ພະນັກງານຫຼັກແຫຼ່ງອ້ອມຂ້າງເມືອງອຸທຸມພອນ ຮັບຟັງການເຜີຍແຜ່ ວຽກງານຊັບສິນທາງປັນຍາ, ມາດຕະຖານ ແລະ ວັດແທກ



ໃນຕອນເຊົ້າວັນທີ 13 ສິງຫາ 2020 ທີ່ຜ່ານມາ. ທາງພະແນກວິທະຍາສາດ ແລະ ເຕັກໂນ ໂລຊີ ແຂວງສະຫວັນນະເຂດ ນຳໂດຍ ທ່ານ ບຸນເຄືອບ ແກ້ວມະນີ ຮອງຫົວໜ້າພະແນກວິທະຍາ ສາດ ແລະ ເຕັກໂນໂລຊີແຂວງ ໄດ້ສົມທົບກັບພາກສ່ວນທີ່ກ່ຽວຂ້ອງ ເຄື່ອນໄຫວເຜີຍແຜ່ເອກກະສານ ວຽກງານຊັບສິນທາງປັນຍາ, ມາດຕະຖານ ແລະ ວັດແທກ ຢູ່ທີ່ສະໂມສອນຂອງເມືອງອຸທຸມພອນ ໂດຍການໃຫ້ກຽດເຂົ້າຮ່ວມຂອງທ່ານ ປະສົງສິນ ຈະເລີນສຸກ ກຳມະການພັກແຂວງ ເລຂາພັກເມືອງ ເຈົ້າເມືອງອຸທຸມພອນ, ມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງ ການ, ຄະນະຫ້ອງການ, ພະນັກງານ, ທະຫານ, ຕຳຫຼວດ ຕະຫຼອດຮອດອົງການຈັດບ້ານ ແລະ ນັກ ທຸລະກິດ ພາຍໃນເມືອງເຂົ້າຮ່ວມຮັບຟັງຢ່າງຫຼວງ.

Image may contain: 1 person, sitting and indoor

ໃນກອງປະຊຸມ ທ່ານ ສາຍສະໝອນ ເພັດຊົມພູ ຮັກສາການຫົວໜ້າຂະແໜງຊັບສິນທາງປັນ ຍາ, ມາດຕະຖານ ແລະ ວັດແທກ. ໄດ້ໃຫ້ຮູ້ວ່າ ການປົກປ້ອງຜູ້ຊົມໃຊ້ແມ່ນການນໍາໃຊ້ມາດຕະການ ເພື່ອຮັກສາຊີວິດ, ສຸຂະພາບ, ຊັບສິນ, ສິດ ແລະ ຜົນປະໂຫຍດອັນຊອບທໍາຂອງຜູ້ຊົມໃຊ້ ທີ່ເນື່ອງ ມາຈາກຜົນກະທົບຂອງການນໍາໃຊ້ສິນຄ້າ ແລະ ການບໍລິການເປັນຕົ້ນ ອາຫານ, ຢາ, ເຄື່ອງສໍາອາງ, ການປິ່ນປົວສຸຂະພາບ ລວມທັງການແກ້ໄຂຂໍ້ຂັດແຍ່ງທີ່ເກີດຂຶ້ນລະຫວ່າງຜູ້ຊົມໃຊ້ ແລະ ຜູ້ສະໜອງ ຕາມທີ່ໄດ້ກໍານົດໄວ້ໃນລະບຽບກົດໝາຍ. 

Image may contain: people sitting, table and indoor

ເປັນຕົ້ນ ກົດໝາຍວ່າດ້ວຍຊັບສິນທາງປັນຍາ ພາກທີ IX ມາດຕາ 157 ມາດຕະການຕໍ່ຜູ້ລະເມີດ ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ລະເມີດກົດໝາຍວ່າ ດ້ວຍຊັບສິນທາງປັນຍາ ຈະຖືກສຶກສາອົບຮົມ ຫຼື ກ່າວເຕືອນ, ລົງວິໄນ, ປັບໄໝ, ໃຊ້ແທນຄ່າເສຍ ຫາຍທາງແພ່ງ ຫຼື ລົງໂທດທາງອາຍາ ຕາມແຕ່ກໍລະນີ ເບົາ ຫຼື ໜັກ, ກົດໝາຍວ່າດ້ວຍການປົກ ປ້ອງຜູ້ຊົມໃຊ້ ພາກທີ VIII ມາດຕາ 69 ມາດຕະການການປັບໄໝ ບຸກຄົນ, ນິຕິບຸກຄົນ ຫຼື ການຈັດ ຕັ້ງ ທີ່ລະເມີດລະບຽບກົດໝາຍກ່ຽວກັບວຽກງານປົກປ້ອງຜູ້ຊົມໃຊ້ ເປັນຕົ້ນ ຂໍ້ຫ້າມທີ່ບໍ່ເປັນການກະ ທຳຜິດທາງອາຍາ ພາຍຫຼັງທີ່ໄດ້ຮັບການກ່າວເຕືອນມາແລ້ວ 2 ຄັ້ງ ຈະຖືກປັບໄໝຕາມແຕ່ກໍລະນີ ຊຶ່ງໄດ້ກໍານົດໄວ້ໃນລະບຽບການສະເພາະ, ກົດໝາຍວ່າດ້ວຍມາດຕະຖານ (ສະບັບປັບປຸງ) ພາກທີ XII ມາດຕາ 119 ມາດຕະການປັບໄໝ ບຸກຄົນ, ນິຕິບຸກຄົນ ຫຼື ການຈັດຕັ້ງທີ່ລະເມີດລະ ບຽບກົດໝາຍກ່ຽວກັບວຽກງານມາດຕະຖານ ໂດຍເຈດຕະນາ ແລະ ລະເມີດໂດຍບໍ່ເຈດຕະນາ ເປັນ ຄັ້ງທີ 2 ເຊິ່ງບໍ່ເປັນການກະທຳຜິດທາງອາຍາ ຈະຖືກປັບໄໝ 2 ເທົ່າຂອງມູນຄ່າເສຍຫາຍ ແລະ ກົດໝາຍວ່າດ້ວຍການວັດແທກພາກທີ VII ມາດຕາ 57 ມາດຕະການຕໍ່ຜູ້ລະເມີດ ບຸກຄົນ, ນິຕິບຸກ ຄົນ ຫຼື ການຈັດຕັ້ງ ທີ່ລະເມີດລະບຽບກົດໝາຍກ່ຽວກັບການວັດແທກ ຈະຖືກສຶກສາອົບຮົມ, ລົງວິໄນ, ປັບໄໝ, ໃຊ້ແທນທາງແພ່ງ ຫຼື ຖືກລົງໂທດທາງອາຍາຕາມກໍລະນີເບົາ ຫຼື ໜັກ. 

Image may contain: 2 people

ທັງນີ້ກໍ່ເພື່ອກໍານົດ ຫຼັກການ, ລະບຽບການ ແລະ ມາດຕະການ ກ່ຽວກັບການສົ່ງເສີມຫົວຄິດປະດິດສ້າງ, ການປະດິດ ຄິດແຕ່ງ, ເສດຖະກິດພູມປັນຍາ, ການຄຸ້ມຄອງ ແລະ ການປົກປ້ອງສິດທາງດ້ານຊັບສິນທາງປັນຍາ ເພື່ອຮັບປະກັນຜົນປະໂຫຍດອັນຊອບທໍາຂອງເຈົ້າຂອງຊັບສິນທາງປັນຍາ ແລະ ຜົນປະໂຫຍດຂອງ ລັດ, ສັງຄົມ, ຊຸກຍູ້ ຄົ້ນຄວ້າ ແລະ ພັດທະນາວິທະຍາສາດ ແລະ ເຕັກໂນໂລຊີ, ຕາງຖ່າຍທອດ ເຕັກໂນໂລຊີຢູ່ພາຍໃນ ແລະ ຕ່າງປະເທດ ແນໃສ່ສົ່ງເສີມການຄ້າ, ການລົງທຶນ ແລະ ຄວາມອາດ ສາມາດ ແຂ່ງຂັນໃຫ້ເສດຖະກິດແຫ່ງຊາດໃນຍຸກໂລກາພິວັດ ຢ່າງມີປະສິດທິພາບ, ປະກອບສ່ວນເຂົ້າ ໃນການຫັນປະເທດ ເປັນອຸດສາຫະກໍາ ແລະ ທັນສະໄໝເທື່ອລະກ້າວ.


ນັກຂ່າວເມືອງອຸທຸມພອນ
ພອນປະເສີດ ແຜນພັກດີ

















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments