ສ້າງຄວາມເຂັ້ມແຂງການປະສານງານວຽກງານການແກ້ໄຂບັນຫາລະເບີດບໍ່ທັນແຕກໃຫ້ແກ່ຂັ້ນແຂວງ



ໃນລະຫ່ວາງວັນທີ 10-11 ສິງຫາ 2020, ທີ່ເມືອງວັງວຽງ, ແຂວງວຽງຈັນ. ຫ້ອງການຄະນະກໍາມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ (ຫຄຊກລ) ໂດຍສົມທົບກັບ ອົງການສະຫະປະຊາຊາດ ເພື່ອການພັດທະນາ ປະຈໍາ ສປປ ລາວ ໃນການປັບປຸງການປະສານງານວຽກງານການແກ້ໄຂບັນຫາ ລບຕ ຢູ່ ສປປ ລາວ ຈັດກອງປະຊຸມສ້າງຄວາມເຂັ້ມແຂງການປະສານງານວຽກງານການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງ ໃຫ້ແກ່ຄະນະກໍາມະການຄຸ້ມຄອງລະເບີດບໍ່ທັນແຕກຂັ້ນແຂວງ (ຄຄກລຂ) ໃນຂອບເຂດທົ່ວປະເທດ. ໂດຍເປັນກຽດເຂົ້າຮວ່ມຂອງ ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຮອງປະທານ, ຜູ້ປະຈໍາການຄະນະກໍາມະການຄຸ້ມຄອງແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ແລະ ທ່ານ ມູລາລີ ບາລາຊູບຼາມານຽມ ຮອງຜູ້ຕາງໜ້າອົງການສະຫະປະຊາຊາດເພື່ອການພັດທະນາ ປະຈຳ ສປປ ລາວ; ທ່ານ ໂຈມແຍງ ແພງທອງສະຫວັດ ຫົວໜ້າຫ້ອງການ ຄຊກລ, ມີບັນດາຜູ້ຕາງໜ້າກະຊວງການຕ່າງປະເທດ, ກະຊວງແຮງງານ ແລະ ສະຫວັດດີການສັງຄົມ, ພະແນກແຮງງານ ແລະ ສະຫວັດດີການສັງຄົມແຂວງທົ່ວປະເທດ, ຫ້ອງການ ຄຊກລ ສູນກາງ, ໂຄງການເກັບກູ້ລະເບີດແຫ່ງຊາດສູນກາງ, ພະນັກງານວິຊາການຫ້ອງການ ຄຊກລ ແລະ ທີມງານ ສປຊ ເຂົ້າຮ່ວມ.

Image may contain: 8 people, indoor

ກອງປະຊຸມດັ່ງກ່າວແມ່ນເພື່ອປັບປຸງກົນໄກການປະສານງານວຽກງານການແກ້ໄຂບັນຫາລະເບີດບໍ່ທັນແຕກລະຫວາງຂັັ້ນສູນກາງ ແລະ ທ້ອງຖິ່ນ (ຂັ້ນແຂວງ), ຊຶ່ງຫົວຂໍ້ທີ່ສຸມໃສ່ຄົ້ນຄົ້ນເປິກສາຫາລືແມ່ນພາລະບົດບາດ ແລະ ການເຄຶ່ອນໄຫວຂອງ ຄຄກລ; ການຄຸ້ມຄອງວຽກງານສໍາຫຼວດ ແລະ ກວດກູ້ ລບຕ ຢູູ່ຂັ້ນແຂວງ; ລະບົບຖານຂໍ້ມູນລະເບີດບໍ່ທັນແຕກ; ງົບປະມານ ແລະ ພາຫະນະຮັບໃຊ້ການເຄື່ອນໄຫວວຽກງານວິຊາສະເພາະ ແລະ ຂັ້ນຕອນໃນການຄົ້ນຄ້ວາພິຈາລະນາບົດບັນທຶກຄວາມເຂົ້າໃຈໃນການແກ້ໄຂບັນຫາລະເບີດບໍ່ທັນແຕກຢູ່ ສປປ ລາວ ແນໃສ່ໃຫ້ໂຄງການຖືກຈັດຕັ້ງປະຕິບັດຢ່າງມີປະສິດທິຜົນ, ທັນການ ແລະ ແທດເໝາະກັບຄວາມຮຽກຮ້ອງຕ້ອງການຕົວຈິງຂອງ ສປປ ລາວ ເພື່ອປະກອບສ່ວນເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ, ແຜນການລຶບລ້າງຄວາທຸກຍາກ ແລະ ເປົ້າໝາຍການພັດທະນາແບບຍືນຍົງທີ 18.

Image may contain: 2 people, text

ກອງປະຊຸມຄັ້ງນີ້, ໄດ້ຈັດ ແບ່ງເປັນກຸ່ມບັນດາແຂວງພາກເໜືອ, ພາກກາງ ແລະ ພາກໃຕ້ ແລະ ຍັງໄດ້ແລກປ່ຽນຄວາມຄິດ ຄວາມເຫັນເຊິ່ງກັນ ແລະ ກັນ ຢ່າງກົງໄປກົງມາໃນການສຸມໃສ່ເປິກສາຫາລືກ່ຽວກັບການຄຸ້ມຄອງຂໍ້ມູນລະເບີດບໍ່ທັນແຕກ, ການສໍາຫຼວດ ແລະ ກວດກູ້ ແລະ ການພິຈາລະນາບົດບັນທຶກຄວາມເຂັ້າໃຈ ເພື່ອນຳໄປຈັດຕັ້ງປະຕິບັດໃນຕໍ່ໜ້າໃຫ້ມີປະສິດທິຜົນດີ ໃນຕອນທ້າຍ ທ່ານ ປະເດີມພອນ ສົນທະນີ ຍັງໄດ້ຮຽກຮ້ອງບັນດາຜູ້ເຂົ້າຮວ່ມກອງປະຊຸມ ໂດຍສະເພາະ ໃຫ້ພະແນກ ຮສສ ຂັ້ນແຂວງ ເອົາໃຈໃສ່ຈັດຕັ້ງຜັນຂະຫຍາຍການປະຕິບັດຄໍາສັ່ງ ເລກທີ 039 ໂດຍສະເພາະວຽກງານໂຄສະນາສຶກສາຄວາມສ່ຽງຈາກ ລບຕ ທີ່ຕິດພັນກັບພາກປະຫັວດສາດ ການຖີ້ມລະເບີດຕ້ອງໃຫ້ຄົບອົງປະກອບການໂຄສະນາ ທີ່ມາ ແລະ ຜົນຮ້າຍຂອງ ລບຕ; ເອົາໃຈໃສ່ຊີ້ນໍາອົງການປະຕິບັດ ສອດຫ້ອຍການໂຄສະນາເຜີຍແຜ່ວຽກງານການຕ້ານພະຍາດໂຄວິດ 19 ເຂົ້າໃນການໂຄສະນາສຶກສາຄວາມສ່ຽງຂອງລະເບີດ ໂດຍໃຫ້ອົງການປະຕິບັດງານ ປະສານກັບຄະນະສະເພາະກິດຂັ້ນແຂວງຕື່ມໃນເວລາປະຕິບັດຕົວຈິງ. ພ້ອມດຽວກັນນັ້ນ. ໃນສະເພາະໜ້ານີ້ ຫ້ອງການ ຄຊກລ ຈະສົມທົບກັບພາກສ່ວນກ່ຽວຂ້ອງຄົ້ນຄ້ວາຄິດໄລ່ຕົ້ນທຶນຄ່າໃຊ້ຈ່າຍສໍາລັບວຽກງານການສໍາຫຼວດ ແລະ ກວດກູ້ ລບຕ ເພື່ອເປັນບ່ອນອີງໃຫ້ພາກສ່ວນກ່ຽວຂ້ອງ ໃນເວລາຈັດຕັ້ງປະຕິບັດວຽກງານຕົວຈິງ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments