຸມຈະສຸມໃສ່ຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສໍາຄັນພື້ນຖານຂອງແຂວງຄື:
1. ຄົ້ນຄວ້າ, ພິຈາລະນາ, ຮັບຮອງເອົາການແຕ່ງຕັ້ງ, ຍົກຍ້າຍບຸກຄະລາກອນຂອງສະພາປະຊາຊົນແຂວງ
2. ຮັບຟັງການລາຍງານຂອງທ່ານ ເຈົ້າແຂວງໂດຍສັງເຂບ ໃນການເຄື່ອນໄຫວໜ້າທີ່ວຽກງານຂອງເຈົ້າແຂວງ ແລະ ກ່າວລາໜ້າທີ່
3. ຄົ້ນຄວ້າ, ພິຈາລະນາ ແລະ ຮັບຮອງເອົາເຈົ້າແຂວງ - ແຂວງ ອຸດົມໄຊ.
4. ຄົ້ນຄວ້າ, ພິຈາລະນາ ແລະ ຮັບຮອງເອົາການແຕ່ງຕັ້ງ ຮອງເຈົ້າແຂວງ ແລະ ຮັບຮອງເອົາໂຄງປະກອບກົງຈັກ, ບຸກຄະລາກອນຂອງອົງການປົກຄອງແຂວງ
5. ຮັບຟັງການລາຍງານຂອງທ່ານເຈົ້າແຂວງກ່ຽວກັບສະພາບການຊີ້ນຳ-ນຳພາພັດທະນາແຂວງອຸດົມໄຊ ໃນ 6 ເດືອນຕົ້ນປີ ໂດຍສັງເຂບ.
6. ຄົ້ນຄວ້າ,ພິຈາລະນາ ແລະ ຮັບຮອງເອົາບົດລາຍງານການຈັດຕັ້ງປະຕິບັດແຜນພັດທະນາ
ເສດຖະກິດ- ສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 ຂອງອົງການປົກຄອງແຂວງ.
7. ຄົ້ນຄວ້າ, ພິຈາລະນາຮັບຮອງເອົາບົດລາຍງານການຈັດຕັ້ງປະຕິບັດ ແຜນງົບປະມານ 6ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 .
8. ຮັບຟັງການສະເໜີ, ພິຈາລະນາ, ຮັບຮອງເອົາ ຮ່າງຂໍ້ຕົກລົງຂອງເຈົ້າແຂວງ ວ່າດ້ວຍການກຳນົດຫົວໜ່ວຍລາຄາທົດແທນຄ່າເສຍຫາຍ ໃຫ້ປະຊາຊົນທີ່ໄດ້ຮັບຜົນກະທົບ ຈາກໂຄງການຄຸ້ມຄອງຄວາມສ່ຽງໄພພິບັດນໍ້າຖ້ວມເທດສະບານ ເມືອງໄຊ, ແຂວງອຸດົມໄຊ.
9. ຮັບຟັງການລາຍງານ ການຈັດຕັ້ງປະຕິບັດ ການເຄື່ອນໄຫວ ວຽກງານ 6 ເດືອນຕົ້ນປີ
ແລະ ທິດທາງແຜນການ 6 ເດືອນທ້າຍປີ 2020 ຂອງສະພາປະຊາຊົນແຂວງ ອຸດົມໄຊ.


Image may contain: 2 people, indoor


ນອກຈາກນີ້, ກອງປະຊຸມ ຍັງຈະໄດ້ຮັບຟັງການລາຍງານ, ຊີ້ແຈງບາງບັນຫາສຳຄັນທີ່ ພົ້ນເດັ່ນ ຂອງບັນດາພະແນກການຂອງແຂວງຈຳນວນໜຶ່ງ ໃນການຄຸ້ມຄອງ, ບໍລິຫານລັດ, ຄຸ້ມຄອງເສດຖະກິດ-ສັງຄົມ ຕາມການເຈາະຈີ້ມ ຂອງສະພາປະຊາຊົນແຂວງ.


Image may contain: 1 person, standing and indoor


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments