ເຈົ້າແຂວງຈໍາປາສັກ ລົງຊີ້ນໍາວຽກງານ ຢູ່ເມືອງຈໍາປາສັກ


ໃນວັນທີ 25 ສິງຫາ 2020 ຢູ່ສະໂມສອນເມືອງຈຳປາສັກ, ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ ພ້ອມດ້ວຍຄະນະ ໄດ້ລົງເຄື່ອນໄຫວພົບປະໂອ້ລົມພະນັກງານ ອ້ອມຂ້າງເມືອງ ຈໍາປາສັກ ເພື່ອຊຸກຍູ້ການຜະລິດ ແລະ ວຽກງານການທ່ອງທ່ຽວ; ພ້ອມເນັ້ນໃຫ້ປະຊາຊົນ ສ້າງພື້ນ ຖານເສດຖະກິດ ເປັນປັດໄຈໃນການຮັກສາລະບອບປະຊາ ທິປະໄຕ, ພ້ອມເອົາໃຈໃສ່ປະຕິບັດຄໍາສັ່ງແນະນໍາເລກທີ່ 06/ນຍ ວ່າດວ້ຍການເພີ່ມທະວີມາດຕະການ ສະກັດກັ້ນການລະບາດຂອງພະຍາດໂຄວິ-19 ທີ່ຈະສົ່ງຜົນກະທົບໂດຍກົງຕໍ່ຊີວິດ ແລະ ຊັບສິນ ຂອງພໍ່ແມ່ປະຊາຊົນ ແລະ ການພັດທະນາເສດຖະກິດ-ສັງຄົມ.

Image may contain: 2 people, indoor, text that says 'ปะทาบ'

ໂອກາດດັ່ງກ່າວ, ທ່ານ ສະຫວາດ ແກ້ວບັນດິດ ເຈົ້າເມືອງຈໍາປາສັກໄດ້ລາຍງານສະພາບການພັດທະນາເສດຖະກິດ-ສັງຄົມໃນໄລຍະ 6 ເດືອນຜ່ານມາການພັດດທະນາເສດຖະກິດ-ສັງຄົມ ພາຍໃນເມືອງບົນພື້ນຖານຂອງການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫ່ຍຄັ້ງທີ່ X ຂອງພັກມະຕິກອງປະຊຸມໃຫ່ຍ ຄັ້ງທີ 7 ຂອງອົງຄະນະພັກແຂວງ ໃຫ້ມີຜົນສໍາເລັດຍົົກສູງຄວາມສາມາດນໍາພາ ແລະ ເພີ່ມທະວີຄວາມສາມັກຄີເປັນປຶກແຜ່ນທົ່ວປວງຊົນສຸມໃສ່ຂຸດຄົ້ນທ່າແຮງບົ່ມຊ້ອນຢູ່ພາຍໃນເມືອງຍູ້ຂະບວນການແຂ່ງຂັນຮັກຊາດພັດທະນາສ້າງເມືອງຈໍາປາສັກໃຫ້ເຂັ້ມແຂງໜັກແໜ້ນໄປຕາມທ່າແຮງ ແລະ ຈຸດພິເສດທາງດ້ານເສດຖະກິດຕິດພັນກັບການທອ່ງທຽ່ວດ້ານປະຫວັດສາດ, ວັດທະນະທຳ ແລະ ທຳມະຊາດ ເພາະເມືອງມີວັດພູຈໍາປາສັກເປັນມໍລະດົກໂລກ. ຍອດຜະລິດຕະພັນພາຍໃນ 5 ປີ ບັນລຸໄດ້ 3.746 ຕື້ກີບ, ເສດຖະກິດຂະຫຍາຍຕົວສະເລ່ຍ 6,7% ຕໍ່ປີ, ສະເລ່ຍລາຍຮັບໄດ້ 13 ລ້ານກວ່າກີບຕໍ່ຄົນຕໍ່ປີ.

ໃນໂອກາດນີ້, ທ່ານ ວິໄລວົງ ບຸດດາຄໍາ ໄດ້ສະແດງຄວາມຊົມເຊີຍຕໍ່ຄະນະພັກ ອົງການປົກຄອງເມືອງຈຳປາສັກ ທີ່ໄດ້ເອົາໃຈໃສ່ໃນການພັດທະນາເສດຖະກິດ-ສັງຄົມ ພາຍໃນເມືອງໃຫ້ມີຜົນສໍາເລັດໃນຫລາຍດ້ານ, ພ້ອມໃຫ້ທິດຊີ້ນໍາຕື່ມອີກ ເປັນຕົ້ນແມ່ນ ໃຫ້ເອົາໃຈໃສ່ຊີ້ນຳດ້ານການເມືອງແນວຄິດ ໃຫ້ຄະນະພັກແຕ່ລະຂັ້ນ, ຮາກຖານກຸ່ມບ້ານ ເພື່ອສ້າງລະບອບປະຊາທິປະໄຕ ປະຊາຊົນ ໃຫ້ມີຄວາມເຂັ້ມແຂງຕາມທິດນຳຂອງພັກ. ພ້ອມດຽວກັນ ກໍຕ້ອງເອົາໃຈໃສ່ເຕົ້າໂຮມຄວາມສາມັກຄີທົ່ວປວງຊົນ, ສ້າງປະຊາຊົນໃຫ້ມີສ່ວນຮ່ວມໃນວຽກງານປ້ອງກັນຊາດ-ປ້ອງກັນຄວມສະຫງົບ. ໃນຕອນບ່າຍ, ທ່ານເຈົ້າແຂວງຈຳປາສັກ ພ້ອມຄະນະໄດ້ເຄື່ອນໄຫວພົບປະໂອ້ລົມ ອົງການປົກຄອງບ້ານ, ເຖົ້າແກ່ແນວໂຮມປະຊາຊົນບ້ານເມືອງກາງ ແລະ ຢ້ຽມຊົມວັດພູຈໍາປາສັກມໍລະດົກໂລກ ເພື່ອຊຸກຍູ້ສ້າງເມືອງຈໍາປາສັກ ໃຫ້ເຂັ້ມແຂງໜັກແໜ້ນໄປຕາມທ່າແຮງ ແລະ ຈຸດພິເສດທາງດ້ານເສດຖະກິດ ຕິດພັນກັບການທອ່ງທ່ຽວດ້ານປະຫວັດສາດ, ວັດທະນະທຳ ແລະ ທຳມະຊາດຂອງທ້ອງຖິ່ນໃຫ້ພັດທະນາດີຂຶ້ນເລື້ອຍໆ.

ຂ່າວ-ຮູບ: ທັດຊະນ
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments