ເຈົ້າເມືອງໄຊບູລີ ລົງຕິດຕາມກວດກາຜົນກະທົບທີ່ເກີດຈາກຕາຟັງເຊບັ້ງໄຟເຈື່ອນ ທີ່ບ້ານທ່າຂາມ



ໃນວັນທີ 10 ສິງຫາ 2020 ນີ້, ທ່ານ ອ່ອນລໍາພັນ ບົວສີແກ້ວ ເລຂາພັກເມືອງ ເຈົ້າເມືອງໄຊບູລີ ພ້ອມດ້ວຍຄະນະ, ໜ່ວຍງານກ່ຽວຂ້ອງ ລົງຕິດຕາມກວດກາຜົນກະທົບທີີ່ເກີດຈາກຕາຟັງເຊບັ້ງໄຟເຊາະເຈື່ອນເປັນວົງກວ້າງທີ່ ບ້ານທ່າຂາມ ເມືອງໄຊບູລີ ແຂວງສະຫວັນນະເຂດ

Image may contain: 1 person, standing, tree, outdoor and nature


ເຊິ່ງການລົງພື້ນທີ່ຕິດຕາມກວດກາຕົວຈິງໃນຄັ້ງນີ້ເຫັນວ່າປະຊາຊົນບ້ານທ່າຂາມຈໍານວນ 4 ຄອບຄົວທີ່ໄດ້ຮັບຜົນກະທົບທີ່ເກີດຈາກການເຊາະເຈື່ອນຂອງຕາຟັງເຊບັ້ງໄຟເຈື່ອນເປັນວົງກວ້າງໃນນັ້ນມີເຫຼົ້າເຂົ້າ 1 ຫຼັງ ຫ້ອງນໍ້າ 1 ຫ້ອງ ແລະ ຕົ້ນໄມ້ໃຫຍ່ນ້ອຍທີ່ເປັນຜົນລະປູກຂອງປະຊາຊົນ ລວມມູນຄ່າເສຍຫາຍທັງໝົດປະມານ 5 ລ້ານກິບ (5.000.000) , ຄວາມກວ້າງ ປະມານ 10 ແມັດ, ແລະຍາວ 30 ແມັດ, ເນື່ອງຈາກຝົນທີ່ຕົກລົງມາ ເຮັດໃຫ້ລະດັບນໍ້າເຊບັ້ງມີລະດັບສູງຂື້ນ ແລະບໍລິເວນນັ້ນເປັນຈຸດສຸ່ມສ່ຽງ ຫຼໍ່ແຫຼມ, ເປັນຈຸດໂຄງຂອງສາຍນໍ້າເຊບັ້ງໄຟບວກກັບຕາຟັງເຊໃນບໍລິເວນນັ້ນແມ່ນມີຄວາມສູງຊັນຈຶ່ງເຮັດໃຫ້ໜ້າດິນຫຍຸບຕົວລົງ, ເຖິ່ງແນວໃດກໍ່ຕາມທາງການນໍາຂັ້ນເມືອງ, ໜ່ວຍງານກ່ຽວຂ້ອງ ກໍ່ຄືອໍານາດການປົກຄອງບ້ານໆ ທ່າຂາມ ກໍ່ໄດ້ເລັ່ງເອົາໃຈໃສ່ລະດົມກັນຊ່ວຍເຫຼືອເບື້ອງຕົ້ນຕໍ່ຄອບຄົວຜູ້ທີ່ໄດ້ຮັບຜົນກະທົບຢ່າງຮີບດ່ວນ, ເປັນຕົ້ນແມ່ນໄດ້ຂົນສິ່ງຂອງເຄື່ອງໃຊ້ອອກຈາກບໍລິເວນນັ້ນໄປຢູ່ຈຸດປອດໄພ ແລະຍັງມີເຮືອນຂອງປະຊາຊົນອີກ 04 ຫຼັງຄາເຮືອນທີ່ມີຄວາມສ່ຽງແມ່ນຈະຕ້ອງໄດ້ມ້າງ ແລະຍ້າຍອອກໄປເພາະຄາດວ່າຈະໄດ້ຮັບກະທົບໃນຕໍ່ໜ້າ

Image may contain: plant, sky and outdoor

Image may contain: plant, grass, outdoor, nature and water

ພ້ອມດຽວກັນນີ້ ທ່ານ ອ່ອນລໍາພັນ ບົວສີແກ້ວ ເຈົ້າເມືອງໄຊບູລີ ພ້ອມຄະນະ ຍັງໄດ້ສືບຕໍ່ລົງຕິດຕາມຊຸກຍູ້ໜ່ວຍງານສວຍສາອາອກນປະຈໍາເມືອງໃນການເກັບຄ່າທໍານຽມທາງປະຈໍາປີ 2020 ທີ່ກຸ່ມບ້ານປາກເຊບັ້ງໄຟ ອີກດ້ວຍ


ພາບ ແລະຂ່າວ ຄໍາກອນ ພອນມາລາ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments