ຜະລິດຕະພັນຫວາຍ ແລະ ໄມ້ປ່ອງ ບ້ານແບ່ງດ່ານ ເມືອງລະຄອນເພັງ ໄດ້ຮັບການປະກາດເປັນສິນຄ້າໜື່ງເມືອງໜື່ງຜະລິດຕະພັນແຫ່ງຊາດ



ຜະລິດຕະພັນຈາກຫວາຍແລະໄມ້ປ່ອງຂອງກຸ່ມຫັດຖະກຳຈັດສານບ້ານແບ່ງດ່ານ, ເມືອງລະຄອນເພັງ, ແຂວງສາລະວັນ ໄດ້ຮັບກາໜາຍສິນຄ້າໜື່ງເມືອງໜື່ງຜະລີດຕະພັນ ຫລື ໂອດ໋ອບ ແຫ່ງຊາດ ປະກອບມີ 6 ລາຍ ການ ຄື: ກະໂຕກ,ກະຕ່າຂັນໜາກ,ຂັນຕັກບາດ,ໂຖດອກໄມ້,ຖາດວາງຈອກ ແລະ ກອ່ງໃສ່ອຸປະກອນການຂຽນ.


Image may contain: 6 people, people standing and outdoor


No photo description available.


ກຸ່ມຫັດຖະກຳຈັດສານ ບ້ານແບ່ງດ່ານ ສ້າງຂື້ນນັບແຕ່ປີ 1979 ເປັນຕົ້ນມາ. ໃນເວລານັ້ນມີພຽງພໍ່ແມ່ເຖົ້າແກ່ພາຍໃນບ້ານໄດ້ຈັດສານອຸປະ ກອນຮັບໄຊ້ພາຍໃນຄອບຄົວເທົ່ານັ້ນ ເປັນຕົ້ນ: ສານກະຕີບເຂົ້າ,ຫວດ - ມວຍໜື້ງເຂົ້າ, ກະບຸງ, ກະຕ່າ, ກະຕັງ, ກະພາ, ກະດົ້ງ, ກະຂ້ອງ, ສ້ອນ,ໄຊ ແລະ ອື່ນໆ ເຊີ່ງເຮັດດ້ວຍໄມ້ໄຜ່,ໄມ້ປ່ອງ ແລະ ຫວາຍ,ໂດຍນຳໄຊ້ວັດຖຸດີບຈາກທຳມະຊາດ, ເບື້ອງຕົ້ນມີການຈັກສານຜະລິດຮັບໃຊ້ພາຍໃນຄອບຄົວໃຜລາວເພື່ອແລກປ່ຽນເຂົ້າປາອາຫານ ແລະ ຂາຍໃນວົງແຄບ ໂດຍວາງຈຳໜ່າຍຕໍ່ໜ້າເຮືອນຂອງໃຜລາວ ແຕ່ບໍ່ທັນສ້າງເປັນກຸ່ມເທື່ອ ແຕ່ດ້ວຍສີ ໄມ້ລາຍມືອັນປານິປານອມແລະເປັນເອກະລັກເຮັດໃຫ້ມີຊື່ສຽງກວ້າງອອກ ມາຮອດປີ 1996 ໄດ້ສ້າງກຸ່ມຂື້ນໂດຍເລືອກເອົາ ແມ່ສີ ເປັນຫົວໜ້າກຸ່ມ ມີສຳມະຊິກກຸ່ມ 12 ຄອບຄົວ. 


Image may contain: one or more people, people sitting and indoor


Image may contain: 4 people, outdoor


ປີ 2009- 2010 ອົງການປົກຄອງເມືອງລະຄອນເພັງຮ່ວມກັບໂຄງການຢີ່ປຸ່ນ ໄດ້ເຂົ້າຊ່ວຍເຫລືອ ເອີ້ນວ່າ: ໂອດ໋ອບ ປະກອບມີ 25 ຄອບຄົວ ໂດຍນຳໃຊ້ຕົ້ນທືນ ແລະ ມີມືແຮງງານເພື່ອເຮັດໃຫ້ຜະລິດຕະພັນຫລາກຫລາຍຂື້ນ.ມາຮອດປະຈຸບັນມີສຳມາຊີກ ຈຳນວນ 39 ຄອບຄົວ ໂດຍແມ່ນນາງ ລັດດາວັນ ເປັນປະທານກຸ່ມ ແລະ ໄດ້ເຝິກອົບຮົມດ້ານສີມືແຮງງານ, ດ້ານການບໍລິຫານຈັດການ ແລະ ໄດ້ກໍ່ສ້າງສູນວາງສະແດງສີນຄ້າຫັດຖະກຳຈັດສານຂື້ນ 1 ຫລັງຮູບຊົງລາວ, ມູ້ງຫຍ້າມູນຄ່າການກໍ່ສ້າງ 63 ລ້ານກວ່າກີບ, ເພື່ອປັນບ່ອນວາງຈຳໜ່າຍສິນຄ້າເພື່ອສ້າງລາຍຮັບເຂົ້າສູ່ຊີວິດຕົວຈິງຂອງພໍ່ແມ່ປະຊາຊົນບັນດາເຜົ່າໃຫ້ຫລຸດພົ້ນອອກຈາກຄວາມທຸກຍາກເຮັດໃຫ້ຊີວິດການເປັນຢູ່ນັບມື້ນັບດີຂື້ນ.


No photo description available.


ສໍາລັບພິທີປະກາດກາໜາຍສິນຄ້າໜື່ງເມືອງໜື່ງຜະລິດຕະພັນ ຫລື ໂອດ໋ອບ ແຫ່ງຊາດ ໃຫ້ກຸ່ມ ຫັດຖະກຳຈັກສານຫວາຍແລະໄມ້ປ່ອງ ບ້ານແບ່ງດ່ານ ເມືອງລະຄອນເພັງ ແຂວງສາລະວັນ ຈັດຂື້ນໃນຕອນເຊົ້າວັນທີ 19 ສີງຫາ 2020 ຢູ່ສະໂມສອນຂອງເມືອງ. ໂດຍມີ ທ່ານ ສົມໃຈ ອຸ່ນຈີດ, ເຈົ້າເມືອງໆລະຄອນເພັງ, ພ້ອມດ້ວຍຕາງໜ້າຈາກພາກສ່ວນກ່ຽວຂ້ອງຂອງແຂວງ, ເມືອງ ແລະ ສະມາຊິກຂອງກຸ່ມຫັດຖະກໍາດັ່ງກ່າວເຂົ້າຮ່ວມ.


Image may contain: one or more people and flower


Cr: ຖວທ ເມືອງລະຄອນເພັງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments