ປກສ ກຸ່ມ l ຈອມມະນີ ໄດ້ຮັບການຍົກລະດັບວຽກງານວິຊາສະເພາະ


ຕອນເຊົ້າຂອງວັນທີ 21 ກໍລະກົດ 2020, ຢູ່ຫ້ອງການບ້ານໂພນພະເນົາເມືອງໄຊເສດຖານະຄອນຫຼວງວຽງຈັນ, ໄດ້ເປີດຝຶກອົບຮົມວຽກງານວິຊາສະເພາະໄລຍະສັ້ນ ( 1 ວັນ) ໃຫ້ກໍາລັງ ປກສ ບ້ານໂພນພະເນົາ ແລະ ຈອມມະນີຈໍານວນ 45 ສະຫາຍທີ່ຂຶ້ນກັບ ປກສ ກຸ່ມ l ຈອມມະນີເພື່ອໃຫ້ໄດ້ຮັບຮູ້ ແລະ ເຂົ້າໃຈ, ກໍາແໜ້ນຕໍ່ວຽກງານວິຊາສະເພາະເປັນຕົ້ນແມ່ນພາລະບົດບາດ, ສິດ ແລະ ໜ້າທີ່ຂອງຕົນໃນການປະຕິບັດວຽກງານໃຫ້ມີຄຸນນະພາບດີຂຶ້ນກວ່າເກົ່າ, ໂດຍການເປັນປະທານຂອງ ພັທ ອ່ອນແກ້ວ ເສລີຄຳ ຫົວໜ້າ ປກສ ກຸ່ມ l ຈອມມະນີ, ໃຫ້ກຽດເຂົ້າຮ່ວມຂອງ ພັທ ສີເພັດ ພິມມະສອນ ຫົວໜ້າກອງບັນຊາການ ປກສ ເມືອງໄຊເສດຖາ, ມີຄູ-ອາຈານ, ແຂກຖືກເຊີນ, ພະນັກງານ-ນັກຮົບ, ປກສ-ປກຊ ບ້ານ ແລະ ອໍານາດການປົກຄອງບ້ານ ທີ່ຂຶ້ນກັບເຂົ້າຮ່ວມ.

Image may contain: 8 people, people sitting, table and indoor

Image may contain: 1 person, sitting, table, indoor and outdoor

ໃນພິທີ ພັທ ອ່ອນແກ້ວ ເສລີຄຳ ຫົວໜ້າ ປກສ ກຸ່ມ l ຈອມມະນີ ໄດ້ໃຫ້ຮູ້ວ່າ: ບັ້ນຝຶກອົບຮົມຄັ້ງນີ້, ນັກສໍາມະນາກອນ ຈໍານວນ 45 ສະຫາຍແມ່ນໄດ້ຮຽນຮູ້ ແລະ ເຂົ້າໃຈບົດຮຽນທີ່ສໍາຄັນຫຼາຍຢ່າງເປັນຕົ້ນແມ່ນ: ພາລະບົດບາດ, ສິດ ແລະ ໜ້າທີ່ຂອງກໍາລັງ ປກສ-ປກຊ ບ້ານ, ວຽກງານຄຸ້ມຄອງສໍາມະໂນຄົວ, ການເກັບກໍາການເໜັງຕີງຂອງພົນລະເມືອງລາວ ແລະ ຊາວຕ່າງດ້າວ, ການປະສານສົມທົບກັນລະຫວ່າງບ້ານ-ປກຊ ບ້ານ - ປກສ ກຸ່ມ ແລະ ປະມວນກົດໝາຍທາງອາຍາເປັນຕົ້ນແມ່ນ: ຫຼັກການພື້ນຖານຂອງຄວາມຮັບຜິດຊອບທາງອາຍາ, ພັນທະໃນການສະກັດກັ້ນ-ຕ້ານອາດຊະຍາກໍາ, ຂອບເຂດການນໍາໃຊ້ກົດໝາຍ, ການກະທໍາຜິດ ແລະ ຜູ້ກະທໍາຜິດ, ການວາງໂທດ ແລະ ບົດຮຽນສໍາຄັນອື່ນໆ.

Image may contain: 3 people, people standing and suit

Image may contain: 7 people, people standing

ຕອນທ້າຍພິທີ ພັທ ສີເພັດ ພິມມະສອນ ຫົວໜ້າກອງບັນຊາການ ປກສ ເມືອງໄຊເສດຖາ ໄດ້ໃຫ້ກຽດມອບໃບຢັ້ງຢືນ ຈໍານວນ 45 ໃບ ໃຫ້ບັນດາ ປກສ ບ້ານ ທີ່ສໍາເລັດການຝຶກອົບຮົມວຽກງານວິຊາສະເພາະ ໃນຄັ້ງນີ້; ພ້ອມນີ້ທ່ານ ໄດ້ກ່າວໂອ້ລົມຕໍ່ ປກສ ບ້ານ ທີ່ເຂົ້າຮ່ວມຝຶກອົບຮົມໃນຄັ້ງນີ້ໃຫ້ນໍາເອົາບົດຮຽນ, ປະສົບການທີ່ຄູ-ອາຈານ ຖ່າຍທອດໃຫ້ໄປໝູນໃຊ້ເຂົ້າວຽກງານວິຊາສະເພາະໃຫ້ເກີດມີຄຸນນະພາບ, ປາສະຈາກການເກັບກໍາຂໍ້ມູນທີ່ບິດເບືອນຄວາມຈິງ, ຫຼີກລ່ຽງບັນຫາຫາງສຽງຈົ່ມວ່າຂອງສັງຄົມ ເຫຼົ່ານີ້ເປັນຕົ້ນ. ເພື່ອເຮັດໃຫ້ພາຍໃນບ້ານກໍຄືກຸ່ມ l ຈອມມະນີ ມີຄວາມສະຫງົບທາງດ້ານການເມືອງ ແລະ ມີຄວາມເປັນລະບຽບຮຽບຮ້ອຍທາງດ້ານສັງຄົມ ຫຼາຍຂຶ້ນກວ່າເກົ່າ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments