ກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວແຂວງຫຼວງພະບາງ


ວັນທີ 20 ສິງຫາ 2020 ນີ້ ພະແນກສຶກສາທິການ ແລະກິລາແຂວງຫຼວງພະບາງ ໄດ້ຈັດກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວແຂວງປະຈຳສົກຮຽນ 2019-2020 ໂດຍການເປັນປະທານຂອງທ່ານ ຊາຍສະຫວັນ ຈັນມານິດ ຮັກສາການຫົວໜ້າພະແນກສຶກສາທິການ ແລະ ກິລາແຂວງ, ມີຄະນະພະແນກ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ,ນະຄອນຫຼວງພະບາງ ພ້ອມດ້ວຍພະນັກງານບໍລິຫານວຽກງານສຶກສາເຂົ້າຮ່ວມ.

Image may contain: 3 people, people sitting, table and indoor

ທ່ານ ຊາຍສະຫວັນ ຈັນມານິດ ຮັກສາການຫົວໜ້າພະແນກສຶກສາທິການ ແລະ ກິລາແຂວງກ່າວວ່າ: ກອງປະຊຸມຄັ້ງນີ້ຈະໄດ້ຄົ້ນຄວ້າ ແລະ ຮັບຟັງຜົນການຈັດຕັ້ງປະຕິບັດ 16 ຄາດໝາຍ ທີ່ສະພາປະຊາຊົນແຂວງຮັບຮອງເອົາ ແລະ ຜົນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ສົກ 2019-2020. 

Image may contain: 1 person

ພ້ອມນີ້, ກໍ່ຈະໄດ້ຮັບຟັງການລາຍວຽກງານຕ່າງໆຂອງຂະແໜງການກ່ຽວຂ້ອງເຊັ່ນ: ວຽກງານການເງິນ-ບໍລິຫານໂຮງຮຽນ, ວຽກງານກວດກາ ການຈັດຕັ້ງກຸ່ມໂຮງຮຽນປະຖົມ, ມັດທະຍົມ, ຜົນຂອງການສອບເສັງຈົບຊັ້ນ ແລະ ການປະລະການຮຽນ, ການຈັດຕັ້ງປະຕິບັດວຽກງານ 3 ສ້າງ ຂອງຂະແໜງສຶກສາ ແລະ ກິລາ, ຜົນຂອງການຈັດຕັ້ງປະຕິບັດການສ້າງຕັ້ງກຸ່ມໂຮງຮຽນປະຖົມຕົວແບບຢູ່ເມືອງປາກອູ, ເມືອງໂພນທອງ, ຮັບຟັງການລາຍງານການຈັດລຽງບູລິມະສິດຄູອາສາສະມັກ ບັນຫາຄູເຫຼືອບໍ່ພໍ ຢູ່ບັນດາເມືອງ ແລະ ໂຮງຮຽນອ້ອມຂ້າງ, ວຽກງານຈຸດສຸມ ແລະ ທິດທາງຂອງຂະແໜງການ, ວຽກງານຢາເສບຕິດພາຍໃນໂຮງຮຽນ, ການພັດທະນາຄູ, ວຽກງານລົບລ້າງ ແລະ ການບຳລຸງ, ສະພາບການສົ່ງນັກສຶກສາໄປຮຽນພາຍໃນ ແລະ ຕ່າງປະເທດ

Image may contain: 3 people, people sitting and table

ການນຳໃຊ້ ໄອຊີທີ ເຂົ້າໃນການຮຽນ-ການສອນ ໃຫ້ພະນັກງານຂັ້ນເມືອງ, ຮູບແບບການເກັບກຳປະຊາກອນ ແລະ ວິທີແກ້ໄຂອັດຕາເຂົ້າຮຽນຂອງເດັກອາຍຸ 5 ຫາ 6 ປີເກີນ 100, ວິທີຂະຫຍາຍຫ້ອງກຽມປະຖົມ ແບບຄວບອາຍຸ ເພື່ອບັນລຸອັດຕາເຂົ້າຮຽນ ເດັກກຸ່ມອາຍຸ 3 ຫາ 5 ປີ, ການແກ້ໄຂນັກຮຽນປະລະ ຊັ້ນປ1 ຫາ ປ5, ການຫຼຸດຜ່ອນອັດຕາຄ້າງຫ້ອງຢ່າງມີຈຸດສຸມ, ການຮັກສານັກຮຽນຊັ້ນປະຖົມເພື່ອເພີ່ມອັດຕາລອດເຫຼືອ, ການສູ້ຊົນໃຫ້ນັກຮຽນເຂົ້າຮຽນໃນຊັ້ນມັດທະຍົມຕອນຕົ້ນ ແລະ ຕອນປາຍ, ທິດທາງໃນການສົ່ງເສີມໃຫ້ຜູ້ປົກຄອງສົ່ງເດັກໃນເກນອາຍຸ 0 ຫາ 2 ປີ ເຂົ້າຮຽນ, ການແກ້ໄຂປະກົດການຫຍໍ້ທໍ້ໃນໂຮງຮຽນ ແລະ ການສົ່ງເສີມມວນຊົນທຸກເພດໄວ ເຂົ້າຮ່ວມຫັດກາຍ, ອອກກຳລັງກາຍເພື່ອສຸຂະພາບ, ການສ້າງແຜນພັດທະນາການສຶກສາຂັ້ນເມືອງ ຄວບຄູ່ກັບການຕິດຕາມແຜນພັດທະນາໂຮງຮຽນ, ຮູບແບບການຫຼຸດຜ່ອນນັກຮຽນປະລະມັດທະຍົມຕອນຕົ້ນຢ່າງມີຈຸດສຸມ ແລະ ການປະຕິບັດການເລື່ອນຂັ້ນແບບຕໍ່ເນື່ອງໃນຊັ້ນປະຖົມ.

Image may contain: 4 people, people on stage

ກອງປະຊຸມຄັ້ງນີ້ ຜູ້ແທນເຂົ້າຮ່ວມຈະໄດ້ພ້ອມກັນຄົ້ນຄວ້າ, ປຶກສາຫາລື ແລະ ປະກອບຄໍາຄິດຄຳເຫັນ ໃນເນື້ອໃນບົດລາຍງານ ແລະ ພາກທິດທາງ ຂອງແຕ່ລະຂະແໜງການຕ່າງໆ ເພື່ອໃຫ້ສອດຄອງ ຖືກຕ້ອງຕາມທ່າແຮງ ແລະ ເງື່ອນໄຂຂອງການພັດທະນາວຽກງານສຶກສາ.ກອງປະຊຸມຈະດໍາເນີນເປັນເວລາ 2 ວັນຈຶ່ງຈະສຳເລັດ.



ຂ່າວ: ເພັດສາຄອນ ສິມມະວົງ

















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments