ພິທີມອບ-ຮັບເຄື່ອງນຸ່ງຮົ່ມ ແລະ ເຄື່ອງບໍລິໂພກຈຳນວນໜື່ງໃຫ້ແກ່ປະຊາຊົນບ້ານປະຈຸດອນ ເມືອງຕະໂອ້ຍ


ໃນຄັ້ງວັນທີ 13 ສິງຫາ 2020 ຜ່ານມານີ້,ອົງການຈັດຕັ້ງມະຫາຊົນແຂວງສາລະວັນ, ໄດ້ມອບເຄື່ອງນຸ່ງຮົ່ມ ແລະ ເຄື່ອງບໍລິໂພກຈຳນວນໜື່ງ ໃຫ້ແກ່ປະຊາຊົນບ້ານປະຈູດອນ ເມືອງຕະໂອ້ຍ ແຂວງສາລະວັນ. ເປັນຕົ້ນແມ່ນ: ນໍ້າຕານ 1 ສອບ, ເກືອ 1 ສອບ, ໝີ່, ສະບູ, ແປ້ງນົວ, ກະຕໍ້ຫວາຍ ແລະ ບານເຕະ ເຊິ່ງມີມູນຄ່າທັງໝົດຈຳນວນ 1 ລ້ານກ່ວາກີບ.


ພິທີດັ່ງກ່າວນີ້ ໄດ້ຈັດຂຶ້ນຢູ່ທີ່ຫ້ອງການກຸ່ມບ້ານປະຈູດອນ ເມືອງຕະໂອ້ຍ,ໃຫ້ກຽດກ່າວມອບໂດຍທ່ານ ນາງ ວາດສະໜາ ໂພໄຊຍະວົງ ປະທານຄະນະບໍລິຫານງານສະຫະພັນແມ່ຍິງແຂວງສາລະວັນ ແລະ ກ່າວຮັບຕ່າງໜ້າໃຫ້ປະຊາຊົນໂດຍ ທ່ານ ອຳບຸນ ເລຂາພັກນາຍບ້ານ ໂດຍຊ່ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມ.

Image may contain: 2 people, people sitting and indoor

ໃນໂອກາດດັ່ງກ່າວທ່ານ ນາງ ວາດສະໜາ ໂພໄຊຍະວົງ ປະທານຄະນະບໍລິຫານງານສະຫະພັນແມ່ຍິງແຂວງສາລະວັນກໍ່ໄດ້ມີຄຳເຫັນວ່າ: ຈຸດປະສົງໃນການມອບເຄື່ອງໃນຄັ້ງນີ້ ກໍ່ເພື່ອບັນເທົ່າທຸກໃຫ້ແກ່ປະຊາຊົນບ້ານປະຈູດອນເມືອງຕະໂອ້ຍ, ໂອກາດດຽວກັນນີ້ ທ່ານ ອຳບຸນ ເລຂາພັກນາຍບ້ານປະຈູດອນ ກໍ່ໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍມາຍັງອົງການຈັດຕັ້ງມະຫາຊົນແຂວງສາລະວັນ ທີ່ໄດ້ນຳເອົາເຄື່ອງມາມອບໃນຄັ້ງນີ້, ​ເຊີ່ງເຄື່ອງດັ່ງກ່າວແມ່ນຈະໄດ້ມອບຕໍ່ໃຫ້ແກ່ປະຊາຊົນພາຍໃນບ້ານປະຈູດອນ.

Image may contain: 5 people, people sitting and indoor

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments