ໜ່ວຍ​ພັກ​ພາ​ສີ​ປະ​ຈຳ​ດ່ານ​ສາ​ກົນ​ຂົວ​ມິດ​ຕະ​ພາບ II ສຳ​ເລັດ​ກອງ​ປະ​ຊຸມ​ໃຫຍ່​ຄັ້ງທີII ຂັ້ນ​ຕົນ


ທີ່ຫ້ອງປະຊຸມຂອງຫ້ອງການພາສີປະຈຳດ່ານສາກົນຂົວມິດຕະພາບ II ສະຫວັນນະເຂດ-ມຸກດາຫານ, ໃນວັນທີ 13 ສິງ ຫາ 2020 ຄະນະໜ່ວຍພັກພ້ອມດ້ວຍສະມາຊິກພັກພາຍໃນໜ່ວຍພັກດ່ານພາສີຂົວມິດຕະພາບ II ໄດ້ຈັດກອງປະຊຸມໃຫຍ່ຄັ້ງທີ II ຂັ້ນຂອງຕົນຂຶ້ນຢ່າງເປັນທາງ ການ. ໃຫ້ກຽດເຂົ້າຮ່ວມເປັນປະທານກິດຕິມະສັກໃນກອງປະຊຸມຄັ້ງນີ້ໂດຍມີສະຫາຍ ພັນໂທ ສີວານ ສີດາວົງ ເລຂາຄະນະພັກຮາກຖານຫົວໜ້າດ່ານສາກົນຂົວມິດຕະພາບ II ສະຫວັນນະເຂດ-ມຸກດາຫານ, ທ່ານ ສຸດໃຈ ໄຊຍະວົງ ຮອງຫົວໜ້າຄະນະຈັດຕັ້ງແຂວງ ພ້ອມດ້ວຍຄະນະໜ່ວຍພັກ ແລະ ສະມາຊິກພັກສົມບູນພາຍ​ໃນ​ໜ່ວຍພັກດັ່ງກ່າວກໍ່ໄດ້ເຂົ້າຮ່ວມ.

ໃນວາລະປະຊຸມ, ສະຫາຍ ນາງ ອິນທະຫວາ ສາທຸພັນ ຄະນະໜ່ວຍພັກພາສີປະຈຳດ່ານສາກົນຂົວມິດຕະພາບ II ໄດ້ຂຶ້ນ ຜ່ານບົດລາຍງານການເມືອງຕໍ່ກອງປະຊຸມເຊິ່ງສະຫາຍໃຫ້ຮູ້ວ່າ: ໜ່ວຍພັກພາສີດ່ານສາກົນຂົວມິດຕະພາບ II ສະຫວັນນະເຂດ-ມຸກດາຫານມີສະມາຊິກພັກທັງໝົດ 44 ສະຫາຍ, ຍິງ 18 ສະຫາຍ, ໃນນັ້ນມີສະມາຊິກພັກສຳຮອງ 10 ສະຫາຍເຊິ່ງຍາມໃດຄະນະໜ່ວຍພັກ ແລະສະມາຊິກພັກທຸກສະຫາຍກໍ່ໄດ້ຖືເອົາວຽກງານສຶກສາອົບຮົມດ້ານການເມືອງແນວຄິດເປັນຫຼັກ ແລະ ໄດ້ນຳເອົາແນວທາງນະໂຍບາຍຂອງພັກໃນແຕ່ລະໄລຍະນຳມາໃຫ້ສະມາຊິກພັກພາຍໃນໜ່ວຍໄດ້ເຂົ້າໃຈ ແລະ ເຊື່ອມຊຶມຢ່າງຕໍ່ເນື່ອງສອດຫ້ອຍເຂົ້າໃນທຸກຂົງເຂດວຽກງານວິຊາສະເພາະຂອງໜ່ວຍງານພາສີທີ່ຕົນຮັບຜິດຊອບ, ເອົາໃຈໃສ່ດຳເນີນຊີວິດການເມືອງພາຍໃນພັກຕິດພັນກັບການກວດກາຕີລາຄາໜ່ວຍພັກ ແຂງ-ຮູ້ນຳພາຮອບດ້ານ, ປັບປຸງລະບົບການຈັດຕັ້ງພັກ, ແບບແຜນວິທີເຮັດວຽກຂອງຄະນະພັກ, ດັ່ງນັ້ນ ໜ່ວຍພັກພາສີປະຈຳດ່ານຈຶ່ງໄດ້ຖືກຮັບຮອງເປັນ ໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2019 ເຊິ່ງສະແດງໃຫ້ເຫັນຄວາມສາມາດປະຕິບັດໜ້າທີ່ວຽກງານຂອງຕົນໄດ້ຢ່າງເຕັມສ່ວນ.

ກອງປະຊຸມຄັ້ງນີ້, ບັນດາຜູ້ແທນສົມບູນກໍ່ໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ຂັ້ນຂອງຕົນເຊິ່ງຜົນຂອງການປ່ອນບັດລົງຄະແນນສຽງ ແລະ ມະຕິກອງປະຊຸມຄັ້ງປະຖົມມະລຶກໄດ້ມີຄວາມເປັນເອກະພາບສູງເລືອກເອົາສະຫາຍ ພູເມືອງ ແກ້ວຈັນທະລາ ເປັນເລ ຂາໜ່ວຍພັກ, ສະຫາຍນາງ ອິນທະຫວາ ສາທຸພັນ ເປັນຮອງເລຂາ, ສະຫາຍ ຂວັນໄຊ​ຊະນະ ຟອງສະໝຸດ ເປັນກຳມະການທັງເປັນປະທານກວດກາໜ່ວຍພັກ, ສະຫາຍ ນາງ ສີພະນອມໄຊ ພັນໂພທິລາດ ເປັນກຳມະການ ທັງເປັນຮອງປະທານກວດກາ ແລະສະຫາຍ ພອນທອງ ມະນີໄຊ ເປັນກຳມະການ.


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments