ປະກາດແຕ່ງຕັ້ງ ຄະນະກໍາມະການຕ້ານການຄ້າມະນຸດ ເມືອງໄຊທານີ



ໃນຕອນເຊົ້າມື້ນີ້ ວັນທີ 13 ສິງຫາ 2020 ຢູ່ສະໂມສອນຂອງກອງບັນຊາການ ປກສ ເມືອງໄຊທານີ ນວ ໄດ້ມີພິທີປະກາດແຕ່ງຕັ້ງ ຄະນະກໍາມະການຕ້ານການຄ້າມະນຸດ ເມືອງໄຊທານີ ໄດ້ຈັດຂຶ້ນ ໂດຍການເຂົ້າຮ່ວມຂອງ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ຮອງປະທານຄະນະກໍາມະການຕ້ານການຄ້າມະນຸດ ນວ, ມີທ່ານ ບຸນວັນ ຈະສົ່ວເກົ້າ ຮອງເຈົ້າເມືອງໆໄຊທານີ ທັງເປັນປະທານກໍາມະການຕ້ານການຄ້າມະນຸດເມືອງໄຊທານີ, ມີຄະນະກອງບັນຊາການ ປກສ ເມືອງໄຊທານີ; ປກສ ເມືອງຈັນທະບູລີ, ເມືອງປາກງື່ມ, ຫາດຊາຍຟອງ, ປາກງື່ມ ແລະ ອົງການທີ່ກ່ຽວຂ້ອງພາຍໃນເມືອງໄຊທານີ, ມີ ພະແນກຕ້ານການຄ້າມະນຸດ ປກສ ນວ, ປກສ ກຸ່ມ 11 ກຸ່ມ ພ້ອມດ້ວຍການຈັດຕັ້ງບ້ານ 104 ບ້ານເຂົ້າຮ່ວມທັງໝົດ 162 ສະຫາຍ ຍິງ 18 ສະຫາຍ.

Image may contain: 1 person, sitting, table and indoor

ໃນພິທີ ພັທ ສົມພອນ ວົງສາ ຫົວໜ້າກອງບັນຊາການ ປກສ ເມືອງໄຊທານີ ໄດ້ຂຶ້ນຜ່ານຂໍ້ຕົກລົງສະບັບເລກທີ 743/ຈມ.ຊທນ, ລົງວັນທີ 10 ສິງຫາ 2020ວ່າດ້ວຍການແຕ່ງຕັ້ງຄະນະກໍາມະການຕ້ານການຄ້າມະນຸດ ເມືອງໄຊທານີ ລວມມີ 13 ທ່ານ ແລະ ຂໍ້ຕົກລົງ ສະບັບເລກທີ 5976/ຄຕມມ.ຊນ, ລົງວັນທີ 27 ກໍລະກົດ 2020 ວ່າດ້ວຍການແຕ່ງຕັ້ງກອງເລຂາຄະນະກໍາມະການຕ້ານການຄ້າມະນຸດ ເມືອງໄຊທານີ ລວມມີ 13 ທ່ານ ເພື່ອຮັບປະກັນການຈັດຕັ້ງເຄື່ອນໄຫວວຽກງານ ຂອງຄະນະກໍາມະການຕ້ານການຄ້າມະນຸດ ເມືອງໄຊທານີ ໃຫ້ມີປະສິດທິພາບ ແລະ ປະສິດທິຜົນສູງ.

Image may contain: 1 person, sitting, table and indoor

ໃນໂອກາດນີ້ ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ, ຮອງປະທານຄະນະກໍາມະການຕ້ານການຄ້າມະນຸດ ນວ ໄດ້ໃຫ້ກຽດໂອ້ລົມ ໂດຍຍົກໃຫ້ເຫັນເຖິງບັນຫາການຄ້າມະນຸດເປັນອາຊະຍາກໍາຂ້າມຊາດ ເປັນການລະເມີດສິດທິພື້ນຖານຂອງຄວາມເປັນມະນຸດຂັ້ນຮ້າຍແຮງ; ເຊິ່ງຄວາມສ່ຽງ ແລະ ສາເຫດທີ່ພາໃຫ້ມີຄວາມສ່ຽງບັນຫາການຄ້າມະນຸດ ເກີດຈາກປະຊາຊົນບໍ່ຮັບຮູ້ບໍ່ເຂົ້າໃຈຢ່າງເລິກເຊິ່ງ ຕໍ່ບັນຫາການຄ້າມະນຸດ ຈຶ່ງຖືກຕົວະຍົວະ, ຫຼອກລວງ ໃນການບັງຄັບໃຊ້ແຮງງານ ລວມເຖິງການຄ້າປະເວນີ, ການພັດທະນາຊີວິດການເປັນຢູ່ຂອງພົນລະເມືອງ ມີດ້ານຕັ້ງໜ້າ ແລະ ຫຍໍ້ທໍ້, ບັນດາຂະແໜງການຕ່າງທີ່ກ່ຽວຂ້ອງວຽກງານການຄ້າມະນຸດ ຍັງບໍ່ທັນຮັດກຸມ ແລະ ພັດທະນາ, ມາດຕະການການກວດແກ້, ການແກ້ໄຂບັນຫາດັ່ງກ່າວ ຍັງບໍ່ທັນເຂັ້ມງວດ ເຮັດໃຫ້ເກີດມີບັນຫາແຜ່ລາມເລື້ອຍໆ. ດັ່ງນັ້ນ, ໃນຕໍ່ໜ້າ ພາຍໃນເມືອງໄຊທານີ ຕ້ອງສຸມໃສ່ 4 ຂົງເຂດວຽກງານ ໂດຍສະເພາະ ດ້ານວຽກງານນະໂຍບາຍ, ວຽກງານປ້ອງກັນສະກັດກັ້ນ, ວຽກງານດໍາເນີນຄະດີ ແລະ ບັງຄັບໃຊ້ກົດໝາຍ ແລະ ວຽກງານປົກປ້ອງຊ່ວຍເຫຼືອຜູ້ຖືກເຄາະຮ້າຍ ເພື່ອຮັບປະກັນເຮັດໃຫ້ວຽກງານຕ້ານການຄ້າມະນຸດຂັ້ນເມືອງ ມີການເຄື່ອນໄຫວປົກກະຕິ ແລະ ຕໍ່ເນື່ອງ.

Image may contain: one or more people and indoor




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments