ເມືອງ ອາດສະພັງທອງ ຈັດພິທີມອບ - ຮັບເປີດນໍາໃຊ້ເສັ້ນທາງປູເບຕົງເສີມເຫຼັກບ້ານ ດົງເຫັນ



ໃນວັນທີ 29 ສິງຫາ 2020 ນີ້ ຢູ່ທີ່ບ້ານ ດົງເຫັນ, ເມືອງ ອາດສະພັງທອງ, ແຂວງສະຫວັນນະເຂດ ໄດ້ຈັດພິທີມອບ - ຮັບ ແລະ ເປີດນໍາໃຊ້ເສັ້ນທາງປູເບຕົງເສີມເຫຼັກບ້ານ ດົງເຫັນຢ່າງເປັນທາງການ. ໂດຍພາຍໃຕ້ການເຂົ້າຮ່ວມໃນພິທີລັ່ນຄ້ອງ 9 ບາດ ແລະ ຕັດແຖບຜ້າເປີດປ້າຍຂອງທ່ານ ສັນຕິພາບ ພົມວິຫານ ເຈົ້າແຂວງ ສະຫວັນນະເຂດ, ທ່ານ ອຸໄພວັນ ໄຊຍະວົງ ເຈົ້າເມືອງ ອາດສະພັງທອງ, ມີທ່ານ ສາຍສະໝອນ ກວານເມືອງຈັນ ຜູ້ອໍານວຍການການເງິນຈຸລະພາກທີ່ຮັບເງິນຝາກສາຍໄຍສໍາພັນພ້ອມດ້ວຍທ່ານ ເກຍ ອູ່ສິດທິເດດ ເຈົ້າຂອງໂຮງງານນໍ້າດື່ມ, ນໍ້າກ້ອນປາໂລມາຄໍາ ຜູ້ປະກອບສ່ວນກໍ່ສ້າງເສັ້ນທາງ, ນອກນັ້ນ ກໍ່ມີການນໍາອ້ອມຂ້າງແຂວງ, ການນໍານໍາອ້ອມຂ້າງເມືອງ, ການນໍາຂັ້ນເມືອງຕະຫຼອດຮອດປະຊາຊົນພາຍໃນບ້ານດົງເຫັນເຂົ້າຮ່ວມເປັນຈໍານວນຫຼວງຫຼາຍ.

Image may contain: 6 people, people on stage, people sitting and indoor

ໃນພິທີທ່ານ ຈັນທະບານ ຄໍາມະຫາລາດ ຫົວໜ້າຫ້ອງການໂຍທາທິການ ແລະ ຂົນສົ່ງເມືອງ ອາດສະພັງທອງ ກໍ່ໄດ້ຂຶ້ນລາຍງານສະພາບຄວາມເປັນມາຂອງໂຄງການກໍ້ສ້າງເສັ້ນທາງປູດ້ວຍເບຕົງເສີມເຫຼັກບ້ານດົງເຫັນເມືອງ ອາດສະພັງທອງ ແມ່ນເປັນໂຄງການບູລິມະສິດຂອງເມືອງນອນຢູ່ໃນແຜນຍຸດທະສາດກໍ່ຄືແຜນພັດທະນາເສດຖະກິດ - ສັງຄົມຂອງກອງປະຊຸມໃຫ່ຍຄັ້ງທີ VIII ຂອງອົງຄະນະພັກເມືອງແຕ່ປີ 2020- 2024 

Image may contain: 5 people

ຍ້ອນໄດ້ຮັບຄວາມສໍາຄັນຂອງເສັ້ນທາງໃນເທດສະບານເມືອງ ( ໂດຍສະເພາະບ້ານດົງເຫັນ ), ການກໍ່ສ້າງເສັ້ນທາງເບຕົງເສີມເຫຼັກໄລຍະທີ 1 ແມ່ນມີແຜນສ້າງຈໍານວນ 3 ເສັ້ນຄື: ເສັ້ນທີ 1 ແມ່ນເລິ່ມແຕ່ແຍກເຕົາດິນຈີ່ຫາຕະຫຼາດ ລວງຍາວ 315 ແມັດ ຄິດໄລ່ເປັນມູນຄ່າ 297.078.000 ກີບ, ເສັ້ນທີ 2 ແມ່ນຕໍ່ຈາກຮ່ອມເລກທີ 9 ແຈຕະຫຼາດຫາຫ້ອງການບ້ານ ລວງຍາວ 170 ແມັດ ຄິດເປັນມູນຄ່າ 170.422.000 ກີບ, ເສັ້ນທາງສອງເສັ້ນນີ້ແມ່ນໄດ້ຮັບທຶນກໍ່ສ້າງຈາກທ່ານ ສາຍສະໝອນ ກວານເມືອງຈັນ ຜູ້ອໍານວຍການການເງິນຈຸລະພາກທີ່ຮັບເງິນຝາກສາຍໄຍສໍາພັນ, ເສັ້ນທີ 3 ແມ່ນຕໍ່ຈາກທາງເລກ 9 ຂ້າງເດີນບານ ( ເສັ້ນເຕົາດິນຈີ່ ) ລວງຍາວ 70 ແມັດ ຄິດເປັນມູນຄ່າ 47.000.000 ກີບ ແມ່ນໄດ້ຮັບທຶນກໍ່ສ້າງຈາກທ່ານ ເກຍ ອູ໊ສິດທິເດດ ເຈົ້າຂອງໂຮງງານນໍ້າດື່ມ, ນໍ້າກ້ອນປາໂລມາຄໍາ, ລວມລວງຍາວຂອງເສັ້ນທາງທັງໝົດ 555 ແມັດ, ຊຶ່ງເລີ່ມລົງມືກໍ່ສ້າງແຕ່ຕົ້ນເດືອນ ພຶດສະພາ ຮອດທ້າຍເດືອນ ກໍລະກົດ 2020 ແມ່ນໄດ້ສໍາເລັດ.

Image may contain: 6 people, people standing

ເຊິ່ງຄິດເປັນມູນຄ່າທັງໝົດແມ່ນ 514.492.000 ກີບ. ສໍາລັບເສັ້ນທາງແມ່ນມີໜ້າທາງກວ້າງ 5 ແມັດ, ໜາ 15 ຊັງຕີແມັດ, ສິ່ງປະກອບມີບ່າທາງກວ້າງສະເລ່ຍ 20 – 30 ຊັງຕີແມັດ, ຮ່ອງລະບາຍນໍ້າກວ້າງ 30 – 40 ຊັງຕີແມັດ, ເລິກ 30 – 40 ຊັງຕີແມັດ. ກໍ່ສ້າງດ້ວຍເບຕົງທາງຮັບນໍ້າໜັກໄດ້ 7 ໂຕນ. ຈາກນັ້ນ; ໃນພິທີທ່ານ ສາຍສະໝອນ ກວານເມືອງຈັນ ຜູ້ອໍານວຍການການເງິນຈຸລະພາກທີ່ຮັບເງິນຝາກສາຍໃຍສໍາພັນກໍ່ໄດ້ຂຶ້ນກ່າວມອບເສັ້ນທາງໃຫ້ແກ່ເມືອງພ້ອມດຽວກັນນີ້ເຈົ້າເມືອງອາດສະພັງທອງກໍ່ໄດ້ຂຶ້ນກ່າວຂອບໃຈຕໍ່ທຸກພາກສ່ວນທີ່ໃຫ້ການຊ່ວຍເຫຼື່ອ, ພ້ອມຍັງກ່າວຮັບເອົາເສັ້ນທາງ ແລະ ມອບຕໍ່ໃຫ້ອົງການປົກຄອງບ້ານດົງເຫັນເປັນຜູ້ປົກປັກຮັກສາ ແລະ ນໍາໃຊ້. 

Image may contain: 6 people, people standing and people on stage

ຕໍ່ຈາກນັ້ນໃນພິທີກໍ່ໄດ້ຈັດພິທີລັ່ນຄ້ອງ 9 ບາດ ແລະ ຕັດແຖບຜ້າເປີດປ້າຍເປັນກຽດລັ່ນຄ້ອງ 9 ບາດ ແລະ ຕັດແຖບຜ້າເປີດປ້າຍໂດຍທ່ານ ສັນຕິພາບ ພົມວິຫານ ເຈົ້າແຂວງ ສະຫວັນນະເຂດ ເປັນກຽດລັ່ນຄ້ອງ ແລະ ຕັດແຖບຜ້າເປີດປ້າຍຢ່າງສົມກຽດໂດຍຊ່ອງໜ້າກັບບັນດາແຂກຜູ້ເຂົ້າຮ່ວມເປັນສັກຂີ ແລະ ພິຍານນໍາ. ນອນັ້ນ ກໍ່ໄດ້ມີການເດີນສໍາຫຼວດເສັ້ນທາງທັງ 3 ເສັ້ນຕື່ມດ້ວຍ.

Image may contain: 2 people, people standing and outdoor


ພາບຂ່າວ: ສາຍສະໝຸດ ສິມພະລີວົງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments