ປະກາດແຕ່ງຕັ້ງສະພາວິທະຍາສາດ-ປະຫວັດສາດການທະຫານ ຢູ່ກອງບັນຊາການທະຫານແຂວງບໍ່ແກ້ວ


ພິທີປະກາດແຕ່ງຕັ້ງສະພາວິທະຍາສາດ-ປະຫວັດສາດການ ທະຫານຂັ້ນຮາກຖານຢູ່ກອງບັນຊາການທະຫານແຂວງບໍ່ແກ້ວ ໄດ້ຈັດຂື້້ນໃນວັນທີ 10 ສິງຫາ 2020 ນີ້ໂດຍການເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດການທະຫານ ກະຊວງປ້ອງກັນປະເທດ ມີສະຫາຍ ພັນເອກ ວິດອນ ພຸດດາວົງ ຄະນະປະຈຳພັກແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ, ມີພະນັກງານວິຊາການທີ່ມາຈາກກົມ, ມີຄະນະປະຈຳພັກ, ມີຄະນະພັກກອງບັນຊາການ ແລະ ພະແນກວິທະຍາສາດ-ປະຫວັດສາດການທະຫານ ເຂົ້າຮ່ວມ.

Image may contain: 1 person

ສະຫາຍ ພັນໂທ ສຸກສັນ ຄາຍພົມ ຮອງຫົວໜ້າຫ້ອງການວິທະຍາສາດ-ປະຫວັດສາດການທະຫານກະຊວງປ້ອງກັນປະເທດຂື້ນຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 1834/ກປທ ລົງວັນທີ 09 ເມສາ 2020 ວ່າດ້ວຍການເເຕ່ງຕັ້ງສະພາວິທະຍາສາດ-ປະຫັວດສາດການທະຫານຂັ້ນຮາກຖານຂອງກອງບັນຊາການທະຫານແຂວງບໍ່ແກ້ວ ໃນນັ້ນແຕ່ງຕັ້ງສະຫາຍ ພັນເອກ ວິດອນ ພຸດດາວົງ ຫົວໜ້າການທະຫານເປັນປະທານ. ສະຫາຍ ພັນເອກ ບຸນມີ ພາມີໄຊ ຫົວໜ້າການເມືອງເປັນຮອງປະທານ, ພັນຕີ ຫຸມເພັງ ອິນເປົາແກ້ວ ຫົວໜ້າພະແນກ ວິທະຍາສາດປະຫວັດສາດການທະຫານ ເປັນຜູ້ປະຈໍາການ. 

Image may contain: 8 people, indoor

ພັນໂທ ທອງໄຂ ສີຍາລາດ ຫົວໜ້າຫ້ອງການເມືອງເປັນຄະນະ, ພັນໂທ ສຸບິນ ສີຫາລາດ ຮອງຫົວໜ້າຫ້ອງເສນາທິການ ເປັນຄະນະ, ພັນໂທ ຂັນທະລີ ອິນພະວົງ ຮອງຫົວໜ້າຫ້ອງເສນາທິການເປັນຄະນະ, ພັນໂທ ສອນໄຊ ວົງພະຈັນ ຫົວໜ້າຫ້ອງພະລາທິການເປັນຄະນະ, ພັນໂທ ຈູລາຍ ຈຸລະຈິດ ຫົວໜ້າຫ້ອງເຕັກນິກເປັນຄະນະ, ພັນໂທ ບຸນລໍ້າ ບຸນດາວົງ ຫົວໜ້າພະແນກການເງິນເປັນຄະນະ ແລະ ຜ່ານໜັງສືແຈ້ງການຂອງຫ້ອງວາການສູນກາງພັກສະບັບເລກທີ 148/ຫສພ ນະຄອນຫຼວງວຽງຈັນລົງວັນທີ 18 ມິຖຸນາ 2020 ວ່າດ້ວຍທິດຊີ້ນຳ ກ່ຽວກັບການສ້າງເປັນປ້າຍສີລາຈາລຶກປະຫວັດສາດສອງຈຸດ: ຈຸດສາມສົບ ແລະ ຈຸດນໍ້າບໍ່ 106 ຢູ່ແຂວງບໍ່ແກ້ວ.
ໂອກາດສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດການທະຫານກອງທັບກໍໄດ້ໂອ້ລົມ ເຊິ່ງສະຫາຍໄດ້ຍົກໃຫ້ເຫັນເຖິງຄວາມສຳຄັນຂອງການແຕ່ງຕັ້ງດັ່ງກ່າວ ແລະ ເນັ້ນ ໜັກໃຫ້ ບັນດາສະຫາຍທີ່ໄດ້ຮັບການແຕ່ງຕັ້ງຕ້ອງຍຶດໝັ້ນອຸດົມການ ຂອງພັກ ຂອງລັດຂອງກອງທັບເຮົາ, ສຸມໃສ່ຄົ້ນຄວ້າຮໍ່າຮຽນສຶກສາຫາຄວາມຮູ້ຕື່ມໃນດ້ານປະຫວັດສາດ, ມູນເຊື້ອຕ່າງໆ, ວິລະກຳອື່ນໆຂອງກອງທັບກໍຄືປະຫວັດມູນເຊື້ອກົມກອງຂອງຕົນໃນແຕ່ລະດ້ານ ເພື່ອນໍາມາຂຽນ ແລະ ຈັດຕັ້ງປະຕິບັດໃນການເຮັດວຽກຕົວຈິງໃຫ້ປະສົບຜົນສໍາເລັດ ແລະ ພ້ອມພາກັນນໍາເອົາມູນເຊື້ອອັນພິລາດອາດຫານໃນການຕໍ່ສູ້ ຂອງບັນພະບູລຸດມາເຜີຍແຜ່ໃຫ້ພະນັກງານ-ນັກຮົບໄດ້ຮັບຮູ້ ແລະ ເຂົ້າໃຈ.

ໂດຍ: ສົມໄຊ ສີລາຈັນ.














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments