ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມຄວາມສາມັກຄີປອງດອງຊາດ ຢ່າງແຂງແຮງ




ກອງປະຊຸມສາມັນຄົບຄະນະ ກໍາມະການສູນກາງແນວລາວສ້າງຊາດ ຄັ້ງທີ 5 ສະໄໝທີ X ໄດ້ໄຂຂຶ້ນໃນວັນທີ 11-12 ສິງຫາ 2020 ຢູ່ຫໍປະຊຸມແຫ່ງຊາດ, ໂດຍພາຍໃຕ້ການເປັນປະທານຂອງສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີພະເຖຣາ-ນຸເຖຣະ, ມີບັນດາທ່ານ ກຳມະການສູນກາງແນວລາວສ້າງຊາດ, ປະທານແນວລາວສ້າງຊາດແຂວງ, ນະຄອນຫລວງ ແລະ ແຂກຖືກເຊີນ ເຂົ້າຮ່ວມ.

Image may contain: 16 people, people standing

ສະຫາຍ ໄຊສົມພອນ ພົມວິຫານ ໄດ້ມີຄໍາເຫັນໄຂກອງປະຊຸມວ່າ: ກອງປະຊຸມສໍາຄັນນີ້, ໄດ້ໄຂຂຶ້ນໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວທັງຊາດພວມຂຸ້ນຂ້ຽວຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ  X  ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ໄລຍະທ້າຍສະໄໝ, ທັງສ້າງຂະບວນການຂໍ່ານັບຮັບຕ້ອນວັນປະຫວັດສາດສໍາຄັນຂອງພັກ-ຂອງຊາດ ເປັນຕົ້ນ: ວັນສະຖາປະນາ ສປປ ລາວ ຄົບຮອບ 45 ປີ, ວັນສ້າງຕັ້ງແນວລາວສ້າງຊາດ ຄົບຮອບ 70 ປີ, ວັນຢຶດອໍານາດ 23 ສິງຫາຄົບຮອບ 45 ປີ, ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ ແລະ ການກະກຽມດໍາເນີນກອງປະຊຸມໃຫຍ່ຂອງພັກຂັ້ນແຂວງ-ນະຄອນຫລວງ, ກະຊວງ-ອົງການ ແລະ ກອງປະຊຸມໃຫຍ່ຄັ້ງທີ XI ຂອງພັກຢ່າງເປັນຂະບວນຟົດຟື້ນໃນຂອບເຂດທົ່ວປະເທດ. 

Image may contain: one or more people and people standing

ກອງປະຊຸມຄັ້ງນີ້, ເປັນກອງປະຊຸມມ້ວນທ້າຍຂອງຄະນະກໍາມະການສູນກາງແນວລາວສ້າງຊາດສະໄໝທີ X, ຊຶ່ງໄດ້ປຶກສາຫາລື, ຜ່ານເນື້ອໃນສໍາຄັນ ແລະ ຮັບຟັງການປະກອບຄໍາເຫັນ ແລະ ຄົ້ນຄວ້າປະກອບຄໍາເຫັນຕໍ່ຮ່າງເອກະສານຈໍານວນໜຶ່ງຄື: ຮ່າງບົດສະຫລຸບຕີລາຄາການເຄື່ອນໄຫວວຽກງານແນວລາວສ້າງຊາດແຕ່ປີ 2019-2020 ແລະ ທິດທາງແຜນການເຄື່ອນໄຫວ 2020-2021, ການປະກອບຄໍາເຫັນຂອງຜູ້ຕາງໜ້າອົງການຈັດຕັ້ງມະຫາຊົນໃນຫົວຂໍ້: “ການປຸກລະດົມມະຫາຊົນເຂົ້າຮ່ວມສ້າງຂະບວນການຂໍ່ານັບຮັບຕ້ອນວັນສໍາຄັນຂອງຊາດ ແລະ ກອງປະຊຸມໃຫຍ່ 3 ຂັ້ນຂອງພັກ”, ການປະກອບຄໍາເຫັນຂອງຜູ້ຕາງໜ້າຄະນະທີ່ປຶກສາວຽກງານແນວລາວສ້າງຊາດ ໃນຫົວຂໍ້: “ບົດບາດຂອງຄະນະທີ່ປຶກສາໃນການປະກອບສ່ວນເຂົ້າວຽກງານຕ່າງໆຂອງແນວລາວສ້າງຊາດ, ໂດຍສະເພາະແມ່ນວຽກງານຄົນເຊື້ອຊາດລາວຢູ່ຕ່າງປະເທດ”, ການປະກອບຄໍາເຫັນຂອງແນວລາວສ້າງຊາດແຂວງຜົ້ງສາລີກ່ຽວກັບການຊຸກຍູ້ປະຊາຊົນບັນດາເຜົ່າໃນການປູກຊາຂຽວເປັນສິນຄ້າ, ການປະກອບຄຳເຫັນຂອງແນວລາວສ້າງຊາດແຂວງບໍລິຄໍາໄຊກ່ຽວກັບການປັບປຸງກົງຈັກການຈັດຕັ້ງຂົງເຂດແນວລາວສ້າງຊາດ ແຂວງບໍລິຄໍາໄຊ, ການປະກອບຄໍາເຫັນຂອງແນວລາວສ້າງຊາດ ແຂວງໄຊສົມບູນກ່ຽວກັບຂະບວນການສ້າງຄອບຄົວ ແລະ ບ້ານສາມັກຄີປອງດອງຕິດພັນກັບການແກ້ໄຂຄວາມທຸກຍາກຂອງປະຊາຊົນບັນດາເຜົ່າຢູ່ແຂວງໄຊສົມບູນ, ການປະກອບຄວາມເຫັນຂອງແນວລາວສ້າງຊາດແຂວງເຊກອງ ກ່ຽວກັບຂະບວນການສ້າງຄອບຄົວ ແລະ ບ້ານສາມັກຄີປອງດອງຢູ່ແຂວງເຊກອງ, ຜ່ານໂຄງຮ່າງບົດລາຍງານການເມືອງກອງປະຊຸມໃຫຍ່ຜູ້ແທນແນວລາວສ້າງຊາດ ທົ່ວປະເທດ ຄັ້ງທີ XI, ຜ່ານຮ່າງກົດລະບຽບຂອງແນວລາວສ້າງຊາດ ສະໄໝທີ XI ສະບັບປັບປຸງ. 

Image may contain: 1 person, standing, flower and suit

ນອກນັ້ນ, ເພື່ອເປັນການຍ້ອງຍໍຊົມເຊີຍຜົນງານ 10 ປີໃຫ້ພະນັກງານ-ລັດຖະກອນ ໃນໂອກາດສະເຫລີມສະຫລອງວັນປະຫວັດສາດສໍາຄັນຂອງແນວລາວສ້າງຊາດ ຄົບຮອບ 70 ປີ. ໃນກອງປະຊຸມຄັ້ງນີ້, ສູນກາງແນວລາວສ້າງຊາດ ຈະໄດ້ຈັດພິທີຍ້ອງຍໍສັນລະເສີນໃຫ້ຖັນແຖວສະມາຊິກພັກ-ພະນັກງານ, ຄະນະກໍາມະການສູນກາງແນວລາວສ້າງຊາດ ອ້ອມຂ້າງສູນກາງຈໍານວນໜຶ່ງ.

ຂ່າວ: ສຸພາສະຫວັນ ສີຊະນະມຸງຄຸນ.




























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments