ຊາວໜຸ່ມແຂວງຮ່ວມກັບຄະນະເຂດເສດຖະກິດພິເສດສະຫວັນ-ເຊໂນ ສ້າງກິດຈະກຳຮັກສາສິ່ງແວດລ້ອມ


ໃນຕອນບ່າຍວັນທີ 14 ສິງຫາ 2020 ຢູ່ທີ່ບໍລິເວນວົງວຽນໄນໂນເສົາ ຄະນະບໍລິຫານງານຊາວໜຸ່ມແຂວງສະຫວັນນະເຂດຮ່ວມກັບຄະນະເຂດເສດຖະກິດພິເສດສະຫວັນ-ເຊໂນສ້າງຂະບວນການອະນະໄມເພື່ອຮັກສາສິ່ງແວດລ້ອມຂຶ້ນນຳໂດຍ ທ່ານ ທອງໄສ ໄຊຍະວົງຄຳດີ ຫົວໜ້າຄະນະຄຸ້ມຄອງເຂດເສດຖະກິດພິເສດສະຫວັນ-ເຊໂນ, ທ່ານ ພູລໍາພອນ ສີຫາວົງ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດ, ພ້ອມດ້ວຍບັນດາສະມາຊິກຊາວໜຸ່ມ 500ກວ່າສະຫາຍເຂົ້າຮ່ວມ.

Image may contain: 1 person, outdoor

ທ່ານ ທອງໄສ ໄຊຍະວົງຄຳດີ ຫົວໜ້າຄຸ້ມຄອງເຂດເສດຖະກິດພິເສດສະຫວັນ-ເຊໂນໃຫ້ສຳພາດວ່າ: ການສ້າງຂະບວນການຮັກສາສິ່ງແວດລ້ອມໃນຄັ້ງນີ້ກໍ່ເພື່ອຕ້ອນຮັບ ວັນສຳຄັນຂອງຊາດຂອງພັກ ແລະ ເພື່ອຕ້ອນຮັບ ກອງປະຊຸມໃຫຍ່ອົງຄະນະພັກແຂວງ, ທີ່ຈະເປີດຂຶ້ນທ້າຍປີນີ້ ພິເສດກໍ່ຮັບເພື່ອຕ້ອນຮັບກອງປະຊຸມໃຫຍ່ຂອງຜູ້ແທນອົງການຈັດຕັ້ງມະຫາຊົນ 

Image may contain: 1 person, tree and outdoor

ເຊິ່ງຄະນະນຳຂົງເຂດເສດຖະກິດພິເສດສະຫວັນ-ເຊໂນໄດ້ສົມທົບກັບຄະນະບໍລິຫານງານສາວໜຸ່ມປະຊາຊົນປະຕິວັດລາວແຂວງສະຫວັນນະເຂດໄດ້ຈັດກິດຈະກຳອະນາໄມທີ່ເອີ້ນວ່າຮັກສາສິ່ງແວດລ້ອມ, ໂດຍການເກັບຂີ້ເຫຍື່ອ,ອະນາໄມເສັ້ນທາງຕ່າງໆໃນນະຄອນໄກສອນພົມວິຫານ ເພື່ອປະກອບສ່ວນເຮັດໃຫ້ບ້ານເມືອງສະອາດຈົບງາມ,ເຮັດໃຫ້ນະຄອນໄກສອນພົມວິຫານເປັນເມືອງໜ້າຢູ່ 

Image may contain: 2 people, people standing, outdoor and nature

ເປັນບ່ອນທີ່ຮອງຮັບການທ່ອງທ່ຽວການຄ້າ ແລະ ການລົງທຶນນອກນັ້ນກໍ່ເປັນການສ້າງຂະບວນການປູກຈິດສຳນຶກຊາວໜຸ່ມ, ອະນຸຊົນໃຫ້ມີຈິດໃຈເຫັນຄວາມສຳຄັນໃນການອະນຸລັກຮັກສາສິ່ງແວດລ້ອມ,ເພື່ອໃຫ້ຢູ່ກັບຄົນເຮົາພ້ອມທັງເປັນການປະກອບສ່ວນການຕ້ານພະຍາດຕາມລະດູການເປັນຕົ້ນພະຍາດຖອກທ້ອງອະຫິວາ,ພະຍາດໄຂ້ຍຸງລາຍ ແລະ ສຳຄັນແມ່ນພະຍາດໂຄວິດ19.

Image may contain: one or more people, tree, shoes, outdoor and nature

ຈາກນັ້ນ ທ່ານ ພູລຳພອນສີຫາວົງ ເລຂາຄະນະບໍລິຫານງານຊາວໜຸ່ມແຂວງສະຫວັນນະເຂດຍັງໄດ້ໃຫ້ຮູ້ຕື່ມອີກວ່າ: ການສ້າງຂະບວນການອະນາໄມຕາມເສັ້ນທາງເທດສະບານນະຄອນໄກສອນພົມວິຫານຄັ້ງນີ້ແມ່ນໄດ້ຮັບການອຸປະຖຳຮ່ວມມືຈະຄະນະຂົງເຂດເສດຖະກິດພິເສດສະຫວັນ-ເຊໂນ ເຊິ່ງໃນໄລຍະຜ່ານມາຊາວໜຸ່ມແຂວງພວກເຮົາເຖິງແມ່ນວ່າຈະເຮັດການເຄື່ອນໄຫວຕະຫຼອດແຕ່ກໍ່ຍັງບໍ່ໄດ້ເຂັ້ມແຂງ 

Image may contain: one or more people, people sitting, tree, outdoor, nature and water

ຖ້າມີຫຼາຍພາກສ່ວນຮ່ວມກັນແບບນີ້ກໍ່ຈະເຮັດໃຫ້ຂະບວນການຟົດຟື້ນແລະສາມາດປະຕິບັດໄດ້ສຳເລັດຕາມການຄາດໝາຍ, ສຳລັບກິດຈະກຳຄັ້ງນີ້ກໍ່ເພື່ອຂໍ່ານັບຮັບຕ້ອນໃຫ້ແກ່ກອງປະຊຸມໃຫຍ້ຄັ້ງທີ7ຜູ້ແທນຊາວໜຸ່ມທົ່ວແຂວງສະຫວັນນະເຂດ ,ພິເສດກໍ່ເພື່ອຮັບຕ້ອນກອງປະຊຸມໃຫຍ່ຄັ້ງທີ 9 ຂອງອົງຄະນະພັກແຂວງແລະວັນສຳຄັນຕ່າງໆຂອງຊາດຂອງພັກໃນຕໍ່ໜ້າ, ຂະບວນການກິດຈະກຳຮັກສາສິ່ງແວດລ້ອມໄດ້ແບ່ງອອກເປັນ 2ຈຸດໃຫ່ຍຄື:
ຈຸດທີ1ເລີ່ມແຕ່ດ່ານສາກົນຂົວມິດຕະພາບ2ຮອດທາງເຂົ້າບ້ານທາດ
ຈຸດທີ2ເລີ່ມແຕ່ບ້ານນາເຊັງໄປຮອດຂົວສົ້ມປ່ອຍລວມໄລຍະທາງໃນການເກັບຂີ້ເຫຍື່ອຕາມເສັ້ນທາງລວມ 18 ກິໂລແມັດ, ພ້ອມນີ້ທ່ານກໍ່ໄດ້ເຊີນຊວນບັນດາສະມາຊິກຊາວໜຸ່ມໃນທົ່ວແຂວງແລະປະຊາຊົນຈົ່ງພ້ອມກັນປົກປັກຮັກສາສິ່ງແວດລ້ອມເພື່ອເຮັດໃຫ້ບ້ານເມືອສະອາດງາມຕາ.

Image may contain: one or more people, people standing and outdoor


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments