ລັດຖະມົນຕີ ກະຊວງການຕ່າງປະເທດ ເຄື່ອນໄຫວເຮັດວຽກ ທີ່ ແຂວງຈໍາປາສັກ



ໃນລະຫວ່າງວັນທີ 5-8 ສິງຫາ 2020, ທ່ານ ສະເຫລີມໄຊ ກົມມະສິດ ກໍາມະການສູນກາງພັກ, ເລຂາຄະນະບໍລິຫານພັກກະຊວງ, ລັດຖະມົນຕີ ກະຊວງການຕ່າງປະເທດ ໄດ້ນໍາພາຄະນະມາເຄື່ອນໄຫວເຮັດວຽກ ທີ່ ແຂວງຈໍາປາສັກ, ໃຫ້ການຕ້ອນຮັບໂດຍ ທ່ານ ວິໄລວົງ ບຸດດາຄໍາ ກໍາມະການສູນກາງພັກ, ເລຂາຄະນະບໍລິຫານພັກແຂວງ, ເຈົ້າແຂວງ-ແຂວງຈໍາປາສັກ ດ້ວຍບັນຍາ ກາດໄມຕີຈິດມິດຕະພາບອັນອົບອຸ່ນ.

Image may contain: one or more people, crowd and indoor

ໃນໂອກາດມາເຄື່ອນໄຫວເຮັດວຽກຄັ້ງນີ້, ທ່ານລັດຖະມົນຕີກະຊວງການຕ່າງປະເທດ ໄດ້ເຜີຍ ແຜ່ສະພາບການທີ່ພົ້ນເດັ່ນໃນພາກພື້ນ, ສາກົນ ແລະ ວຽກງານຊາຍແດນ ໃຫ້ຄະນະພັກ-ຄະນະນໍາ, ພະນັກງານຫລັກແຫລ່ງ, ທະຫານ, ຕໍາຫລວດ ແລະ ຕະຫລອດຮອດພໍ່ແມ່ປະຊາຊົນບັນດາເຜົ່າໃນທົ່ວແຂວງຈໍາປາສັກ ໄດ້ຮັບຮູ້ ແລະ ເຂົ້າໃຈ ເຖິງສະພາບການທີ່ເກີດຂຶ້ນໃນປັດຈຸບັນ ແລະ ພົບປະເຮັດວຽກກັບການນໍາຂອງແຂວງຈໍາປາສັກ. 

Image may contain: 3 people, indoor

ຈາກນັ້ນ, ທ່ານ ລັດຖະມົນຕີ ກະຊວງການຕ່າງປະເທດ ກໍ່ໄດ້ໃຫ້ກຽດເປັນປະທານ ໃນກອງປະຊຸມທາບທາມຮ່າງກົດໝາຍ ວ່າດ້ວຍຊາຍແດນແຫ່ງຊາດ ຮ່ວມກັບການນໍາ ແລະ ພາກສ່ວນກ່ຽວຂ້ອງຂອງ 4 ແຂວງພາກໃຕ້ ເພື່ອທາບທາມຄໍາຄິດຄໍາເຫັນອໍານາດການປົກຄອງທ້ອງຖິ່ນ, ຊຶ່ງຜ່ານມາກະຊວງການຕ່າງປະເທດ ໄດ້ທາບທາມຮ່າງກົດໝາຍດັ່ງກ່າວ ຮ່ວມກັບ 8 ແຂວງພາກເໜືອ ແລະ 6 ແຂວງພາກກາງ ສໍາເລັດແລ້ວ. ຫລັງຈາກສໍາເລັດຂະບວນການທາບທາມຄໍາເຫັນຕໍ່ຮ່າງກົດໝາຍສະບັບນີ້ແລ້ວ, ຄະນະຮັບຜິດຊອບສ້າງຮ່າງກົດໝາຍ ກໍຈະສັງລວມຄຳເຫັນ ແລະ ຂໍ້ສະເໜີຕ່າງໆ ເພື່ອນຳໄປປັບປຸງໃຫ້ມີເນື້ອໃນລະອຽດ, ຈະແຈ້ງ, ຄົບຖ້ວນ ແລະ ຮັດກຸມ ເພື່ອໃຫ້ສາມາດນໍາເອົາຮ່າງກົດໝາຍດັ່ງກ່າວ ເຂົ້າພິຈາລະນາຢູ່ກອງປະຊຸມລັດຖະບານ ປະຈຳເດືອນສິງຫາ 2020 ແລະ ນໍາເຂົ້າພິຈາລະນາຢູ່ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນທ້າຍປີ 2020 ຕາມລໍາດັບ.

Image may contain: 2 people, people standing and indoor

ໃນໂອກາດນີ້, ທ່ານ ລັດຖະມົນຕີກະຊວງການຕ່າງປະເທດ ກໍ່ໄດ້ໂອ້ລົມອ້າຍນ້ອງກອງສໍາຫລວດ ແລະ ປັກຫລັກໝາຍຊາຍແດນ ລາວ-ໄທ ທາງບົກ, ລາວ-ໄທ ທາງນໍ້າ ແລະ ລາວ-ກໍາປູເຈຍ ທີ່ພວມປະຈໍາການ ແລະ ເຮັດວຽກງານສໍາຫລວດ ແລະ ປັກຫລັກໝາຍຊາຍແດນຮ່ວມກັບປະ ເທດໃກ້ຄຽງຢູ່ແຂວງຈໍາປາສັກ ເພື່ອເປັນທິດທາງ ແລະ ຂວັນກໍາລັງໃຈໃນການສືບຕໍ່ດໍາເນີນວຽກງານຊາຍແດນອັນໜັກໜ່ວງ, ແຕ່ມີກຽດ ທີ່ພັກ-ລັດມອບໝາຍໃຫ້.

ຂ່າວ ກົມການຂ່າວ























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments