ປະຊາຊົນຄວນເປັນເຈົ້າການ ໃນການທຳລາຍແຫລ່ງເພາະພັນຍຸງລາຍ


ຕາມການລາຍງານຂອງສູນໄຂ້ຍຸງແມ່ກາຝາກ ແລະ ແມງໄມ້ ໄດ້ໃຫ້ຮູ້ກ່ຽວກັບຜົນຂອງການລົງສຳຫລວດໜອນນໍ້າຍຸງລາຍ ຢູ່ແຕ່ບ້ານໃນຂອບເຂດທົ່ວປະເທດ ຍັງມີຈຳນວນໜອນນ້ຳຍຸງລາຍເປັນຈຳນວນຫລາຍ, ເຊິ່ງມີຄວາມສ່ຽງຈະເກີດໄຂ້ຍຸງລາຍເປັນວົງກວ້າງ. 

Image may contain: one or more people, people standing and indoor

ສະນັ້ນປະຊາຊົນຄວນເປັນເຈົ້າການ ໃນການທຳລາຍແຫລ່ງເພາະພັນຂອງຍຸງລາຍ ໃນເຮືອນຂອງຕົນເອງ ແລະ ພ້ອມກັນສ້າງຂະບວນອະນາໄມ ບ້ານເຮືອນຂອງຕົນເປັນປະຈໍາ ໂດຍສະເພາະນາຍບ້ານແຕ່ລະບ້ານຄວນເປັນເຈົ້າການ ໃນການຊີ້ນຳສະມາຊິກພາຍໃນບ້ານ ທຳລາຍແຫລ່ງເພາະພັນຂອງຍຸງລາຍ ຄວບຄູ່ກັບການປະຕິບັດມາດຕະການ 5ປ ທີ່ກະຊວງສາທາລະນະສຸກວາງອອກວາງຢ່າງເຂັ້ມງວດ.

Image may contain: one or more people, drink, outdoor and indoor

ໃນລາຍງານຍັງໃຫ້ຮູ້ວ່າ: ການເຝົ້າລະວັງພະຍາດໄຂ້ຍຸງລາຍ ໃນທົ່ວປະເທດ ປະຈໍາວັນທີ 11 ສິງຫາ 2020 ມີຜູ້ຕິດເຊື້ອໄຂ້ຍຸງລາຍເພີ້ມ 63 ກໍລະນີ. ກໍລະນີສະສົມທັງໝົດແຕ່ວັນທີ 28 ທັນວາ 2019-11 ສິງຫາ 2020 ມີຜູ້ຕິດເຊື້ອ 4.771 ກໍລະນີ ແລະ ເສຍຊີວິດ 9 ກໍລະນີ. ແຂວງທີ່ມີຜູ້ຕິດເຊື້ອພະຍາດໄຂ້ຍຸງລາຍຫລາຍກວ່າໝູ່ແມ່ນ ນະຄອນຫລວງວຽງຈັນ 1.096 ກໍລະນີ ແລະ ເສຍຊີວິດ 4 ກໍລະນີ, ຮອງລົງມາແມ່ນ ບໍລິຄຳໄຊ 565 ກໍລະນີ ແລະ ເສຍຊີວິດ 2 ກໍລະນີ, ວຽງຈັນ 544 ກໍລະນີ, ສະຫວັນນະເຂດ 435 ກໍລະນີ, ບໍ່ແກ້ວ 383 ກໍລະນີ, ຫລວງນໍ້າທາ 312 ກໍລະນີ, ຄຳມ່ວນ 278 ກໍລະນີ ແລະ ເສຍຊີວິດ 1 ກໍລະນີ, ອັດຕະປື 276 ກໍລະນີ, ສາລະວັນ 252 ກໍລະນີ, ຫລວງພະບາງ 247 ກໍລະນີ, ໄຊຍະບູລີ 161 ກໍລະນີ ແລະ ເສຍຊີວິດ 1 ກໍລະນີ, ອຸດົມໄຊ 67 ກໍລະນີ, ເຊກອງ 65 ກໍລະນີ, ໄຊສົມບູນ 52 ກໍລະນີ, ຈຳປາສັກ 26 ກໍລະນີ, ຜົ້ງສາລີ 9 ກໍລະນີ, ຫົວພັນ 2 ກໍລະນີ, ແຂວງຊຽງຂວາງ 1 ກໍລະນີ ແລະ ເສຍຊີວິດ 1 ກໍລະນີ.

Image may contain: 3 people, people standing and outdoor

ສະເພາະຢູ່ ນະຄອນຫລວງວໜງຈັນ, ພະແນກສາທາລະນະສຸກນະຄອນຫລວງວຽງຈັນ ໄດ້ມີການລົງສຳຫລວດ ຈຳນວນ 107 ບ້ານໃນ 9 ຕົວເມືອງ ເຫັນວ່າມີຫລາຍບ້ານ ຍັງມີໜອນນ້ຳຍຸງລາຍຫລາຍ ແລະ ອາດເຮັດໃຫ້ປະຊາຊົນພາຍໃນບ້ານສ່ຽງທີ່ຈະເປັນໄຂ້ຍຸງລາຍສູງ ໂດຍສະເພາະແມ່ນ ບ້ານອ່າງນ້ອຍ, ເພຍລາດ ເມືອງສັງທອງ; ບ້ານຫົວນາ, ໂນນແຕ້, ຊ້າງຄູ້ ເມືອງໄຊທານີ; ບ້ານໂພນສະຫວັນ, ໂພນເຄັງ, ທາດຫລວງກາງ, ສະພັງໝໍ້, ຂາມງອຍ ເມືອງໄຊເສດຖາ; ບ້ານຫ້ວຍຫົງ ເມືອງຈັນທະບູລີ; ບ້ານວຽງຄໍາ ເມືອງສີໂຄດຕະບອງ; ບ້ານໜອງຈັນ ແລະ ບ້ານດອນກອຍ ເມືອງສີສັດຕະນາກ.

Image may contain: 2 people, people standing and outdoor

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments