ປກສ ບ້ານ ກຸ່ມໂນນຫວາຍ ສໍາເລັດການຝຶກອົບຮົມວຽກງານວິຊາສະເພາະໄລຍະສັ້ນ



ບັ້ນຝຶກອົບຮົມວຽກງານວິຊາສະເພາະ ໄລຍະສັ້ນ ( 1 ວັນ ) ໃຫ້ກໍາລັງ ປກສ ບ້ານ ຈໍານວນ 66 ສະຫາຍ ທີ່ຂຶ້ນກັບກຸ່ມໂນນຫວາຍ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດຂຶ້ນໃນຕອນເຊົ້າຂອງວັນທີ 14 ສິງຫາ 2020, ຢູ່ຫ້ອງການບ້ານໂນນຄໍ້ເໜືອ ໂດຍການເປັນປະທານຂອງ ພັທ ພວງເພັດ ສາຕາສີວັນຕຽງ ຫົວໜ້າ ປກສ ກຸ່ມໂນນຫວາຍ, ໃຫ້ກຽດເຂົ້າຮ່ວມຂອງ ພັທ ສີເພັດ ພິມມະສອນ ຫົວໜ້າກອງບັນຊາການ ປກສ ເມືອງໄຊເສດຖາ, ມີ ພັທ ສາລິກາ ເພັດມະນີ ຮອງຫົວໜ້າກອງບັນຊາການ ປກສ ເມືອງໄຊເສດຖາ, ມີຄູ-ອາຈານ, ແຂກຖືກເຊີນ, ພະນັກງານລົງກໍ່ສ້າງຮາກຖານການເມືອງເຂົ້າຮ່ວມ.


Image may contain: 5 people, people standing and outdoor


Image may contain: 11 people, people sitting and indoor


ໃນບັ້ນຝຶກອົບຮົມຄັ້ງນີ້ ບັນດາ ປກສ ບ້ານ ທົ່ວກຸ່ມໂນນຫວາຍ ແມ່ນໄດ້ຮຽນຮູ້ ແລະ ເຂົ້າໃຈຢ່າງເລີກເຊີ່ງ ກ່ຽວກັບການປະຕິບັດໜ້າທີ່ວຽກງານວິຊາສະເພາະ ໃຫ້ມີຄຸນນະພາບດີຂຶ້ນກວ່າເກົ່າ; ໃນນັ້ນ ແມ່ນໄດ້ຮຽນຮູ້ເອກະສານມະຕິ IX ກ່ຽວກັບວຽກງານ 4 ບຸກທະລຸ, ເອກະສານບໍາລຸງສິດ ແລະ ພາລະບົດບາດຂອງ ປກສ ບ້ານ, ເອກະສານວຽກງານຄຸ້ມຄອງຄົນຕ່າງປະເທດ, ດໍາລັດ 188/ນຍ, ເອກະສານໄກ່ເກ່ຍແກ້ໄຂຂໍ້ຂັດແຍ່ງຂັ້ນບ້ານ, ເອກະສານຄຸ້ມຄອງເປົ້າໝາຍ ແລະ ການເອົາຄໍາໃຫ້ການເບື້ອງຕົ້ນ, ເອກະສານສະຖານທີ່ເກີດເຫດ, ເອກະສານບາງມາດຕະການຂອງກົດໝາຍອາຍາ, ເອກະສານອາຊີບພິເສດ, ເອກະສານຄຸ້ມຄອງສໍາມະໂນຄົວ ແລະ ເອກະສານສ້າງບ້ານປ້ອງກັນຄວາມສະຫງົບດີ.


Image may contain: 4 people, people standing and outdoor


Image may contain: 3 people


ໃນຕອນທ້າຍພິທີ ພັທ ສີເພັດ ພິມມະສອນ ຫົວໜ້າກອງບັນຊາການ ປກສ ເມືອງໄຊເສດຖາ, ໄດ້ໃຫ້ກຽດມອບໃບຢັ້ງຢືນໃຫ້ບັນດາ ປກສ ບ້ານ ທີ່ສໍາເລັດການຝຶກອົບຮົມວຽກງານວິຊາສະເພາະໃນຄັ້ງນີ້; ພ້ອມທັງໄດ້ໂອ້ລົມຕໍ່ ປກສ ບ້ານ ທີ່ເຂົ້າຮ່ວມຝຶກອົບຮົມໃນຄັ້ງນີ້ ໃຫ້ນໍາເອົາບົດຮຽນ, ປະສົບການທີ່ຄູ-ອາຈານ ຖ່າຍທອດໃຫ້ນໍາໄປໝູນໃຊ້ເຂົ້າວຽກງານວິຊາສະເພາະ ໃຫ້ເກີດມີຄຸນນະພາບຫຼາຍຂຶ້ນກວ່າເກົ່າ, ທີ່ສໍາຄັນແມ່ນໃຫ້ສຸມໃສ່ແກ້ໄຂບັນຫາປະກົດການຫຍໍ້ທໍ້ ຢູ່ພາຍໃນກຸ່ມໃຫ້ຫຼຸດໜ້ອຍຖອຍລົງເປັນຕົ້ນແມ່ນ: ບັນຫາຢາເສບຕິດ, ຂີ້ລັກ-ງັດແງະ, ນັກເລງອັນຕະພານ, ການຂາຍເຄື່ອງຊະຊາຍຕາມແຄມທາງ ແລະ ອື່ນໆ ເພື່ອເຮັດໃຫ້ພາຍໃນກຸ່ມ ກໍຄືເມືອງໄຊເສດຖາ ມີຄວາມສະຫງົບ-ປອດໄພຫຼາຍຂຶ້ນເປັນກ້າວໆ.


Image may contain: 11 people, people sitting, table and indoor


Image may contain: 3 people



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments