ຫ້ອງພະລາທິການ ທະຫານແຂວງບໍ່ແກ້ວປະກາດບົ່ງຕົວແຕ່ງຕັ້ງ ຄະນະໜ່ວຍພັກ


ໃນວັນທີ 26 ສິງຫາ2020 ນີ້, ຫ້ອງພະລາທິການທະຫານແຂວງບໍ່ແກ້ວໄດ້ຈັດພິທີປະກາດບົ່ງຕົວແຕ່ງຕັ້ງ ຄະນະໜ່ວຍພັກຫ້ອງພະລາທິການຂຶ້ນໂດຍເປັນປະທານຂອງສະຫາຍພັນໂທ ທອງໄຂ ສີຍາລາດ ຄະນະປະຈຳພັກກອງບັນຊາການຫົວໜ້າຫ້ອງການເມືອງກອງບັນຊາການທະຫານແຂວງບໍ່ແກ້ວ, ມີສະຫາຍ ພັນໂທ ສອນໄຊ ວົງພະຈັນ ຄະນະພັກກອງບັນຊາການຫົວໜ້າຫ້ອງພະລາທິການ, ມີຄະນະໜ່ວຍພັກ, ພະແນກການທີກ່ຽວຂ້ອງຕະຫຼອດຮອດສະມາຊິກພັກສົມບູນ - ສຳຮອງເຂົ້າຮ່ວມ.

Image may contain: 1 person, sitting

ພິທີ ສະຫາຍ ພັນຕີ ນ້ອຍ ກາອີິງໂດຍ ຫົວໜ້າພະແນກຈັດຕັ້ງພັກຫ້ອງການເມືອງ ໄດ້ຂຶ້ນຜ່ານມະຕິຕົກລົງ ຂອງຄະນະປະຈໍາພັກກອງບັນຊາການທະຫານແຂວງບໍ່ແກ້ວວ່າດ້ວຍການບົງຕົວແຕ່ງຕັ້ງສະຫາຍ ພັນຕີ ຄໍາຫຼ້າ ແອ່ນວົງສາເປັນກໍາມະການ, ສະຫາຍພັນຕີ ເຄນ ກົມແພງມີເປັນກໍາມະການແລະ ມະຕິຕົກລົງຂອງຄະນະປະຈໍາພັກກອງບັນຊາການທະຫານແຂວງບໍ່ແກ້ວ ວ່າດ້ວຍການບົ່ງຕົວແຕ່ງຕັ້ງສະຫາຍ ພັນຕີ ເຄນ ກົມແພງມີເປັນຮອງເລຂາ, ສະຫາຍ ພັທ ພອນວິໄລ ຈິດວິລະພົນ ເປັນກຳມະການ, ຄະນະປະຈໍາພັກກອງບັນຊາການຕົກລົງແຕ່ງຕັ້ງຄະນະໜ່ວຍພັກທີ III ປະກອບມີ ສະຫາຍ ພັຕ ຄໍາຫຼ້າ ແອ່ນວົງສາເປັນເລຂາໜ່ວຍພັກ, ສະຫາຍ ພັທ ດອນຍວນ ມະວົງສາເປັນຮອງເລຂາ, ສະຫາຍ ພັຕ ວິໄຊ ຈິດຖາວອນເປັນກຳມະການ.

Image may contain: 1 person, sitting, table and indoor

ໂອກາດນີ້ ສະຫາຍ ພັນໂທ ທອງໄຂ ສີຍາລາດ ກໍ່ໄດ້ໂອ້ລົມ ແລະ ໄດ້ຍົກໃຫ້ເຫັນຄວາມໝາຍ ຄວາມສຳຄັນໃນການບົ່ງຕົວແຕ່ງ ຕັ້ງໃນຄັ້ງນີ້ ເພື່ອເປັນການປັບ ປຸງອົງການຈັດຕັ້ງພັກພາຍໃນຫ້ອງພະລາໃຫ້ມີຄວາມໜັກແໜ້ນເຂັ້ມແຂງ, ພ້ອມຍັງໄດ້ເນັ້ນໜັກໃຫ້ບັນດາສະຫາຍທີ່ໄດ້ຮັບການແຕ່ງຕັ້ງຈົ່ງເອົາໃຈໃສ່ເຄື່ອນໄຫວຕາມລະບຽບການຂອງພັກປະຊາຊົນປະຕິວັດລາວ ແລະ ຕາມພາລະບົດບາດຂອງຕົນຮັບຜິດຊອບ ໂດຍສະເພາະແມ່ນ ເອົາການສຶກສາອົບຮົມການເມືອງ-ນໍາພາແນວຄິດໃຫ້ອ້າຍນ້ອງເປັນສຳຄັນເອົາໃຈໃສ່ປັບປຸງ ແບບແຜນວິທີເຮັດວຽກໃຫ້ເປັນລະບົບ, ນຳພາບັນຊາເປັນໝູ່ຄະນະເຮັດວຽກຢ່າງມີແຜນການ, ມີປະຊາທິປະໄຕ ເພື່ອກ້າວເປັນກົມກອງທັນສະໄໝ ແລະ ເຂັ້ມແຂງ.


ໂດຍ: ສົມໄຊ ສີລາຈັນ





















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments